يقهرني اللي يسلم بيده اليمين ويده الثانيه بجيبه000 كانه بيعطيك ريال0

- ويقهرني اللي يسلم وهو جالس000 (اكره السلام بهالطريقه)

- وفي حركه مره تقهر يوم تجين تسلمي على وحده وتمدين يدك00 ولا كانها شايفتهن00 والاهي تمسح خدها بخدك000 (برستيج) والله فشله 00 ولازالت اليد ممتده

- ومثل اللي يعزمك على الغدا بكره وهو اليوم مسافر00 (اعوذبالله)

- واللي يجلسون في المحاضرات يلعبون بالجوالات ولا نايمي00 وانت تكتب كل اللي يقوله الدكتور ويوم الامتحان00 يقولون : فلان عطني مذكرتك00

- ولا اللي تسـألهم في الامتحانات كيف صلحتو يقولون بنسقط000 ماحلينا شي00 الا يوم النتايج وهم ماخذين امتياز00 (خايفين من الحسد) مالت عليهم

- ويقهر بعد اللي يتصدد يوم يشوفك وانت اصلا ماتبي تشوف وجه00

والله في اشياء تقهر واجد 00 لكن الحين نسيتها000

وش رايكم كل واحد يدخل يقول وش هي الاشياء اللي تقهره00

اهلين بك يامنيره

فعلآ كل ماقلتيه يقهر

أخت منيرة أعتقد أن ألي يقول أنا هلالي و بعد ما ينهزم الهلال في المربع

يجي يتشمت ويقول تستاهلون وأذا سألته قال أنا أشجع أي فريق ألا الهلال

هذا أكثر شيء قهرني .

والله فيه اشيااااء واجد تقهرررررر

وانا مثلك يقهرني اللي يطلع من الامتحان وتساله هاه بشر وش سويت يقول

ابرسب في الماده واذا طلعت النتيجه تلاقينه ماخذ A بصراحه هذا يقهرني مره

وشي ثاني يقهرني مثل اللي يجيك ماسك المسار الايسر وقاعد يتمشى واذا سقطت عليه من اليمين ناظرك بطرف عين وكأنك انت المخطي هذا والله ودي ان معي تريله وانشبه في الرصيف

واشياااء واجد تقهر لكن هذا اللي جا في بالي

ووسعي صدرك وانا اخوك لاتنقهرين

منيره الغاليه

كل ماذكرتيه مو يقهر الا يدبل الكبد


لكن انا مايغبني ويرفع ضغطي الا بعض الناس

اللي دامرتهم المظاهر وشاريله جوال في الوقت اللي هو مو

لاقي يأكل نفسه ولا عياله

اختي منيره
كل اللي ذكرتيه عين الواقع وبصراحه انا اكثر شي يقهرني اللي مسوي فيها برستيج وهو قروي ماعنده ماعند جدتي .
ويقهرني الصديق اللي ما يتصل عليك الا اذابغى شي يعني راعي مصالح.
ويقهرني االلي شكله شين ويتميلح.
ويقهرني اللي رافع على المسجل على اخر شي وهو واقف في الاشاره وفاتح الدريشه ودك تصكه بزبيريه على خشته عاد ولي يقهرك اكثر اللي مشغل شريط غربي وهومايدري وش السالفه.
وبصراحه لو نعد الاشياء اللي تقهر مانتهينا لكن موضوع الاخت منيره فكرته حلوه واترك المجال
لكم وسلامتكم

مساء النور والسرور اختي منيره وجميع الأعضاء ...

- يقهرني الشين اذا سوا نفسه رسمي ...

- والشي الكبير الي يقهرني اذا جتني الدمعه وسط ناس ...

- وما انسى عاشق الهلال اذا استخف دمه ...

وتقبلي تحياتي ...

*اي موضوع يقول عضو جديد فهل من مرحب اذا واحد كت زي هذا الموضوع نفسي اقتله
اكيد الزعيم يرحب في كل الناس

*ولا اللي تسـألهم في الامتحانات كيف صلحتو يقولون بنسقط000 ماحلينا شي00 الا يوم النتايج وهم ماخذين امتياز00 (خايفين من الحسد) مالت عليهم


اكثر شي اكرهه

*ويقهرني اللي رافع على المسجل على اخر شي وهو واقف في الاشاره وفاتح الدريشه ودك تصكه بزبيريه على خشته عاد ولي يقهرك اكثر اللي مشغل شريط غربي وهومايدري وش السالفه ويكون مضلل كل السيارة يجيب الضغط والسكر لي .

*اللي دامرتهم المظاهر وشاريله جوال في الوقت اللي هو مو
لاقي يأكل نفسه ولا عياله

وهذا اكثر شي يرفع الضغط والسكر عندي
*وانا مثلك يقهرني اللي يطلع من الامتحان وتساله هاه بشر وش سويت يقول
ابرسب في الماده واذا طلعت النتيجه تلاقينه ماخذ A بصراحه هذا يقهرني مره

*يقهرني واحد اذا قال انا نصراوي وهو اصلا يبغا يقهرك وهو مايدري وين حاطه
ربي فيه
*يقهرني المعلق اذا كان بارد مرررررررررة
وشاكررررررررين

الأخت / منيرة ....... ماشفتي شيء تعالي شوفي حينما كنت ساكن جدة لمدة سنتين تعرفي على هالنذل وشق قال لي يوم ماكنت في جدة غير



طبعآ هذا الكلام في سركم;)














سكنت جدة قبل سنوات طويلة ( يوم ما كنت طالب ) .

ومريت مرة بجار لنا جدار البيت واحد ..... والا هو واقف على الباب ؟

سلمت عليه شباب مثلي .... رد السلام وقال وهو ساد الباب بجسمة:-

ما تتفزل يابويا ( حاط ايدية على الجوانب وبجسمة ساد الفراغات كلها ) حتى الفار مايدخل معه؟

أخس يالبخيل لهذه الدرجة قلت له يوم شفت حركتة البايخة مشكور أنا مشغول الحين .

قال :- شغلك أهم ياواد مع السلامة؟

بس وش أصلهم تراني ماأدري بكل صراحة

هلا وغلاااااااااا بكم

مشكوووورين جميعا على الرد......

وبعد من الاشياء اللي تقهر

صديقات المصالح اللي ما ينعطون وجه .. أيام المدارس كل يوم كل يوم يتصلون فيني .. وليش إني شاطرة وأجاوب على أسئلتهم وقلبي طيب ..والحين مر شهر على الإجازة ولا وحدة منهم اتصلت .. ...

قهررررررررررررررر ..
وحدة قاعدة تسولف وتكذب وتكذب .. وكلامها كله خرطي .. وأكون عارفة انها كذابة .. بس اسكت واستر عليها وما أقول في قلبي غير : إذا لم تستح ...

انا يقهرني المواضيع الماصله

اخوي فتى للاسف ما فهمت عليك

شو يعني ماصله؟؟؟؟ممكن توضح.اذا سمحت

اها

ماصله هذي كلمه فرنسيه ترجمت الى العربيه عن طريق التجار العرب

لالا تصدقين

ماصله يعني سخيفه

فهمتي؟

اها

وانا اللي يقهرني

اللي يرد على المووضوع السخيف

اذا الموووضوع سخيف ومو عاجبني ما ارد عليه....