قبل ان ابدأ احب ان اشير ان هذه السلسلة عبارة عن قصص متفرقه...(( يعني مثل طاش ماطاش)

وجميع الحقوق محفوظه عشان مايصير لي اللي صار مع الجمجمة...



سلسلةقصص صويلح الدلخ(( القصة الاولى))



في زمن اغبر..حالك بالظلام..فترة الليل..وانواع الشمس فترة النهار....وجو رومنسي اذا جا المغرب..


نقدر نقول..تجيك الفصول الأربع بيوم واحد..


عاشت بهذا الزمن..قبيلتين..قبيلة الدباشه..وكان قائدها طاحوس....وكان يقال لطاحوس يوم هو صغير..ياطاحوس شب النار..ياطاحوس شبه..


والقبيله الثانيه..هي قبيلة الصتامه..وهي ماخوذه من صتيمه..من صتم الشيء..فهو مصتوم..ويرجع اصل هذه الكلمه ..الى الشرق الأوسط من السعوديه ..نجد تحديدا..


وكلمة دباشه ..وصتامه..تصب معانيها..في صحنن واحد..الا وهوا الدلاخه..مجموعه في قوله مستدلخون..


كانت هالقبيلتين..حبايب..وش حليلهم..ابد مايتهاوشون على مواقف السياكل..ولا عمرهم تلاقطوا وتناشبوا الشوش عند بقالة ابو عبدالكريم..


واقترحوا اقتراح ..فيما بينهم..انه يخلون واحد يكون قائد هالقبيلتين....وقعدوا يدورون من هو اكبر صتيمه و دبشه موجود ..


و ما فتأ ( يعني ماتعب ) القوم من التدوير..حيث وجدوا طاحوس ..اكبر دبشه مر على تاريخ الدباشه


طبعا..طاحوس..كان متوقع اختياره..حيث قال ذات مره ... كن دبشة تعش حياتك هنيئا...


استلم طاحوس حكم القبيلتين..وصاروا مايحتاج...اقوى ناس في ذلك العصر


حيث اشترك فريق المصاقيل في دوري الحارات العالمي للمصاقيل..حصل على المركز الأول..وذلك بفضل اللاعب الخطير..ابوصتمه..حيث كان اصبعه اشبه مايكون بمفك عجل هايلكس..


وايضا شاركوا بدوري الدرجة الممتازة للكيرم..وبدع فريق الاعب الشهير فيحان القيس..حيث اشتهر بحركته الشهيره..بتسقيط الخمسين مع طباقته في آنن واحد..واطلق على هذه الحركه اسم..اطلق سيقانك للريح..


ومن ناحية الفتيات فقد اشتركت الآنسه عصقوله من قبيلة الصتامه ..بلعبة السلم والثعبان فئة فتيات..وحازت على المركز الأول


خلاصة القول...انه ازدهرت التجارة والوناسه في عصر طاحوس لفترة من الزمن.......ولكن ومع مرور الأيام...


بدأ طاحوس..يكثر من حركات الأستهبال..ويتأمر على بعض العيال..


حيث ورد عنه انه كان ذاهب للبقاله ..و لمح بعض الفتيات يلعبن مصاقيل..جا وحاس عليهن..


وايضا...منع لعب الكيرم اثناء الليل...و اصدر قرار..بمنع دخول السياكل المظلله..ويذكر ان شليويح قد قام بتظليل سيكله ..وذلك لأستخدامه في تهريب العلوك..


وكان لطاحوس أخ اصغر منه..قليلا..يتمتع بطول القامه ..حلو المظهر..وخشته تظهر عليه ملامح الدباشه ..

وكان اذا شافته الفتيات يغمى عليهن من شدة فتنته.....انه الزير صويلح..


في ذلك الوقت من حكم طاحوس للقبيلة..كان الزير صويلح..غارقا مع الفتيات ..ولا هوب يم احد ..وكان فيحان القيس يقوله ..: كل البنات بتحبك ..كل البنات حلوين..طبعا ياسيدي يابختك ..الخ


وذات يوم..لمح طاحوس..سيكل شليويح....فانطلق عليه وصدمه ..واخذه وحلته ( رماه ) من فوق السطح..


