اول شيء كيف احولكم وعلومكم ومن يعزون عليكم
السالفه سلمكم الله:
كنا جالسين نتابع مباراة الهلال والملعب التونسي بالبطوله العربيه(الليله التعيسه):sad: :sad:
جاني اتصال بالجوال
ويقول لي: انت big head.
قلت: ايه نعم آمر .
قال: ابد اخوك ماسكينه وهو مسرع ويمشي 184
انا يوم قال 184 احس حقدت
على اخوي ولو اني جنبه كان صفقته بطراق على عينه>>>والله ما ادري من اللي يصفق الثاني
.
الشاهد.
قلت خلاص وين مكانكم وانا جايكم هاللحين.
المباراة راح على بدايته يمكن ربع ساعه.
قال:حنا بالمكان الفلاني ,
حاولت اصرف (عدل بدل)مافيه نبيك يعني نبيك.
المهم رحت لهم والقى اخوي مصفق ومكسر وجهه وحالته حاله
ياليت هذا اللي صار,
لقيتهم واقفين وخذ ياسواليف عاد يوم جيت امير تقفل معي يعني مضيعين علينا المباراة واخرته هذا حالكم .
اول ماسلمت على رجل المرور>>>>>يسمع برجل مرور اكثرهم سرابيت مجمع;)
جاك وسوا مهم ويركب اخوي بالمرتبه اللي ورا>>>وتقب معي(تعرفون اخوكم عاطفي)
عاد اخوي يقول لي عقب لو انك ماجيت كان مشان .
الشاهد يوم ركبه واجيي اقوله: ليش تركبه؟
قال: الحقني للناصريه ولا يكثر>>>>افا بدا يغلط
واجيك انا اللي اقول له: لا ان شاء الله انك تبي تفكه وبعدين عنده عجوز بالبيت يبي يضيق صدره اذاحجزته.
قال: من....امك
قلت :ايه وش تبي بعد بامي.
قال: لا ابد انا دقيت على بيتكم وردت على حرمه كبيره وقلت له>>>>>>
امير تقب معي تاركين المباراة قلنا ميخالف ;) مشي
بس كذا لا لا لا.
واجيك انا اللي اطب ببطنه>>>لايروح بالكم بعيد كلام بس(وين عليه 6شهور)
وياللي ماتستحي تكلم على البيت وتحوسهم بسالفة ماتستاهل وياللي ......وخذ ياتقطيع>>>اعذرون وصلت معي.
المهم وباللحظه هاذي واشوف وجه اخوي مركب بالجمس ورا>>>اللي يشوفه يقول ذابحن اربعه;)
ويشر لي اخوي ويقول اتركه مهوب صاحي ذا.
قلت ياولد:يله ترك السلب سنه
وبعدين هذا شكله ناوي يطوله وهي قصيره.
واجيك واركب سيارتي على بالي ادق من الجوال وهم ملاج(مهاوش) بيناتهم
وارجع لمه مره ثانيه واقول له والله انك احسن واحد وانت ارهب شيء وانت وانت....
المهم الضعيف فرح وقال: خلاص انزل يافلان يعني اخوي.>>>>واثره منذ مبطي وهو يبي سذا.
جاء اخوي وركب سيارته ومشى وهو قافلت معه.
جيت انا وتشكرته
مع اني ودي الجنه(اللام عليه شده)يعني اتمردس ببطنه,ايقالي زينته.
ويجيك ويقول لي لا لا عادي ماسوينا الا الواجب
>>>قافله تراه بس وش اسوي.
وارجع لاخوينا اثر المباراة قاضيه ومنهزمين
.
واسئل اخوي (ايه ايه نفسه نفسه المجرم);) وش السالفه
قال لي: سلمك الله>>>
حلوه سلمك الله بالعاده الله ينزعك
ابد كنت مسرع وامشي تقريبًٌَُا130/140
قلت تسذب علي يالسلب وخذ ياحلوف عاد اعرفه انا كل شيء الا السذب>>>يعني ممكن
يرتكب جنايه بس يسذب لا...ماعليه شرهه اصله اخوي ;)
وبعد التحري والتقصي مع اخوي اكتشفت ان (رجل المرور)
موقف اخوي لعانه يعني فضاوه المشكلة ياليت اخوي به شيء من الحسن والجمال سان
اقول يعني وقفه علشان...;) الا شين, يجيب المرض, ياشيخ تكره الدنيااذ شفته, مابه
اي نوع من انواع الخفه وعير يعني(ظخم الجثه),وسيارته خجما ;)
يعني مره
قاضي ويجيك هالزلابه ويوقفه واللي قاهرن انه ماعطاه مخالفه وراحت ساعتين على
الفاضي
:sad:
اعذرون طولت عليكم بس ياناس من الشيء اللي بنفسي عليه
[gl]هذه ليست خيال وانما واقع[/gl]
الحوسه مع مرور الغفله.. 
حلوووه;) ;) 
الوضع العادي
