الله يوفقك ان شاء الله وتحقق حلمك باذن الله بأقرب وقت

الله يوفقك

شوف اكتب له قصيدة

او شف واحد من اهل عنده خلفية ودراية في كتابة معروض



سلام عليكم

إقتباس الله يوفقك ان شاء الله وتحقق حلمك باذن الله بأقرب وقت

واياك


الله يجزاك خير

....
...
..
.

إقتباس الله يوفقك شوف اكتب له قصيدة او شف واحد من اهل عنده خلفية ودراية في كتابة معروض سلام عليكم

وعليكم السلام الله يعطيك العافيه على هالشور

بس المشكله ماني شاعر ولا اعرف احد شاعر مافيه الا اخوووي (( مسوي شاعر )) خخخخخخخ

بالنسبه للمعاريض نفس السالفه ما اعرف احد

....
...
..
.

هلا حياك اخوي


الله يوفقك وان شاء الله انها خيره
بس ترى الوزير متفاهم لأبعد الحدود وشخص عقلاني
ويمكن ينفعك ان شاء الله .. بس خل ابوك يدخل عليه وان شاء الله
يبي يوفقك ربي


بالنسبه للأمير سلمان .. حسب علمي انه ما يكتب معروض او توصيه
لاي جهه كانت



والله يكتب لك التوفيق .. وان ما الله كتب لك بعثه
لا توقف عند هالطموح .. حاول تدرس بأي جامعه موجوده حتى لو كلية المجتمع
وصدقني واحد يبي يدور الدراسه وطموحه النجاح يبي ينجح بأذن الله



بس خل املك بالله قوي

أخي

أحيي فيك طموحك و عدم يأسك وارجو من الله العلي القدير ان يوفقك و يكتب اللي فيه خير لك ،

و مثل ما ذكر الاخ غيث

الوزير شخص متفهم وياليت تقدر تعرض عليه مشكلتك و أنا متأكد ان الوزير سيشعر بتحمسك و جديتك وحرصك على الدراسه و هذه النوعيه من الطلاب هم من يبحث عنهم مسؤولوا التعليم العالي ، ارجو من الله ان يكتب لك كل مافيه خيري الدنيا والاخره .

اخواني غيث وهلالي ما احلاه الله يجزاكم خير ويعطيكم العافيه


بس الي هل الوزير موجود في الرياض هالايام ومتى يداوم وهل يدخلوني عليه والا لا

...
..
.

رح للوزاة إنت وأبوكـــ يكون معكــ ...

والوزير يداوم كل يوم .... وخذوا موعد ...

أو : تعرف أي أحد بالوزاة .... عن طريق أبوكــ / الحارة / جماعتكم ......

على طول يسنعكـــ ...... والله يوفكـــ ....
.

اخوي الزعيم

ماودي انك تفهم كلامي اني احطمك زياده

انا الحمد لله مقبول بالبعثه مبدئي

بس ترا بعلمك انو القبول وادخل البيانات تمر بالكومبيوتر

يعني اذا رفضها الكومبيوتر مافي احد يقدر يدخلها مره ثانيه

انت ماشفت تصريح المدير لبرنامج الابتعاث قبل رمضان بأسبوعين

يقول مافيه اي امكانات واسطات وغيرها

لانه بالكومبيتر

هذا الي اقدر افيدك فيه اخوي

وتحياتي

الموج الازرق

اخوي ولايهونون الاخوان
ليش ماتطلع على حسابك اذا انت جاد تبي تدرس ومن هناك تحولها ترا ماتاخذ المساله الا من شهر الى اربع شهور
وصدقني راح تبدا وتخلص نص مشوارك في اللغه واخوياك توهم يجون وبعدين تراهم يعوضونك عن افلوسك اذا
ضموك للبعثه اسالني مهما تدفع يرجع لك اسالني بس المساله يبيلها صبر ومبلغ جامد في البدايه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــــــــــــ
الحل الثاني : بس شوف هذا ماعلم اي واحد عنه بس لكم يالزعماء

الحل يكون
في انك تجيب قبول من الجامعه ((قبول تخصص)) مو لغه ويكون من الي الملحقيه طالبتها المهم
بيجيك القبول لمحلك الي انت فيه هذي اول الخطوات.

ثاني خطوه: اذا وصلتك الاورق الي هي طبعا i-20 و ورقه القبول كما اسلفت تصبر شوي .

ثالث خطوه: روح قدم على التأشيره ومتى ما واستلمت التاشيره يبدأ التكنيك والخطط <<< اقولك اجرام

الخطوه الرابعه:اطلع امريكا وروح على طول للملحقيه وعبي النماذج حقتهم وكل شي سلمهم اياه

بيعطونك رقم طالب هذا بيكون رقمك بين الطلاب المهم ارجع السعوديه .

الخطوه الخامسه: كلم الجامعه حقتك وقلهم ابي احذف الترم هذا عندي ظروف ماقدر اجي للدراسه الحين

الخطوه السادسه: ارجع السعوديه وروح لوزارة التعليم العالي وبكل ثقه وجب معك ابوك عمك المهم ملسون

وخله يحشر المسؤل عن الطلاب الي على حسابهم ويمكن خلال يومين سته شهور وانت تقول سلملم

جامعة الملك ............... جامعة الفشل ..


قايلك تخطيط مجررررررررررررم من واحد راعي سوابق ومشاكل مع الملحقيه

وتراها ضبطت مع خمسه من اخوياي والله واحد منهم 80% نسبته في الثانويه لا وبعد شرعي

إقتباس الرسالة الأصلية كتبت بواسطة عاشق الزعيم!! اخوي انا مثلك ..نسبتي المكافئة 85.53 ,, لكن قفلوا عند 86 تحطمت والله وكنت حاط املي فيها اني انقبل ,, لكن الحمدلله على كل حال وانا الحين في جامعة الملك سعود قسم اللغات والترجمه(انجليزي) والحمدلله على كل حال اولا واخيرا

اثرك مثلي انا بعد زيك 85.58 وما انقبلت
لكن الحمد لله انا في الجامعه وماشي وظعي والوعد الماجستير ...
وانت يا راعي الموضوع يا الزعيم اذا انت في جامعه فكمل فيهاا واذا خلصت بكلريوس ادرس براا ماجستير ترى والله أفضل من البكلريوس خلك هنا بين اهل وربعك اصرف لك والله ...
والله يوفقك دنيا واخره ..