وصل خبر ماحدث الى شليويح..فغضب ..لدرجة انه كان واصل المرحلة الأخيره بشريط درايفر اللي بالسوني..وفصل السوني بدون مايحفظ المرحله ( لله درك يا شليويح اذا غضبت )


وانطلق الى طاحوس ...والشرر يتطاير من عينيه...وكان مستنطا..لدرجة لو طبوا عليه اربع باكستانيه لجلدهم..


قال شليويح لطاحوس..: خير يابو الشباب وراك على سيكلي ..

طاحوس : اقول ورا ماتعقل ..تراي انا الحاكم ..قسم بالله لا امحطك بعسيب النخله انت وخشتك

شليويح : ياخي حاكم ايه عادي ماقلنا شي..اما مسألة انك تقربع سيكلي معصي ....وين سيكلك ابخربه..

طاحوس : بدررري على امن جابتك ...كان فيك خير سو شي

شليويح : اقول ..ترى مهوب من صالحك ..ترى ابفلقك بهالحطبه اللي بيدي

طاحوس..: انا بمشي وكانك رجال سو شي ..

شليويح..: اقول تعال كلمني هنا...والا تعال ضارب ..لا تلقيني ظهرك

طاحوس : ياربييه ياذا البزارين ..يالله بس ضف ضف ..( واستدار طاحوس )

شليويح : التفت علي تراي ابضاربك ..ولا ابي اضربك مع ظهرك...ابي الفلقه تجي مع الدميجه..

طاحوس : اها بس كل تراب

شليويح : حسنن...خذ لا بارك الله بذا الخشه ..

واطلق شليويح الحطبه التي كانت بيده..ولا ردها الا ظهر طاحوس..مما ادى الى سقوط طاحوس..ويخر صريعا..

شليويح : تفو على ذا الخشه ..قايلك اني منيب امزح....يؤ شكله مات صدق...ابهج ...


في تلك الأثناء..وبينما حدثت تلك الهوشه...كان الزير صويلح وصديقه الصدقي فيحان القيس..يلهوان مع الفتيات..ويشربون كؤوسا من الحمضيات ....

وهرب شليويح الى اهله..فعلم ابو شليويح بما حدث وقال له : لقد وهقتنا يا ابني..لسوف نتوهق توهيقتن كبيرة..

شليويح : لا عليك يا أبي..سوف نصرفها...والتفت الى اخيه صعفق ..قائلا : مارأيك بذلك يا صعفق..?

كان صعفق مبتسما ..




قال صعفق..لا عليكم ...سوف اتفاهم مع الزير صويلح لأنه صديقي..ومسلفه مصاقيلي ذات مره..

...

وصل خبر قتل طاحوش الى صويلح....فلم يصدق..وبدأ يناقز من شدة الحزن..وانطلق الى ابنة طاحوش الدجاجه..

فوجدها تبكي ..وقالت لعمها صويلح : لقد قتلوا ابوي انت وخشتك ..ورا ماتروح تاخذ بثار ابوي..

كان صويلح قاعد يحك ظهره..وقال : اهجدي لا اصنك بجنط السيكل مع خشتك خلين افكر..

قال صويلح..: بروح للعيال باللأستراحه..اشوف وش رايهم..


وصل صويلح للأستراحه..وكاف فيحان القيس..قد فاز على كل العيال بالضومنه..وقال لصويلح..: كل عام وانت بخير..قصدي احسن الله عزاك..

رد صويلح : هلا صحة وعافيه ولا يكثر....اقول تراي ناوي اخربها مع قبيلة الصتامه..لا بوهم لابو اللي جمعهم..

رد فيحان القيس : ينصر دينك ...لا فظ فوك يا صويلح..

صويلح : اجل لافظ فوك هاه... متى تبي تعقل انت...لا اجي امحطك بالعقال..انا من الصبح اصيح على طاحوس وانت قاعد تفلسف..

فيحان : ياخي اص بس..بروح انادي العيال عشان المضاربه..

صويلح : ايه رح رح فكنا بس..


عاد صويلح الى بيته عند الدجاجه..ابنة اخيه..ووجد الشيخ لافي خالهم جاي عندهم..وقال صويلح في نفسه : لاحووول وش جابه ذا العله..

قال لافي : هلا هلا صويلح ..بالحضن يابني بالحضن

صويلح : خير وش تبي انت .. وش اللي حضن انت وخشتك ..اللي كنه زمزمية منسدحه...اصلا من يوم عرفت ان اسمك لافي وانا غاسل يدي

لافي : دعنا من هذا الكلام يا صويلح...لا تفشلني ..وانا جاي اشوف وراك تبي تضارب قبيلة الصتامه..

