عندك سؤال اوتبي تعرف شيء عن المانيا تفضل............. - نادي الهلال السعودي - شبكة الزعيم

مرسيليا2 · #1 07/08/2007, 01:42 AM

بسم الله الرحمن الرحيم

السلام عليكم ورحمة الله وبركاته
حياكم الله اذا عندك اي شيء تبي تعرفه عن المانيا اتفضل اطرحه وانا حاضر بالاجابه
انا طبعا من سنة ونصف بالمانيا وان شاء الله افيدكم

تشاااااااااااااااااو

almobde3 · #2 07/08/2007, 03:01 AM

والله يالغالي

انا مابي اعرف شئ محدد ...

ابي كلش عن المانيا ... << طماع هاه

بس انا سمعت ان المانيا من اجمل دوول العالم .. صح اني طبيت في مطاراتهم ... واشوف الخضار بس ماقد شميت هواها

عموماً إذا ماعندك مانع ياليت تعطينا نبذه مختصره عن المانيا الله لايهيينك يالغالي

مرسيليا2 · #3 07/08/2007, 03:23 AM

إقتباس

الرسالة الأصلية كتبت بواسطة almobde3


	والله يالغالي انا مابي اعرف شئ محدد ... ابي كلش عن المانيا ... << طماع هاه بس انا سمعت ان المانيا من اجمل دوول العالم .. صح اني طبيت في مطاراتهم ... واشوف الخضار بس ماقد شميت هواها عموماً إذا ماعندك مانع ياليت تعطينا نبذه مختصره عن المانيا الله لايهيينك يالغالي

والله المانيا بلد الطبيعه والصناعه والثقافه وكل شبء
كل شيء فيها حلو الاشعبها همجي متعصب يكره العرب ولغتهم المعقده وغير كذا كلو تمام
عندهم ظخامة المباني والعمران والخضار بالارض والصناعه
يعني ممتازه للسياحه بس للدراسه صعبه مررررررررره

almobde3 · #4 07/08/2007, 03:35 AM

انا الصراحه طبيت مره في مطار ميوونخ

ياهو تحفه بالتصميم ... ياهو إبـــداع ماشاء الله

وطبيت بعد في فرانكفورت الصراحه كني داخل العويس مع كامل إحترامي كنت اسألهم وين الرحله اللي تودي امريكا

يقولي مادري دورها قلت تكفى باقي ساعتين ونقلع يمين يسار وخلاني امتر المطار متر متر لما شفت الطياراه من الدريشه وبديت
ادورها دواره كني مضيع لي بزر

وعلى قولتك همجي إلى ابعد حد

اتمنى انك توفر لنا مجموعه من الصور توضح لنا المانيا بشكل افضل

مرسيليا2 · #5 07/08/2007, 04:27 AM

والله الصور عندي كثير وخاصه صور كأس العالم لاني حضرت مباريات المنتخب مع كم مباراه ثانيه
لكن ان شاء الله افضى لها وانزل موضوع كامل مكمل

العز هلالي · #6 07/08/2007, 04:47 AM

في انتظار الموضوع والصور اخوي مرسيليا

وشكرا لك على جهودك معنا

almobde3 · #7 07/08/2007, 05:10 AM

إقتباس

الرسالة الأصلية كتبت بواسطة العز هلالي


	في انتظار الموضوع والصور اخوي مرسيليا وشكرا لك على جهودك معنا

بالإنتظار عزيزي

زعيلالي · #8 07/08/2007, 10:11 AM

مشكور والله يعطيك العافية

هـلالـي ورافع راسي · #9 07/08/2007, 10:19 AM

يعطيك العافيه .. أيه عندي سؤال عن ألمانيا أو أكثر من سؤال

1_ هل توجد مساجد لقامة الصلوات فيها ؟

2_ أذا كانت توجد مساجد مارأي الشارع اللماني بأقامة الصلوت ؟

3_ هل توجد معارضه للمسلمين بألمانيا .؟

4_ أذا كانت هناك مشاكل مع مادور السفارة الأسلميه والعربيه في ذلك؟

آسف على الأطاله ؟ لكن طحة في واحد مايسكت .

