السلام عليكم جميعا

بصراحة مادري من وين ابدا لكن المطبلين يثيرونك ويخلونك تتكلم .... اول شي الموضوع كان بخاطري اكتبه عن من يسمي نفسه كويتب ومن يظن انه صحفي محسوب علينا وسبقني اخوي العضو الابداع كله سامي بما قاله المدعو مالي امس بقناة الرياضية ببرنامج بطولة خليجي 17.


اول شي اهني الرائعين احمد المصيبيح وسليمان المطيويع مقدمين البرنامج باسلوبهم الرائع في التقديم والطرح واختيار ضيوف مميزين امثال الرائع صالح الحمادي والاروع صالح الطريقي ولا ننسى طلال ال الشيخ

الطريقي بصراحة انسان واعي ويتكلم بكل منطقية وووالله يشبااب اذا سمعت كلاامه استانس انسان يتكلم بكل صدق باختصار انسان فاهم ولو قالو لي مين ترشح لمنصب رئاسة الاتحاد السعودي والله لارشحه لانه هو الرجل المناسب بالمكان الناسب.

صالح الحمادي باختصار يعجبني فيه صرااحته وواقعيته مايجامل ابداا

ماودي اطول بس ابي اتكلم عن حلقة امس لما اتصل المدعو ابو بكر مالي وكان موضوع الحلقة يتكلم عن اسبااب خروج المنتخب وتطرقوا لسالفة محمد نور وكان الاخ صالح الحمادي يطالب بعقوبة محمد نوركما حدث للثنيان وسعيد العويران والرومي ثم اتصل مالي وكنت اسمع الحديث وكان يتكلم عن المنتخب ولكن ماصبر وماقدر قال لازم اطبل وتطرق لمحمد نور ووضح دفاعه عنه وقال بكل انتهازية واستفزااز موجه لصالح الحمادي بالنص

الا مارايك صالح الحمادي بان نطالب بشطب محمد نور شطب نهاائي وكرر كلمة شطب حتى انتهى الاتصال!!!
واعجبني لما رد صالح الحمادي وقالها صريحة:
(لتعلم يامالي ومن على شاكلة مالي سوف اطالب بمحاسبة اللاعبين المقصرين الذين وراائهم تطبيل وتهبيل من الاعلام قبل غيرهم ) سؤال اطرحه الى متى التطبيل الاعلامي الى متى صحافة الميول الى متى وجود امثال هالمستصحفين والله مايعقل نشوف الخطأ يتكرر من محمد نور ونحاول نبرر له ... انا اتفق واقولها صريحة محمد نور لاعب جيد لكن اذا اللاعب اسااء بسلوكه وتصرفاته وافتقد الحس الوطني داخله فلا والف لا لوجوده بالمنتخب لو يكون مين!
واتمنى مايجيني احد يقولي الحكم والحكم اشوا ان الحكمين النرويجي والاسباني طبقوا القانون بحذافيره لكن للاسف الصحافة عندنا تحاول تختلق الاعذار لمحمد نور والي يبي يتاكد بنفسه يقدر يرجع ويشوف شريط الفيديو للمبارتين ويشوف مدى االاستهتار الواضح من محمد نور وانه فعلا استحق الكرتين .


اتمنى والله ان يطبق عقوبة باللاعب محمد نور والله ليس كره ولا لشئ في نفسي تجاه محمد نور لكن عشان يكون عبره لغيره ويعرف حدووده بالملعب وخارج الملعب.




واليوم بالبنط العريض جريدة الرياضي الاتحادية الميول:
محمد نور مظلووووووووووم

للاسف هاذا البنط العريض هو الي راح يضيعنا

اتمنى تتنظف الصحافة من المطبلين امثال مالي ومسلي ال معمر وغيرهم الكثير .

اعتذر على الاطالة ولكن شي والله ماينسكت عليه!

تحياتي لكم
خالد