فاس : يبه شفت مباراة منتخبنا ؟
ابوفاس : ايه وابشرك انهزمنا ؟
فاس : مااانتهت تعادل !
ابوفاس : الا بس انه تعادل اشبه بالهزيمة
لا وخربها الجوهر يوم نزل محمد نور والخليوي
فاس : من هو محمد نور
ابوفاس : اللي لابس كنادر كنها طبشيره
فاس : اها هالحين عرفت ليش يتمشى في الملعب وقبل راسه في الارض
ابوفاس :انا اللي قاهرني وش هم شايفين فيه يوم يلعبونه او يبون يورونا كنادره .. كان طول الوقت يالله يسحب رجليه في الملعب
فاس : يمكن قاعد يمرن كنادره مهوب تقول جديده
بس انا اخبر انه مع الاتحاد كان كنه مكينه بلاك ستون يدهر 24 ساعه
ابوفاس : ايه .. بلاك ماتدري وش السالفة
فاس : وش سالفته ؟
ابوفاس : طال عمرك المباراة تقام تحت مظلة الاتحاد الدولي
فاس : طيب وش يفرق ؟
ابوفاس : يفرق كثير حبيبي .. يعني بالعربي فيه كشف عن المنشطات
فاس : اها .. عشان كذا طفا كنه قطو مدعوس
ابوفاس : لكن اثبت في مباراتنا مع ايران انه من جنبها ولايصلح للمنتخب
فاس : عشانه جاب قوووول للايرانيين .. وبعدين كل واحد يخطيء
ابوفاس : مباراة امس كانت توضيح لبعض الناس اللي عليهم غشاوة وماكلين مقلب فيه
لكن انا اقصد انه من زمان وهو لاعب غير مؤهل للمنتخب
فاس : لكن كان مستواه زين وحماسي ويقطع الكور
ابوفاس : ههههههههههههه
شفت انكم ماكلين فيه مقلب صدق في السابق انا معك كان محمد نور يقطع الكورة وبجهد ملحوظ لكنه يسلمها مباشرة للخصم
اما من تالي يسلمها للخصم وهو مابذل جهد في قطعها
فاس : لكن هل الهدف مسئوليته كاملة ؟
ابوفاس : لا هو خالي من المسئولية ويتحمل المسئولية كاملة سامي الجابر
فاس : وليش سامي بالذات ؟ هو لاعب سنتر !!
ابوفاس : طبعا هو الشماعة اللي تعلق عليها اخطاء الاخرين دائماً فلاتستبعد ان بعض الجهلاء يرسم خط سير للكرة ومن وين جت الين يلقى فيها تمريرة لسامي ويلقي باللوم كله عليه !!
فاس : طيب اكيد بينتقدون محمد نور في الجرايد والمنتديات عشان هالغلطة اللي ارتكبها سامي
ابوفاس : اصلاً اذا هم توهم ينتقدونه الان فهم غلطانين ولاعندهم سالفة
لان هالشيء كان المفترض من زمان
والهدف مهوب غلطة نور الغلط غلط الكورة ليش طقت في رجليه
فاس : اكيد بيتأثر نفسياً من اللي تكتبونه عنه ورا ماتخفون شوي ؟
ابوفاس : ههههههههههههههههههههه
قال يقرا قال ... هم توهم مدخلينه معهد اللغة العربية لغير الناطقين بها
يعني ماحولك احد
فاس : تصدق يبه اني شفته مرة يتكلم في التلفزيون ولافهمت له .. بس حسيت انه محتاج فورمات ويضبط
ابوفاس : اقول تراك غثيتني ورا ماترقد بكرة وراك مدرسة
فاس : طيب والخليوي مابعد جبنا طاريه
ابوفاس : يووووووووه .. الخليوي وغيره كلهم ابجيب طاريهم هالاسبوع ذا اسبوع الفضفضه نم ويصير خير باكر انشاء
فاس : الا يبه وش معنى الوطنية اللي كل شوي يرددونها علينا في الجرايد وفي كل محل
ابوفاس : نوع من انواع الدجاج !!!

ههههههههههههه


ياحليل ولدك

هلا بالغالي....

هلا بأبو فاس والله ونورت المنتدى شفت ماقللتلك لنك منور المنتدى ....

الصراحـــة حوار رائـــع بين الأب واالأب بين أبو فاس وفاس ....
ابوفاس : اقول تراك غثيتني ورا ماترقد بكرة وراك مدرسة <== يذكرني بنفسي:p
فاس : طيب والخليوي مابعد جبنا طاريه
ابوفاس : يووووووووه .. الخليوي وغيره كلهم ابجيب طاريهم هالاسبوع ذا اسبوع الفضفضه نم ويصير خير باكر انشاء <== شوي شوي عل الولد بس تراني انتظر الفضفضه
فاس : الا يبه وش معنى الوطنية اللي كل شوي يرددونها علينا في الجرايد وفي كل محل
ابوفاس : نوع من انواع الدجاج !!! <== عليك تصريف بس وش رآيــك الوطينة احسن والا امريكانا.. تراه قال بالجرايد ماقال بالسوبر ماركت..

