مين منكم استلف يوم من ابوه - نادي الهلال السعودي - شبكة الزعيم

روعه الهلاليه · #1 04/01/2008, 06:41 AM

السلام
كيف الحال
اليوم حبيت نغير جو شوي يعني عنواني ماكان القصد منه اللي فهمتوه
كنت أقصد من يوم أخذ من ابوه فلوس دون علمه وصار له موقف انحرج فيه مع ابوه يعني كان مسوي فيها رزه وعقب لقاه ابوه وهو يفتش في جيبه
<<يعني باختصار طاح من عين ابوه >>
ببدأانا وباسمع مواقفكم عقب
المهم انا يوم والبيت كله نايم وابوي بعد نايم دخلت لغرفته ويوم وصلت للثوب الا ويطيح الثوب وبصوت مو عادي رج الغرفه رج عاد انا هني توهقت وطلعت برا الغرفه جري
وبعد ماحسيت الأوضاع هدت رجعت وعلقت الثوب بس لليوم مادري ابوي شافني والا لا
يالله انتظر ردودكم
فرفشوا واتركوا الرسميات اوكي
يالله سيووووووووووووووووو

بنت عز ماتنهز · #2 04/01/2008, 06:47 AM

هلا روووعه

بصرااحه مااحب اخذ من ابووي من دوون علمه او يمكن استحي ااخذ وهومايدري

واذا بغيت شي والوالد نايم اقوول لبنكيالمتحرك طبعا امي وهي ماتقصر

مشكوره على الموضوع

تحياتي وردهورده

روعه الهلاليه · #3 04/01/2008, 06:58 AM

هلااااااااااا بنت عز
نحنا بابا مايقصر معانا بس انا احب المغامرات

لاكان نايم واحتجنا فلوس طبعا مانقدر نصحيه واحنا مزنوقيييين لازم نبيها

وماما ماترضى تجيب لنا

فنظطر نسوي هالحركات

بس ندري انه لو صحى بيزعل لأننا ماأستأذنا منه عشين كذا مانخليه يشوفنا

يسلموووووووووووووو بنت عز على مرورك

وسلميلي على بنكك المتحرك

تقبلي تحياتي

بيكهام للأبد · #4 04/01/2008, 08:36 AM

اما انا عندي قصه .. لاكنها من سنه كذا ( كنت مرجووج حبتين بس الحمد لله عقلت )

ذاك اليوم خربتها .. وارووح لثوب الشايب الله يشفيه وانتف الصراافه حقته ( عاد انا عارف الرقم السري دايم اسحبله ) وعلى طول للصرافه .. واسحب 5 الاااف ... وارجع واحط الصرافه في الثوب .. هذا الكلاام الصبح .. والله ويقوم الشايب على الظهر .. وطلع من البيت .. المهم رجع على السااعه 7 المغرب .. واشوفه يدورني وين الوليد وين الوليد ومعصب .. انا قلت بس كفشني .. وانزله واقول ( هلا بالغالي ) مسوي بهدي الوضع .. وماادري الى والكف على وجهي .. اثره راح يصرف العصر فلووس من الصرااف .. وماقدر يسحب لاني سااحب العدد الكامل 5 الااف .. وراح البنك وسوالهم قروشه .. واخر شيء قال انهم طلعوا صورتك وانت تزرف من الكاميرا حق الصراافه ( شكله يلعب علي يبغااني اكع ) ( عاد انا كعيت طبعاا ) وانواع السب والشتم ( ويكرشني من البيت ) عادي كبقيت الابهاات يطرد ولده ويرجعون في اخر الليل ..

المهم قاال قبل ماتطلع نقز الفلوووس .. انا يوم شفت الدعوه كذا طرده وهوااش .. قلتله صرفتها .. عاد انا حلفت بعد التكفيخ هذا والله مايشد ولا ريــااال ..

