شباب طالب فزعكم..... تكفون. - نادي الهلال السعودي - شبكة الزعيم

الـزعــ حمود ــيم · #1 03/08/2007, 09:48 AM

السلام عليكم ورحمة الله وبركاته
شباب أنا مسوي في مدية الباحه دورة داخليه تتضمن شباب القريه فقط وألحين قرب النهائي

وكل سنه يأتي نهائي عادي هذي السنه أنا أبغى سنه غير ... بغيت الموسيقى ألي في النهائيات العالميه مثل (كأس أبطال أوروبا - كأس آسيا - كأس العالم )

الخطوة ملكية · #2 03/08/2007, 09:58 AM

بغيت اساعدك ... لكن انته طالب شباب بس

كيفك عاد ... منو قالك تكتب شباب بس

^^

يالله يالتماسيح ساعدوه

هو قصده يكتب يالله يالتماسيح طالبنكم طلبه تكفون ... لكن نسى ^^

الـزعــ حمود ــيم · #3 03/08/2007, 10:32 AM

إقتباس

الرسالة الأصلية كتبت بواسطة إماراتيةالخطوة ملكية


	بغيت اساعدك ... لكن انته طالب شباب بس كيفك عاد ... منو قالك تكتب شباب بس ^^ يالله يالتماسيح ساعدوه هو قصده يكتب يالله يالتماسيح طالبنكم طلبه تكفون ... لكن نسى ^^

تكفين

كل كل النااااااااااااااس

الغدير الازرق · #4 03/08/2007, 10:06 AM

طيب كان قلت لنا عشان نشارك معكم في هالدورة

مدامك تبغى الموسيقى حقت ابطال اوروبا اجل شكلك

عازم بلاتر وبلاتيني ومحمد بن همام

خلاص اخوي ولايهمك ان شاء الله اببحث لك وادور لك
ولايصير خاطرك الاطيب ياغالي

ومبرووك نجاح الدور مقدماً ,,

الـزعــ حمود ــيم · #5 03/08/2007, 10:34 AM

إقتباس

الرسالة الأصلية كتبت بواسطة الغدير الازرق


	طيب كان قلت لنا عشان نشارك معكم في هالدورة مدامك تبغى الموسيقى حقت ابطال اوروبا اجل شكلك عازم بلاتر وبلاتيني ومحمد بن همام خلاص اخوي ولايهمك ان شاء الله اببحث لك وادور لك ولايصير خاطرك الاطيب ياغالي ومبرووك نجاح الدور مقدماً ,,

يعطيك ألف عافيه وماقصرتي مقدماً والله طمنتيني شوي

الغدير الازرق · #6 03/08/2007, 10:43 AM

^
^
انا وولد الله يصلحك انت كذا حطمتني
وتخليني اهوون ومادورلك هالموسيقى

وبأذن الله تتوفق في الدورة .. وماراح نقصر معك
حنا الأعضاء بكل شي تطلبه ,,

الدريبي الهلالي · #7 03/08/2007, 11:16 AM

هههههههههههههههههههههههههه يالغدير

والله ماعندي شي وإن شاء الله يساعدونك

ياقاهرهم يالهلال · #8 03/08/2007, 01:12 PM

إقتباس


	بغيت اساعدك ... لكن انته طالب شباب بس كيفك عاد ... منو قالك تكتب شباب بس ^^ يالله يالتماسيح ساعدوه هو قصده يكتب يالله يالتماسيح طالبنكم طلبه تكفون ... لكن نسى ^^

احلا تدقيق واحلا استقعاد اماراتية

ياخي يمدحون موقع قوقل وانتهى الموضوع

الخطوة ملكية · #9 03/08/2007, 02:34 PM

إقتباس

الرسالة الأصلية كتبت بواسطة ياقاهرهم يالهلال


	احلا تدقيق واحلا استقعاد اماراتية ياخي يمدحون موقع قوقل وانتهى الموضوع

أعجبك أنااا

ابو طـــــلال · #10 03/08/2007, 02:00 PM

لاتقلد احد ... خلك صاحب فكره جديده ... خابر لك فرقة دواسر .. والله ان يشعللون لك النهائي وختام الدوري .. تقول داخل عرس او احتفالات عيد الفطر ... اذا قررت بس عطني خبر .. ارسلك بياجرهم ( هم للحين على البياجر ) فعلا قديمك نديمك

تقبل مروري

الحبيب3 · #11 03/08/2007, 10:50 PM

موسيقى والله حرام عليك والله فاضين ذنوب حنا

مــــهــــنــــد · #12 03/08/2007, 11:38 PM

يوووووووووه والله حظهم عيال ديرتكم

أنا هنا قاعد بسوي دوري بين الزعماء اللي في المنتدى ولكن مادري وش سالفتهم

بس تدري عاد راح استفيد من خبرتك في إدارة الدوريات <<< جمع دوري مو جمع دورية

والله انا ودي نسوي دوري بين الزعماء ولا بطولة بس مادري وش وضع ادارة الموقع ولا ادري وش وضع الأعضاء بصراحة ودي احشد اكبر عدد عشان الإدارة توافق ،،

<<<<<<<<<<<<<< متحمس من قبل والحين انحمس زيادة وده يسوي دوري

معليش بس دور أي شيء ثاني يعني جب مدافع الورقيات اللي هم يحطونها خلف منصة التتويج <<<<<< اقعد ياكاس العالم

تقبل تحياتي ،،،

leo messi · #13 03/08/2007, 11:59 PM

قبل لايدخلون الفريقين خلهم يغمضـون عيونهم ويتخيلون موسيقى ابطال اوروبا

هذا اللي اقدر اساعدك فيه

عوااااافي

الـزعــ حمود ــيم · #14 04/08/2007, 04:14 AM

مشكوووووووووورين على الردود
وخصوصاً أبوطلال لك مني جزيل الشكر أما (مهند) فماعليك ألي تبي أبشر بس راسلني على الأيميل ([email protected])