صويلح : ياخي مشكلة اذا اجتمعت بالواحد ...صفة انه دلخ ..وشين بنفس اللحظه..ياخي ذابحين اخوي وتبين اقعد اناظر..

لافي : حسنن..ولكن خل عنك حركات الأستهبال..لا تذبح عيالهم ..اللي ذبح طاحوش هو شليويح..رح تدابغ انت وياه لين تملون..

صويلح : لافي انت غبي والا تستغبي..بس ودي اعرف يعني...يا كمخه..لو اذبح كل مبزرة قبيلة الصتامه..ماجابوا ولا خشم طاحوش..

وبعدين تعال انت ..نبي نسأل الدجاجه بنت طاحوش...وش اللي يرضيه بمقتل ابوه..تعال انتي يالدجاجه الصقعاء..

الدجاجه : مازا اردت يا عمي ..

صويلح : اخس يا مازا..صايرتن مصريه اجل...ايه اسمعي..يقولك لافي اذبحوا شليويح بدال طاحوش..

الدجاجه : لأه ..انا عاوزه بابا حيا انا عاوزه بابا حيا ......وظلت تقول هذا الكلام الى انت جتها زبيريه تمشي مليون مع خشتها ..من صويلح ..ونقول لصويلح سلمت رجلك ..صويلح : هلا تسلم ياللي قاعد تقرا..

صويلح : هاه شفت يا لافي ..تقولك عايزة مدري وشو ...يعني تبي ابوها ذا البزره..

لافي : انها الحرب قد بدأت يا صويلح..ادحضها ( يعني وقفها على ما أظن ) من الآن لا نتوهق..

صويلح : اقول قم قم انت ماينفعك الهرج..يالله لا اتوطى ببطنك امام اخوياك ذا اللي صافين صايرين تقل طقم ملاعق..


دق صويلح على خويه فيحان ( دق ليست دق بيجر او جوال ..لأن ذلك الوقت مافيه ذا الخربطه ..ولكنه كز ( ارسل ) العبد حقه الى فيحان ) وقال له : فيحان هاه جبت العيال..

فيحان : ايوه دوبهم جايين ..

صويلح : خير وش دوبهم ذي ..اشوفك متأثر ببابا فرحان ..( في ذلك العصر كانت تجي بابا فرحان كتمثليه سهره يوم الخميس )

فيحان : ايه ياخي والله يانا اخق على ام الخير..

صويلح : ايه طيب...عساك جبت الحطبه حقتي..والزرادية البرتقاليه ..

فيحان : ايه..والعيال بعد هذاهم بالطريق..

وصل العيال..وهم مكونين من ...وائل ..? هيثم ..? سمير ..? بسطويسي..? رأفت...? ..?...? ابو جلمبو..

يالهي ..انه ابو جلمبو شخصيا..?

صويلح : ياعمررررري ياشيخ...اروح قوطي حمضيات منسدح عند اشارة معك يابو جملبو..لا خلاص بنفوز عليهم..

ابو جلمبو : علا شباب..( علا = هلا ..ولكن ابو جلمبو بالع مكيف ) اشغلتونا بذا الصتامه.ياخي وينهم.

صويلح : هالحين بنروح نطب عليهم نلزخهم ..وانا سوف اروح اشوف زوجة اخوي طاحوس الحصيصه.


ولقد كانت الحصيصه حاملا....ووصل خبر موت هذا الطفل ..للزير صويلح..مما ادى الى انه جاه شد عضلي بخشمه من فرط الحزن..


قامت المضاربه الأولى..وقد ابلى صويلح بلاءا حسنن..حيث صفق 17 ولعب اكس اوو بخشة اربعه..وعبر عن انتصاره بأن جمع العيال بعد المعركه..وبدا يرقصون ويغنون ..الله الله يا منتخبنا خذني بقايا جروح ارجوك داويني..قمرين دول والا عينين....يذكر انهم مشغلين مقاطع ذي مهيب اغنية..


بعد فترة ليست بالطويله..يعني ربع ساعه تقريبا..انطلق شليويح الى الحصيصه..قائلا لها..يجب ان نخفي المولود الجديد..

الحصيصه : وراه وجع ?

