تعالوا بخبركم سالفه صدق صايره من كم يوم في بوظبي..السالفه سلمكم الله اثنين شباب من فترة قريبه
أخذوا عشاهم و راحوا يتعشون في شاطئ الراحه في بوظبي... جت لهم حرمه عجوز و جلست
تلقط من الاكل المتنثر...قالولها انتي جوعانه ؟.قالت ايه انا من الصبح هني و ما كليت شي... قالوا لها زين وليش
جايه هني؟ قالت ولدي نزلني و بيرجع علي ... المهم شالوا اغراضهم..و حسوا الشباب ان الوقت متأخر و ما يصير
يخلون الحرمه العجوز بروحها في الليل قالوا لها.. زين عندك رقم ولدك ؟ أنا بنتصل عليه..قالت ايه..و طلعت
ورقه صغيره من مخباها.. .يوم طالعوا وش اللي مكتوب حصلوا ( من يجد هذه المرأه يأخذها لبيت العجزه )
انصعقوا الشباب من اللي مكتوب...و جلسوا ساعه يترجونها انها تروح معاهم لكنها ما رضت ... و قالت لا انا
بنتظر ا ولدي . .. هو بيجي ياخذني.... انتظروا معاها ساعه يترجونها لكنها كانت مصره ان ولدها بيجي
ياخذها"مسكينه ما تدري بحقارة ولدها" المهم....روحوا عنها الشباب.... واحد منهم ما رضي يرقد....يتقلب
ويفكر فيها..... لين صارت الساعه 2 في الليل... قام من فراشه و لبس ثيابه بسرعه... وراح الشاطئ....شاف
اسعاف و شرطه...هجم بينهم و سألهم عن الحرمه... قالوله توفت...ارتفع عندها الضغط و ماتت... ارتفع عندها
الضغط على حسرتها على ولدها.. .خافت عليه ان يكون صار له حادث او مكروه... الله يرحمها
برحمته...مسكينه... .... ( متوفيه بتاريخ 2001يوليو16 )
حقا أنها قصة تدمي القلوب ... وتتفطر لها الكبود ....
تعبت من أجلك وقاست المحن والشدائد ......
حملتك في بطنها تسعة أشهر ... إذا سكنت في بطنها ولم تتحرك خافت عليك وحزنت ....
وإذا ركلتها بأقدامك وأنت في بطنها فرحت واستبشرت أنك مازلت على قيد الحياة ......
ما نقول لهذا الأبن الحقير إلا يا ويلك من الله وبتشوفها في أولادك ...
استمع لما يحويه هذا الرابـــط
http://cards.dawah.ws/0003.php