وزااد التكفيخ فيني اليــن الوالده وكبقيت الامهاات سحبتني وقالتلي اطلع مع اخويااك وارجع في الليل اذا ابوك ناام ( ياحبي لها .. الله يطول عمرها )

طلعت عااد انا ويااني فليتها ذااك اليوم .. وانوااع الفله وصرف يمين ويساار ولاخلينا ولا مــكاان ( على حســاابي ) مطخطخ ( واخويااي السرابيت الحمد لله تركتهم .. ماصدقوا خبر هاات هاات

وارجع عااد اخر الليل قبل صلاة الفجر .. وادخل على طول الغرفه وانام ... ويجي اليوم الثاني واقوم العصريــه .. نزلت تحت لقيت ابوي تاكي يتقهوا في الصااله ( انا بيني وبينكم رحت فيها ) الى هو يناديني تعاال تقهو .. عاد جيت وحبيت راسه .. وقلتله العذر ووو من هالكلاام .. وقاال ياولــدي لو طلبتني كاان مارديتك بس ليش تنتف بدون علمي

وبعد سكوت من جهتي ونصاائح من جهته ( قالي تفدااك الفلووس كلها )

عاد من بعدها ماعمري نتفت ولا ريــال .. والحمد لله الحين عااقل مافي يمين ويســار ( ادعولي بالهدايه )

عاارف ان سالفتي طويله .. لاكن اتمنى تتحملووني .. وشكرا اختي على فتح الموضووع

عاشقة الزعيم15 · #5 04/01/2008, 08:46 AM

وعليكم السلام ورحمه الله وبركاااته

بخير الله يسلمك قلبووورده

اما موقفك توووحفه

يمكن لو انتبه كان تغير تعامله معك بنفس اليوم

ان شاء الله مايكون انتبه

بالنسبه لي ماقد سويت هالحركه بصراحه ولا افكر

دمت بود

عاشقة الزعيم15

dal3_uae · #6 04/01/2008, 08:50 AM

أناااا والله بعد ما احب اقول حق ابويه ... ابويه عطني فلوس ... مستحييييييييييييييييييل

ماماتي ما تقصر فديتها ... كل شي نباه من باباتي ... تييبلنا اياه

وماماتي اتقول يدام ابوكم ما عندكم لسان تتحجون((( كويتيه الكلمة

)))))) فيه ... بس كل شي انااااا

فابختصار ولا سويتهاااااا ... يعني ما دخلت حجرته من غير علمه وخذت منه

××××××××××××××× برايفت ×××××××××××××××

ابصم لك بالعشرة إنه بوطلال مسونها ... و أنا اختك\ـــج ... >>>>>ييييييي وأنا اكتب اسمه ارتجف

هذا الريال كل شي يطلع منه ...

×

×

×

×

×

تحياااااااااتي :
دلووووووعه الامارات
ورده

.. M a N U t D .. · #7 04/01/2008, 11:25 AM

هــع ..

وشـ اقـول وشـ اخـلي .. هع ..!!

قصمــن خــاااايفـ .. يجــينـي بـزر لاتزوجـت مثــلي ..!! << لا عز الله رااحـ فيهـا ..

صحيـح ماي فاذر اوووووب مقصـر ابد .. !!

بس زي ماقاالو ااخر اللـيل .. و[ طلباااااتهـ ] ..!!

هع هع ...

كل اربعا وخميس الساعه الثااانيه والربعـ ..

ادقـ على الفووووالـ .. واحـلى عشاا << فوووالـ .. بدينـا كذب!!

هع .. قـصدي المطعم هع ..

ثم .. ادخل الغرفهـ ..

وتاارهـ .. نزحــف .. << عنـد الدخـولـ ..!!

وتاارة ٌ .. اخــرى .. نهـروولـ << عند الخروجـ والفلوس في مخباكـ ...!!

قصمـن لـ درجـة انـ اللي يوصل الطلبات ..

يوم طلعـة لهـ الاسبوع اللي طـافـ ..

بـعطيهـ الفلـووسـ ..

قـال : هااهـ .. كـالعاادهـ .. من جيب ابـوكـ ..!!

وانـا اللـي انصـدمـ ..!!

تخيلـوا يا اخـوانـ .. << بدينـا

تخيـلوا ..

من الاسـبوع اللـي طااافـ ..

مــاااا نمــت .. مــا اكلــت .. !!

امــوتـ واعــرفـ .. ليهـ ابــوي علمهـ ..!! << اااااطـلع بـرااااا ..!!

هع هع

مـووضووع اوي حـلووو ..

وبمـا انـ لـي خبـرهـ .. فيهـ ..

قـلـت مـا احرمـ اخـواني اللي بيجونـ بعـدي .. من خـبرتي في المجـالـ هـذا ..

طـبعــا .. كـل اللي قلتهـ .. صحيـح .. وانا اتحمل عوااقبهـ .. عند جميع الجهـات الرسميـهـ ..

مـاعداا .. جهـهـ .. وحدهـ ..

الجهـهـ .. اللي ابوي جــااالـس فيهـا ..

