تقرير مفصل عن تجربه شخصيه للكزس Gs430 موديل 2005 الجديده - نادي الهلال السعودي - شبكة الزعيم

أباقصي · #1 25/12/2005, 12:20 PM

السلام عليكم
الحقيقه حبيت اعرض عليكم تجربه واقعيه بعد استخدامي للسياره وبمصداقيهك
السعر : 220 الف ريال
الفئه المستهدفه: الباحث عن سياره سيدان فخمه رياضيه قويه
المنافسون:
البي ام الفئه الخامسه وبالتحديد 545
الاودي الايه 6 الكواترو
المرسيدس الاي كلاس الفئات فوق اي 320
الكاديلاك الاس تي اس 8 سلندر
الجاجوار الاس تايب
الانفينينتي الام 45
في البدايه السياره مرنه جدا على الطريق وبثبات رياضي غير طبيعي
تحكم قوي بالقياده ونعومه على الريق
طبعا البعض يقول ان السياره صوتها شوي مزعج والسبب مو بالسياره السبب ان الجنوط والكفرات الرياضيه تحدث صوت رياضي يمتع اصحاب المزاج الرياضي وبامكان اي احد مو عاجبه الصوت يغير الكفرات لكفرات عاديه
طبعا صوت الماكينه مافي برغم قوتها إلا انه هادئ جدا على قولهم الهدوء اللي يسبق العاصفه
طبعا التصميم الداخلي واللمسات اللي بالداخل لا تنقصها اي شي اي شي تتمناه موجود بالسياره من الالف للياء وبفخامه تليق بمكانة السياره
طفشتكم بالكلام عن السياره
لكن
اخيرا احب اقول ان السياره عليها مكينه 8 سلندر 300 حصان
من صفر الــــى 100 كلم في 5.7 ثانيه
ولك ان تتخيل
اترككم مع بعض الصور للسياره
واي اسئله عن السياره انا حاضر

هلالي كاتلوني · #2 25/12/2005, 04:04 PM

غريبه ماذكر الومينا اس اس وهي سيدان بس حبيت اذكرك الومينا اقوى من الكزس جي اس

وصراحه الكزس بالراحه من ناحية الشكل افضل

بو عبدالله · #3 25/12/2005, 04:24 PM

إقتباس

الرسالة الأصلية كتبت بواسطة هلالي كاتلوني


	غريبه ماذكر الومينا اس اس وهي سيدان بس حبيت اذكرك الومينا اقوى من الكزس جي اس وصراحه الكزس بالراحه من ناحية الشكل افضل

يا بابا عيب تقارن لكزس بلومينا
او تقارن انفنتي بلومينا

اللومينا للحوج
والانفنتي للي يفهم بالسيارات ويدور الفخم والقوي
واللكزس فخمة ولكنها للي يبي سيارة زينة ولا يدري وشسالفة ولا يدري انه في وافضل وافخم واندر وارز منها
مثل الانفنتي بأنواعها

ومشكوور حبيبي أباقصي على الموضوع والصور

هلالي كاتلوني · #4 25/12/2005, 04:40 PM

إقتباس

الرسالة الأصلية كتبت بواسطة بو عبدالله


	يا بابا عيب تقارن لكزس بلومينا او تقارن انفنتي بلومينا اللومينا للحوج والانفنتي للي يفهم بالسيارات ويدور الفخم والقوي واللكزس فخمة ولكنها للي يبي سيارة زينة ولا يدري وشسالفة ولا يدري انه في وافضل وافخم واندر وارز منها مثل الانفنتي بأنواعها ومشكوور حبيبي أباقصي على الموضوع والصور

هههههههههههههههههه

يا بابا انت عيب عليك ترد علي مثل كذا وانت ماتدري وش قلت انا

انا قلت من ناحية القوة غير الومينا بنت الهولدن لاتدور تدري انها من صفر الى ميه بـ4.9
وانا سمعت انه بالفين وسبعه المكينه راح تتغير وراح تصير 400 حصااان شي خيالي

أباقصي · #5 25/12/2005, 04:55 PM

السلام عليكم
مشكوريين على الردود شباب
وخلاف وجهات النظر لايفسدد للود قضيه
عدم ذكر اللومين لسبب بسيط هو لو قريتوا فوق في المنافسيين
المعيار هو سياره فخمه رياضيه
واللومينا في معايير السيارات العالميه ليست من السيارات الفخمه او الفارهه
الانفينيتي سيارات جيده لكن في البلد عندنا للاسف صيانه تعبانه واسعار بعد البيع تعال واتفرج
ذا اليوم نزلت مع واحد من الشباب لقيتهم مسويين عرض بالوكاله على النفينتي الكبير 150 الف ريال زيرو
ملاحظه
اللومينا النوع الوحيد اللي ماكينته تقوم على الجي اس 430 هو الاس اس اما الاس وحده نو واي

أباقصي · #6 25/12/2005, 05:01 PM

اترككم مع باقي الصور
حاهريكم كل يوم صور للجي اس 430

أباقصي · #7 25/12/2005, 05:03 PM

وهذي صور نادره تصلح خلفيه

HENRY 12 · #8 26/12/2005, 04:51 PM

ياخي والله السياره هذي اعشقها عشق ازلي

بس مشي حالك واعتقد ان GS300 هذي موديل 2005

اما GS430 فهي 2006 انا سالت عنها في الوكاله

وبالنسبه للاحصنه ماعتقد انها 300 حصان الي انا قاريه

انها 279 حصان يعني قول 280

وعموما يعطيك العافيه على تقليب المواجع

ومشكوووووووووور