السلام عليكم
اول شي ارحب فيكم واقولكم بعض المواقف الي صارت لي وانا في المعلب
بصراحة تبهذلت بهالمبارات بهذله موب طبيعية اول شئ مالقيت موقف واضطريت
اني ادقها كعابيه الا ان تورمت رجولي
دخلت الى الملعب طبعاً فيه تفتيش وشفت عسكريين من الجهه الي رايح لها ومع مجموعة من الشباب
المهم واحد من العساكر تفتيشة سريع ويفتش ويمشي الجمهور بسرعه انا استلمني
واحد الله لايوريكم طبعاً انا كنت لابس بشت علشان البرد وقالي افصخ البشت قلت طيب ودخل يدينة وطلع
البوك والجوال ودخل يدية يدور ويقولي ليش حاط اوراق واجد في جيبك >> ملقوف العسكري
وقام وقالي قصة ولد عمة كان حاط اوراق مهمه وضاعت وما ادري ايش وانا اشوف الملعب
ولا اعطية وجه انتظرة يفهمها من نفسه ويخليني ادخل ودخلت طبعاً بعد عناء كبير
المهم وانا داخل شريت بسكوت وببسي علشان انقش عليهن
وانا افتح البسكوت طاح مني الببسي طبعاً كاس ورقي وانكب على المدرج الي قدامي وكان فيه
شباب جالسين عليه وطبعاً الببسي بيوصلهم ويوصخ سجدتهم الي جالسين عليها وملابسهم
المهم وكان يبيله شويت وقت الى ان ياصل لهم وقمت وهجيت من البوابة ورحت للبوابة
الثانية ودخلت المهم لقيت هندي يبيع ببسي متجول يعني طلبت منه ببسي
وطلعت عشره يوم مديتها له كان الهوا قوي مره وطارت بالهوى وانا عيوني طايرة :sad:
وموب مصدق واشوى كان معي عشرين قمت وخميت الهندي ودخلته بالبشت حقي
وعطيته الفلوس علشان مايطيرن ويوم رجع لي الباقي كان 19 ريال
وماعنده الا ريالات
قلتله لاتطلع من البشت وحطهن بجيبي وقام حط الريالات
بجيبي واحد واحد علشان مايطيرن المهم بين الشوطين قمت بمحاولة يائسة ادور
على العشرة وانا امتر المدرجات الى ماتكسرت رجولي وقلت ايه هين بلقى هالعشرة بين كوم
هالاوادم الي بالملعب
بدا الشوط الثاني والله استانسنا ويوم جا هدف الهلال الثاني اللاعبين من الفرحة قامو
سجدو وعاد تخيلو كماتشو من الفرحة بالهدف الثاني قام وسجد معهم
ملاحظة :
1- اذا واحد من الاعضاء صار له موقف بمباراه الهلال او اي موقف في مباراه ياليت يحطة
2- انا كتبت الموضوع بالمجلس العام لأن اغلب كتاباتي فيه
تقبلو تحياتي
هلالي موعالبال
قصتي في مباراة الهلال والفيصلي 
الوضع المتطور
