ماهي افضل دائرة حكومية في وجهة نظرك - نادي الهلال السعودي - شبكة الزعيم

دشنــــــــاوي · #1 30/12/2007, 11:35 PM

بسم الله الرحمن الرحيم
السلام عليكم ورحمة الله وبركاتة
كلنا او بالاصح اغلبنا راجع الداوائر الحكومية ونعرف الوضع القائم في تلك الدوائر فبعضها تمشي امورك من اسهل مايكون
وبعضها لا ، تطفشك الين تكرة المعاملة باختصار اتمنى من كل عضو ان لا يبخل علينا برأية
كل عضو يبلغنا بافضل دائرة حكومية قام بمراجعتها
اتمنى التفاعل

هـــ الشماسيةـــلالي · #2 31/12/2007, 12:04 AM

والله وانا أخوك ماعندنا الأفضل , لأن اللي عندنا على حسب مزاج الموظف نفسه , فمثلاً لو قلت الأحوال سيأتي واحد ويرد أن الأحوال سيئة وأن فيها وفيها ومعه حق لأنه قابل موقف مع موظف من هذه الدائرة وهكذا أيضاً الدوائر تختلف من مكان إلى مكان فمثلاً الأحوال >>> ماسكه على الأحوال معذور ياشباب مريت على موضوع ابوناصر تو

في الرياض تختلف بتعاملها عن الأحوال في الخرج وهكذا ,,
ولكن الله يصلح الحال ,

0000000000

دشنــــــــاوي
يعطيك الصحة والعافية وماقصرت

00000

دشنــــــــاوي · #3 31/12/2007, 12:25 AM

إقتباس

الرسالة الأصلية كتبت بواسطة هـــ الشماسيةـــلالي


	والله وانا أخوك ماعندنا الأفضل , لأن اللي عندنا على حسب مزاج الموظف نفسه , فمثلاً لو قلت الأحوال سيأتي واحد ويرد أن الأحوال سيئة وأن فيها وفيها ومعه حق لأنه قابل موقف مع موظف من هذه الدائرة وهكذا أيضاً الدوائر تختلف من مكان إلى مكان فمثلاً الأحوال >>> ماسكه على الأحوال معذور ياشباب مريت على موضوع ابوناصر تو في الرياض تختلف بتعاملها عن الأحوال في الخرج وهكذا ,, ولكن الله يصلح الحال , 0000000000 دشنــــــــاوي يعطيك الصحة والعافية وماقصرت 00000

صح ياخوي عز الله انك صادق
بس انت اذكر اللي اعجبك
وشكرا على مرورك

Carlton · #4 31/12/2007, 02:02 PM

المرور زين
بس ماصار زين إلا عشان تدفع دراهمك
الخطوط احيانا فيهم رجال والله ووقفاتهم احيانا ما تقدر تستنكرها
مصحلة التقاعد وش زينها ومحترمين من اولهم لآخرهم بصراحه
انا رحت عشان شغل لابوي مالقيت غير كل الاحترام
مرور الناصريه:قمة الفشلللللللللللللللللللللللللل
رحت هناك ارتفع ظغطي اسبوع مع اني جاي اطلع واحد لول
البنوك لو مامعك فلوس يعاملونك بأسلوب غريب
ماعدا البنك الامريكي والفرنسي محترمين بصراحه
الاحوال :بصراحه تعتبر جهه مشلوله جدا جدا جدا
بس عندي واسطه هناك
الجوازات قمة الفشششششششششششششششششششل
والتخبط

على فكره يمكن كلامي يطلع فيه قليل من الغلط
لأن انا تعاملت مع حالات فرديه يعني ما اقدر اعمم الي قلته

تحياتي

BOY NJD · #5 31/12/2007, 02:45 PM

كلها زفت مع احترامي لهم

لاكن الافضل ممكن تكون المرور

زياد مشاري · #6 31/12/2007, 03:13 PM

لاتذكرني تكفى
عز الله ان امورك تتعطل عندهم

توأم روحي · #7 31/12/2007, 03:38 PM

في الريــاض

اشـووف ان الجـوازات افضـــلهم

منظمة والدور يمشــى بسرررعــة وتخلص اموورك على طووول

-------------

اما احــووال الريــاض

اشوف انهااا اسووا دائــرة حكووميــة ولا يهووون مرور الناصريــــة ..

LBa your heart · #8 31/12/2007, 03:48 PM

افضل دائره حكوميه هي الجوزات تحس انهم يبون الفكه من الشعب السعودي

.. وباقي الدوائر الحكوميه وبالذات الاحوال المدنيه ما اجيها الا بالواسطه عشان اخلص بسرعه يمكن اكثر واحد يطلع بدل فاقد انا

الله يوفقن · #9 31/12/2007, 04:00 PM

قليل أروح لدوائر حكومية لكن المرور بنظري أثبت فشله لانه هوأكثر دائرة رحت لمها
أما الخطوط فعلى حسب المزاج والمطار جدة مع إحترامي فاشلين ما فيه خدمة لكن ما أدري يمكن عشان أكثر من شكرة صارت موجودة أثر عليهم

حكر المنحكر · #10 31/12/2007, 08:55 PM

كلها فاشله وزحمه بالرياض

انا مضيع بطاقة الأحوال ماطلعته الى بعده بشهرين ومابغيت اطلعها والسبب الزحمه

leo messi · #11 31/12/2007, 09:03 PM

افشل دائرة بنسبة مليوووووووون بالميه مكتب العمل سواء من ناحية الموظفين

او الخطط الخرطي للتوظيف ..!!

وماخفي كان اعظم واعظم واعظم ..!!