شليويح : لكي نقدر نوقف هذه الخزعبلات .من المضاربات الداميه..لقد تفقعت خشتي

الحصيصه : بس ياخي هذا ابن طاحوس ولازم يحمل لقبه ..

شليويح : ايتها الخبله هل تريدينا ان نقتل جميعا..

ووافقت الحصيصه على فكرة شليويح..بأن يجعلون المولود يحمل اسمهم ..وتكون الحصيصه عمته وليست امه ..على باله يبون يلعبون عليه..


وبعد مرور الكثير من المعارك..وكان النصر اغلبها لفريق الزير صويلح..لأنه كان يلعب بخطة يوردانيسكو مدرب الهلال سابقا...وهي نفس خطة ابو سعيدان مدرب نادي الدلوخه ..الا وهيا..هجوم لمين نجيب هدف..بعدين ..استخدام اسلوب احمد جميل.? لا يهون احمد خريش..الا وهوا اذا فاتك الكورة لا تفوتك سيقان الرجال..

وبعد هذه المعارك..والتي قتل فيها الزير صويلح اشخاصا عزيزين على قلبه..مثل صعفق..صديقه سابقا..والذي كان يلعب معه سوني بالدوري الياباني..

وابناء اخته سعدون وسعيدان....وذلك اثر على نفسية صويلح كثير..مما حدا بفيحان القيس ان ياخذ صويلح ..ويروحون لمقهى ابو هيثم..حيث طلب صويلح معسل باشا....ونحن نذكر ان التعسيل يؤثر على صحتك الرجاء لا يهمك صويلح تراه من جنبها..


وبعد مرور السنين..كبر ابن الحصيصه والتي كانت تريد ان تسميه الطاسه كما كان يريد ابو طاحوس..ولكن مشورة شليويح ..جعلتها تسميه صندوق..

وفي يوم من الأيام احس الصندوق بأن فيه شي غلط..وقال للحصيصه..من انا ووش القصه..وكان حاجرها بزاوية الغرفه..مما جعلها تخر بكلش وتقوله السالفه


مما اغضبه وانطلق الى شليويح ليتضارب معه..وذلك بعد ان كان صويلح قد لعب بحسبة قبيلة الصتامه كلها..

وبعد مضاربه حامية الوطيس ( يعني اقوى مضاربه ) بين طاسه وشليويح ..

انتهت بمقتل شليويح..وثأر طاسة لأبوه طاحوس..


واستانس صويلح لما حدث....


وبعد فترة من هذه الحادثه قتل صويلح غدرااا..


انتهت...$.............



اسف على الاطاله.....وهذه القصه خياليه اما ماوعدتكم به من قصص اخوي صويلح الدلخ فهي في الحلقات القادمه ان شاء الله وتقبلو تحياتي......

وما عليكم سوى الانتظار في الحلقات القادمه...

حلوه مهبوله مصرقعه زاحفه منسمه مقلعه مطرطعه ......


رهيب..رهيب....رهيب........


بس تراه طويله مره ......


تحياتي


اخوك/شليويح


اوه اسف

مومو

LOL ........KEEP UP DA GOOD JOB BRAZAR

مشكورين يا اخوان على التفاعل

وااسف على الاطاله يا مومو بس مايصير لها طعم الا اذا كانت جزء واحد

اخوي البيت الازرق من ذوقك

ياسلالالالالالالام عليك ..

اسلوب رائع ومنسم في نفس الوقت

إقتباس وجميع الحقوق محفوظه عشان مايصير لي اللي صار مع الجمجمة...

مثل ماقلت لك أنا حقوقي كانت مدفونة ..يعني اقوى من المحفوظة ..

بس هم مثل الحشرات يحفرون في كل مكان علشان يسرقون

انتبه تراهم جايين شفهم تحت :






































تحياتي

مشكور أخوي ويعطيك العافيه

تنسيم الى ابعد حدود ,,,,,,,,



الجمجمه ههههههههههههه والله ياهو يبي يتوب ماعاد يسرق منك شي ,,,,,

تقبلوا تحياتي وشكرا ,,,,,,,

مشكوووووووور عل القصه اخوي .
منسممممممممه

العفو.:.............. ومشكورين على التفاعل

يك يك يك الله يرجك اقلاع حتى الثمالة

تننننننننننننننننننننننننننننسيم

مشكورين وهدفي الاول هو رسم البسمه على شفاتكم

تقبلو تحياتي

اما هدفي الثاني تسلل