انـا ماالـي دخــل .. << حلالاهـ .. من نـاااادى ابوكـ .. وخلاهـ يقـرا ردكـ .. هع

خخخخخخخخخخخخخـ ..

تشكراات صااحب المووضووعـ .. على هـيكـ .. فكـرهـ .. ان دلـت تدلـ .. علـى بربسـتكـ يوومكـ صغيـر .. هع هع

خخخخخخخخخخخخخخخخـ ..

تشكـراتـ خـيو ..

دمـت بـوـود ..

S K Y · #8 04/01/2008, 01:06 PM

مستحيل آخذ من الوالد ريال بدون علمه اصلا استحي اطلبه حتى
وبصراحه انا استغرب من اللي يسرق من ابوه

بنت فهد · #9 04/01/2008, 01:15 PM

أنا استحي من ابوي خلقه اطلب منه شي فما بالك من دون علمه ما اتجرئ

فيني منك وفيك مني · #10 04/01/2008, 02:20 PM

أما انا فمستحييييييييييييييييييييييييييييييييييييييييييييييييل

لأن الكنز مع أبوي والخريطه

مع أمي يعني أذا فكرت أني أخذ من الكنز لازم الخريطه

( حشى ماني عايش في بيت غابه )

!رمز · #11 04/01/2008, 02:45 PM

مستحيل آخذ من الوالد ريال بدون علمه
بس أذكر قصه واحد سرق من أبوه مئه ريال من زود خوفه من أبوه انه يكشفه قطعها

WOLF SAMI · #12 04/01/2008, 03:00 PM

ما ادري كيف يفكر اللي يسرق من ابوه معقوله فيه ناس كذا !!
طيب اللي يسرق من أبوه يتخيل الان أن عنده ولد وشافه يسرق منه وش راح تكون ردة فعله ؟
________ موضوع جميل _______

@الالماسه الهلاليه@ · #13 04/01/2008, 03:13 PM

يوووووه مو ضووعك مرررررررره حلوو

اماا من ناحيه الموقف اتذكر موقف وما اقدر انسااه

يووم كنت بأول ابتدائي رحنا نزلنا من السياره وابوي دخل محل وعطاني عشره ورااحت انا للبقاله

المهم دخلت البقاله اخذت شوكولاته

ثنين لي ولاخووي وبيسي

المهم حاسب الهندي طلع الحساب خسمه ريال ورجعلي خمسه يووم طلعت

قالي اخوي لا روحي اشتريلي بيسبي زييك <<<<<ياشيين البزراان بس

المهم قلت اوكي ابرووح ورووح ادخل البقاله واخذ بيبسي وانا افكر اقوول احاسبه

لا انا تو عطيته عشرره <<<<<<<<اولى ابتدائي

المهم واطلع يووم جييت اطلع ويجي يلحقني الهندي يقوول جيبي فلووس جيبي فلووس

وانا خايفه المهم طلع ابوي وطحت انا بالشارع

وابوي يكلم الهندي وقاله الهندي ان بنتك ماعطتني <<<<<<<<<على بالي اني من العشره اقدر اخذ

كل شي

وبعديين قالي ابوي وين فلوسك قلت انا عطيته عشرره قال رجعلك الباقي قلت ايه قال طيب وين

الرياال علشاان تاخذين البيسبي عاد انااقوول ما عندي

ومن بعد الموقف انا حاقده على اخوي حقد هو الي خلاني بالموقف السخيف ذاا يدري اني ما اعرف

رياضيات لييه يقولي روحي اشتريلي

اما من ناحيه اني ارووح اسرق ابوي لالا وش ذاا الحمدلله ما عمري فكرت فيها وبعديين حراام يعني ،،،

غلاهم وماخذه حلاهم · #14 04/01/2008, 03:20 PM

ثـــــــــانكس عالموضوع

انا زي ماقالوا اروح على طول للبنك المتحرك وهي ومعطتني كامل الحريه اني اخذ تعرف اني استحي وماأخذ الا الي

احتاجه

فأما ابوي لا وين احس صعبه عادي اخذ بس لازم اسـتأذن من الادب يعني

مرسي يمرسك ياروعه

skroo · #15 04/01/2008, 03:28 PM

انا ابوي متوفي وعمري سنتين بس

يعني ماكان فيه احد اسرق منه

والحمدلله بخير والف نعمه وعافية ما يحتاج نسوي مثل هالجريات

اخوي الكبير ما قصر معي وانا صغير , والحين لو يطلب عيوني اعطيه اياه
بس ابي منه 1000 ريال والى الحين جاحدني فيها

شكرا على الموضوع