وننتظر المزيد مثل هالحوار الرائع الي فيه الجد والمزح بنفس الوقت والف شكر لك يالغالي....

ابو فاس
فاس
تراكم موتوني ضحك بعد الغم الي كنت فيه

محمد نور & المنتخب

اولا انا قد اتفق وقد لأتفق مع الحوار الجيد بينك وبين ولدك ( المنسم ) .
انا اتفق معك بكل شي ماعدا قولك ان محمد نور لايستحق المنتخب نعم هناك من هم بمستوى محمد ماعدا عبداللة الواكد الدي يعتبر الافضل (واقصد اللاعبين المنضمين للمنتخب في تلك المبارة وما قبلة ) , لكن محمد يعتبر من المميزين ولكن يعاب علية الخشونة الزائدة .
ابو فاس انا لا ادافع عن محمد نور ولكن بنظرة حيادية اقول نعم هو السبب بدخول الهدف ولكن من منا لايخطيء محمد يلعب كورة كويس لكن الخشونه البايخة منه مثل بقية زملائه اللاعبين في نادية لاتعتبر شيء جديد .
ابو فاس اذا كان باجيو ضيع كأس العالم عام 94 عندما كانت بين متناول ايدي الايطالين , فما بالك بمحمد نور والفرق شاسع.
عموما الحمداللة اللي رجع لنا خميس العويران وابو جمعان للمنتخب .
وان شاء اللة النتخب سوف يتاهل بالمركز الاول وبتشوف يابو فاس .
ابو فاس اذا اردت رايي الشخصي بحمد نور لاعب جيد بمركزة اذا لعب بدون خشونه .
وقد يختلف رايي فيه بعد عودة الرائع خميس العويران ومع ذلك لايعني ان محمد نور زلابه.
..... ولك تحياتي ...
الإختلاف في الراي لايفسد للود قضية ,

محمد نور أخطأ لكن المسخرة الزايدة مهيب زينه.

محمد نور من نجوم المملكة و لاعب في المنتخب الحين و ياليت نوقف جنبمهم في اللحظات الصعبة هذي.

كل اللاعبين يغلطون لكن ما توصل فينا إنا نبدا نتمسخر عليهم. النقد الهادف و العتب مطلوب. و محمد نور شخص سعودي مسلم و لون البشرة ما يخليه جاي من الأدغال و لا تنسى إن منتبخنا أكثره من اللاعبين الي بشرتهم سمراء.

هلا بمشرفنا الاقلاعي أبو فاس ;)

هلا فاس مشرف المستقبل ;)


موضوع أكثر من رائع ويحاكي حال التعصب الأعمى

ومدى حقد وكره الجميع للفن السامي

كان الله في عونك ياسامي

ولو فزنا فزنا بهمة الأبطال عبيد والشيحان والبزران

ولو انهزمنا ماهمنا غير سامي

كبير والله كبير ياسامي

وكيد عذالك ياسامي كيد عذالك

انا ما ادري شقول والله انو محمد نور كلما اقرى عنة والله ان قلبي يعورني اهو غلط وغلطة كبيرة روحت المنتخب في داهية ودخلتنا حسابات احنا في غنى عنها..

بس اعتقد انو مو اعتقد الا انا متاكدة انو ماكان قصدة يخسر المنتخب بالتعادل..
انشاء الله يضرب المنتخب الايراني المرض اللي مالة دوة واهو البهامة وقلة العقل مع انها بدت تنتشر بين اللاعبين بس الى الحين ما بانت ..
اكيد بتسالوني ليش البهامة بالذات..
انا اقولكم عشلن يتعادلون قدام البحرين او العرق او تايلند او اذا خسرو يكون احسن..
بس ارد واقول الله يسامحك يا محمد نور وعلى سالفة المنشطات اهو صدق محمد نور تعاطى منشطات { اتمنى عدم حذف هذا الجزء لاني ابي الاجابة }

وبادن الله بنشوف المنتخب في كوريا واليابان وايران ومدربهم يعودون خاسئين الى ديارهم مهزومين على ايدي الصقور الخضر..

اختكم :
redheart

ههههههههههههههههههههههههههههههههههههههههههههههههههههههه


الله يرجك يابوفاس أنت وفاس

حوار مقلع بينك وبين المقلع فاس الله يحفظه لك ويكبر وتشتري له كنادر جديده

تحياتي ولاتبطي علينا ;) ;)