صار لك شي وانت مسافر .. تعال قله لنا !! - نادي الهلال السعودي - شبكة الزعيم

R A M O S · #1 29/06/2007, 08:21 PM

بسم الله الرحمن الرحيم ..

يالله ان تحييهم ..

طبعاً وانت مسافر ورايح تفلها .. لازم يصير لك شي يعني ضعت ولا تهاوشت ..الخ

المهم .. يعني اي واحد صار له شي وهو مسافر يسدحه فيذا ..

ويالله انا ابدا ..

المهم كنا مسافرين انا والعائلة لدبي ..

يمكن قبل خمس سنوات ولا اربع ..

لا ومسافرين بالسيارة بعد ..

يعني انواع الطفش ..

لا واخوي الصغير اول مره يسافر .. وكله صياح ونباح .. لين ما عطيناه مصاصته يتمتع فيها ..

المهم بعد 11 ساعة على السيارة والجوازات والهواشات والنياح والصياح .. وانا ابي حمام ..

الحمدالله وصلنا دبي بالسلامة ..

وطرت على فندقنا .. قلت خل اروح اتبطح ولا شي .. ومنها انام ..

المهم مرت الايام والايام ..

بعدين قلت اللحين ليش ما نروح على البحر .. مادامها ما فيه في الرياض ..

قال ابوي ايه والله .. بس انا بقعد في البيت ..

رحنا انا والعائلة ما عدا ابوي ..

المهم بينما ما كنا نسبح زهقنا .. ولقينا كرة قدم شاطئيه قلت لاخوي امش خنلعب قال يالله ..

ومشينا ولعبنا بدون ما نعلم الوالدة ..

مع انه ورا البحر علطوول ..

والا امي تفكر وين عيالي ..

وين راكان .. قاعدة تشوف راس بعيد .. يغرق تحسبه انا ..

الظاهر ما تعرف اني ذيبان ..

ولا تنادي ذا البحار .. اللي ينقذ وناس طايرين ... وصافيرات حتى الهنود جو ..

وقالي اخوي امش امش خنشوف من غرق .. لا يصير اخونا ..

ونروح عند امي ..

ونقول ماما ماما ..

وش فيه من غرق

والا وهي تناظرني ..

تستهبل انت .. تروح ولا تعلمني ..

والهنود يضحكون بالعربي رحنا ملح .. :p

والا يرجع ذاك المنقذ وقاربه .. يقول للاسف ولدك مات ..

لا المشكله وانا قدامه هع ..

قالته امي مافيه احد والحمدالله هذولا عيالي .. جمبي ..

وانتهت القصة ..

عاد علمونا لا صار شي .. وانتم مسافرين ..

وسامحووني لو فيه اخطاء املائيه..

مجنون الزعيم(9) · #2 29/06/2007, 08:24 PM

يعطيك العافيه على الموضوع امآ قـصتكم إنمـآ إيـه ..
بعد تعديل موضوعك ^^

خلصت السالفه ولا في تكـمله لهـآ ؟؟

R A M O S · #3 29/06/2007, 08:31 PM

88

لا حطيت نشر الموضوع وانا مادري ..

بس عدلتها تفضل واقرا

SAM 6 وبس · #4 29/06/2007, 09:03 PM

ههههههه لا الحمد لله انا ما صار لي شيئ الا مره وحده ...

اتذكر اننا بالسيارة مع اخوي الكبير رايحين للطايف اقلقت لاهلي ابي الحمام ابي الحمام

>>> حسران

قام اخوي وجدع على القارورة وقالي زغل فيها وكان يستهبل

الوكاد اني اخذت الدعوى جد وسويتها ووقفو وجدعوني برا السيارة وطقوني وانا مالي ذنب والمشكله الى الحين ماسكينها علي

.
.
.

ومشكور راكان على موضوعك وقصتك الجميلة واتمنى من اي واحد معه قصة او موقف صار له بالسفر يسدحها لنا هنا

..

هلالي@مدريدي · #5 29/06/2007, 09:16 PM

كل شي يهون الا يضيع في حواري اللاذقيه القديمه

توتي - 2004 · #6 29/06/2007, 09:47 PM

هذا موقف لي وأنا بالطيارة

راجعين من مصر بالسلامة ( أنا والأهل )

ويوم دخلنا الطيارة ... ونتفاجأ أن كل واحد مننا حاطينه بمكان بعيد عن الثاني

أصلا ما تفاجأنا لأن المفاجأة لو كنا جنب بعض

المهم ..