دعوتنا لكم باالعوده للوطن سالميين وبأفضل الشهادة .

مرسيليا2 · #10 07/08/2007, 03:40 PM

إقتباس

الرسالة الأصلية كتبت بواسطة هـلالـي ورافع راسي


	يعطيك العافيه .. أيه عندي سؤال عن ألمانيا أو أكثر من سؤال 1_ هل توجد مساجد لقامة الصلوات فيها ؟ توجد مساجد كثيرة لوجود الاتراك المسلمين المقدر عددهم بالمانيا 8000000 2_ أذا كانت توجد مساجد مارأي الشارع اللماني بأقامة الصلوت ؟ الشارع الالماني معارض جدا للمساجد وهناك قبل كم شهر قسيس احرق نفسه امام كنيسته اعتراض على ازدياد عدد المساجد والمسلمين بالمانيا 3_ هل توجد معارضه للمسلمين بألمانيا .؟ المعارضه موجوده لكن الحكومة الالمانيه حكومه ديموقراطيه (تعطي كل واحد جوه÷ههههههههه 4_ أذا كانت هناك مشاكل مع مادور السفارة الأسلميه والعربيه في ذلك؟ والله السفاره السعوديه بالمانيا بيض الله وجهها والعاملين فيها ابدا ماقصرو معنا بشيء وهم في خدمتنا آسف على الأطاله ؟ لكن طحة في واحد مايسكت . انا تحت امرك في كل وقت دعوتنا لكم باالعوده للوطن سالميين وبأفضل الشهادة .

الله يسمع منك

تركي الهلال · #11 07/08/2007, 06:02 PM

انا في المانيا الان من حوالي 3 شهور وراح اجلس فيها يمكن زيادة 3 شهور في هامبورج

الدوري راح يبدا كيف اشوف مباريات الهلال فكرت ان كان فيه تردد للاي ار تي على الهوتبيرد اوصي على كرت من السعودية بس ماحصلت تردد للقنوات
ارجو منك اخوي الأفادة

مرسيليا2 · #12 08/08/2007, 02:36 AM

إقتباس

الرسالة الأصلية كتبت بواسطة تركي الهلال


	انا في المانيا الان من حوالي 3 شهور وراح اجلس فيها يمكن زيادة 3 شهور في هامبورج الدوري راح يبدا كيف اشوف مباريات الهلال فكرت ان كان فيه تردد للاي ار تي على الهوتبيرد اوصي على كرت من السعودية بس ماحصلت تردد للقنوات ارجو منك اخوي الأفادة

حياك الله يالغالي الهوتبيرد مايجيب القناة الرياضيه السعوديه ولايجيب عين المفتوحه
لازم انك تأخذ ستلايت مقاسه 160سم علشان يطلع لك النايل سات
لكن انا مو بعيد عن مدينتك وانا كل شيء متوفر عندي الله يحييك مليوووووووووووووون
تعال عندي بمباريات الهلال وانا حاضر باللي تبي
واذا كنت جاي مو للدراسه بيكون عندك وقت فاضي يعني تعال وانت مرتاح انا مدينتي اسمهاpaderborn
وراسلني على الخاص في حال قبولك عزيمتي

هـلالـي ورافع راسي · #13 08/08/2007, 11:37 AM

شكرا على الملعلومات . والله يردكم سالميين

أطراف ياشباب · #14 08/08/2007, 04:28 PM

مشكووووووووووووووور يا الغالي

انا من مدينة هانوفر

ich mochte mit dir traffen,wenn du zeit hat

veilen danke

أطراف ياشباب · #15 08/08/2007, 04:30 PM

((((((((paderborn)))))))

الله يكون بعونك يا الغالي