عاد أخواني صغار .. والوالدة الله يحفظها .. وكذاا ... يعني لازم نصير جنب بعض

وأقعد أنا أحبب خشوم هالركاب و أقلعهم من أماكنهم

الطيارة ارتجت ... سببت أزمة انا ... أزعجت خلق الله

وبعد الطقاق والهواش ..

قدرت ألم أسرتي بعد الشتات

وقعدنا جنب بعض ..

عاد المشكله أنا ما قعدت معهم

قعدت وراهم

وقعدوا جنبي ثنين من الشباب السعودي

يقولون .. يابن الحلال ارفق ... شف ذا الفلسطيني المظيف بغى يموت

رفعت ضغطه حسبي الله عليك .. استح على وجهك هذا كبر جدك

قلت المهم أني سويت اللي في راسي << شده

شوي .. جا الفلسطيني

قال واحد منكم يقوم ( يكلم ذا الاثنين ) .. فيه واحد يبي يقعد جنب عايلته

( ترا مهوب واحد من أخواني ... واحد ثاني

)

المهم جوا .. قالوا .. داخلين على الله ثم عليك

قلت .. آمروا

قالوا قل لذا الفلسطيني ما يقومنا من محلاتنا

قلت .. معصي

قالوا .. تكفى طالبينك

قلت .. هذا كبر جدكم ... اسمعوا كلامه

قالوا .. افا والله .. مهيب هذي الهقوه

عاد أنا قلت : والله ما علي منكم ... تهاوشون أول شي .. ثم تبون نخدمكم

عامل الناس كما تحب ان يعاملوك ... أقول درر أنا ووجهي قبل الاقلاع

ويوم واحد تنازل وقام غير مكانه ..

وخويه قاعد جنبي طفشااان

و وده أنه يطقني

بس شوي .. قعدت أسولف معه ... و استاسع صدره

بس خويه الثاني .. الله أعلم وش صار عليه

والحمد لله .. وصلنا للرياض بالسلامة

أتمنى أني أكون ما طولت عليكم ...

مدريدي جداً · #7 29/06/2007, 09:29 PM

مشكووووووووووووووور راكان على الموضوع الرائع...

لكن أنا ما صار لي شي و أنا مسافر....

ازرق يا موج البحر · #8 29/06/2007, 09:54 PM

يعطيك العافيه على الموضوع..

عاد انا يوم كنت في شاليهات الهوليدي ان في الشرقيه طبعا انا والعائله الكريمه المهم
كان الشاليه اللي جنبنا مليان بنات واربع وعشرين ساعيه جالسين برا ههههههههههه
ادور معهم رجال مالقيت الا واحد والظاهر ابوهم بس ما اعتقد كل ذا القروب عياله يمكن مجمعين بنات العائله كلهم واليوم اللى بعده ما لقيت الا اهلي معهم يسولفون ولا بعد كان الصباح الساعه 7 وابوهم كان نايم وهم كانوا يبغون يركبون جسكي وقالت اختي ......<مسويه نفسها فزعه تعالوا معنا نقول لهم ان اخوي محرمكم وجو البنات وقالو يله نروح نركب قلت وين ومن ذولي اللي معكم قالت اختي حرام ماعندهم محرم والله النشبه خواتي وياله تحملتهم واتحمل بنات الناس بعد بس قلت يله خاربه خاربه وجو معنا ياحياتي متحمسين بس ماصار لهم نصيب عرفوا اني مو محرمهم ههههههههههههههههه وكانوا شوي ويصيحون حرام اشكالهم مره تنرحم بس مره ضحكت وافتكيت منهم مسؤليه اكيد وقلت لاختي لاعاد تعيدنها فشلتينا وفشلتيهم.ههههههههههههههههههههه

الدم الأزرقـــــــــ · #9 29/06/2007, 10:31 PM

اذا سافرت اقولكم

Hilali88 · #10 29/06/2007, 11:27 PM

إقتباس


	ولا تنادي ذا البحار .. اللي ينقذ وناس طايرين ... وصافيرات حتى الهنود جو ..

ياشين لقافة الهنود كل مايصير يجون كلهم يطالعون
أحياناً الهندي يكون عنده شغل مهم يعني حياة أو موت يخليه ويروح يطالع >>> خليت الموضوع وقعدت أتكلم عن الهنود

إقتباس