الحمد لله على الانتصار وهزيمة النصر بكل اقتدار وفن وحرمانه من أسيا مع المناصرين له في لجان الاتحاد السعودي
فوزنا جاء بعرق شبابنا الموهوبين الكابتن سلمان الفرج سالم الدوسري البريك الشهراني نجوم المنتخب ولا انسى قوميز
والكوري وماريقا
لكن بريرا بالله عليكم وش سوى في المباراة عادي بل واقل من عادي ماصدقنا يجي ونشوف الفن وتسجيل الاهداف
واظنه الى لآ ن ماسجل ولاهدف وشله جايبينه الا لمثل هالمباريات ونشوف الفارق مثل لاعب الشباب
ياخسارة الفلوس اللتي صرفة له ماريقا يدهر ويركض يمين شمال ومثله قوميز اما هالنكبه ولاتمريرة خطره ولاتصويبه
خطره او مرعبه اظن انه مصاب وساكت توقعت انه يبي يحوس الملعب ويسجل اويلعب تمريرة تبرد الكبد اقول سلم لي
على عيالنا وبس[SIZE="7"][/SIZE]

والله هالوقت ماهو وقت تعاقدات ولا تقييم ولا حلطمه
فايزين في ديربي كسر عظيم كبير والناس تبحث عن النتيجه اكثر من المستوى
هل انت اخبر من المدرب باللاعب ؟ لا
فماله داعي تفتح جبهه على لاعب مستواه معروف وجبهه على المدرب وجبهه على الاداره
فاز الهلال بتوفيق الله ثم بجهد الهلاليين كلهم حتى عامل الملابس
فخلنا محافظين على وحدة الكيان ونترك التقييم عند نهاية الموسم لان مامنها اي فايده الا خلق مشاكل

كلامك على العين وعلى الراس بس ياخوي شيئ يفطر الكبد كنت اتوقع انه مثل مانيقا الشباب يشيل الفريق تظيم وباصات يعني رمانة الشباب اما رفيقنا ماتحس انه فارق عن فييتو هذا اللي يقهر واشكرك على المرور

إقتباس الرسالة الأصلية كتبت بواسطة رجبشعبان كلامك على العين وعلى الراس بس ياخوي شيئ يفطر الكبد كنت اتوقع انه مثل مانيقا الشباب يشيل الفريق تظيم وباصات يعني رمانة الشباب اما رفيقنا ماتحس انه فارق عن فييتو هذا اللي يقهر واشكرك على المرور

الاعبين مرهقين وكل ثلاث ايام مباراه واغلب الاعبين ماكانو بمستواهم بالهلال ولا النصر

الهلال طلع المتصدرين بكل مجموعات اسيا وفاله اسيا باذن الله

إقتباس الرسالة الأصلية كتبت بواسطة رجبشعبان كلامك على العين وعلى الراس بس ياخوي شيئ يفطر الكبد كنت اتوقع انه مثل مانيقا الشباب يشيل الفريق تظيم وباصات يعني رمانة الشباب اما رفيقنا ماتحس انه فارق عن فييتو هذا اللي يقهر واشكرك على المرور

من الظلم تحط لاعب بعمر ال 25 هذي خامس مباراه له في السعوديه في مقارنه مع لاعب الشباب الخبير والقدير مانيقا الذي وصل لقيادة منتخب الارجنتين

للأمانة موضوع مجحف بحق بيريرا ..

في كل مباراة لعبها يصنع لك كور أنت و ضميرك ..

وهو لاعب وسط .. صانع لعب .. كيف تبيه يسجل ؟؟ .. هو وظيفته صناعة و قايم بدوره على أكمل وجه ..

مشكلتنا لو نجيب قلب دفاع قلنا ماينفع لأنه مايسجل ..


لعب 4 مباريات بالدوري .. صنع 3 أهداف ..

مجملاً لعب 7 مباريات مع الهلال .. صنع 5 أهداف .. مابين الدوري و آسيا ..

وش تبيه يسوي بعد؟

صنع 5 أهداف .. و هذي وظيفته ..

غير الفرص اللي أنت و ضميرك و ضاعت ..

أتمنى منك أخوي و من الأعضاء و الجماهير تصيرون منطقيين ..


وعلى فكرة ..

بالدوري انحسبت عليه مباراة و هو مالعب إلا 6 دقايق بس .. قدام التعاون ..

و قدام الباطن لعب 30 دقيقة بس .. و كلهن انحسبن مباريات عليه ..

صنع في آسيا هدفين من ثلاث مباريات .. قدام الاستقلال و قدام بيروزي ..

وصنع بالدوري 3 أهداف .. قدام الشباب و الاتفاق .. وهن المباريات اللي لعبهن كاملات ..

احصائية جدا مميزة للاعب وسط ..


تدري كاريو الثعبان السام الخطير صاحب المراوغات الساحرة لعب 29 مباراة الموسم الماضي .. صنع 5 أهداف ..
والموسم اللي قبله لعب كاريو الثعبان السام 27 مباراة بالدوري .. صنع 3 أهداف ..

يعني لعب خلال موسمين 56 مباراة دوري .. صنع فيها 8 أهداف ..

وأنت جاي لي على لاعب توه جاي مامداه يكمل 7 مباريات و صانع لك 5 أهداف ! و أصلا مباراتين المفروض مانحسبهن عليه..

يا اخي الكريم انا معاك في كل كلامك بس هذا ما هو لاعب عادي معظم اللاعبين صنعوا تمريرات اهداف كان عشمي يكون ثقل الفريق ويكون له ضربات ثابته مخيفه كل الفاولات اللي نفذها ماهي لم الباب ثم اني ما قلت انه ماهو لاعب انا قلت ماهو اللي كنت اتوقعه كنت اظن انه يسوي شيئ في مباًراة النصر والله يديم العز والفخر للهلال .

يلزم الصبر على اللاعب بريرا

انا ما اتوقع انه نكبه بس مدربه نكبه وايضا الخطأ الاداري في عدم لحاقه بالمعسكر جالسين يفاوضون فريقه 3 شهور ولا قدر يلعب اول مباراة بالدوري بسبب عدم تصريف جوفنكو

يعني اخطاء اداريه وفنيه ننتظر ونشوف نبيه بس زي مستوى سالم لان ادارتنا ما وراها رجى تجيب لاعب افضل من المحليين

إقتباس الرسالة الأصلية كتبت بواسطة رجبشعبان يا اخي الكريم انا معاك في كل كلامك بس هذا ما هو لاعب عادي معظم اللاعبين صنعوا تمريرات اهداف كان عشمي يكون ثقل الفريق ويكون له ضربات ثابته مخيفه كل الفاولات اللي نفذها ماهي لم الباب ثم اني ما قلت انه ماهو لاعب انا قلت ماهو اللي كنت اتوقعه كنت اظن انه يسوي شيئ في مباًراة النصر والله يديم العز والفخر للهلال .

أخوي رجب ..
أنا عطيتك احصائياته .. و احصائياته جميلة جداً كلاعب وسط و صانع لعب ..
و هو الحين لاعب 5 مباريات و صانع 5 أهداف .. و استبعدت لك مباراتين لأنه مالعب بهن إلا كم دقيقة فقط ..

في آسيا المباراة اللي ماصنع فيها هي مباراة النصر بس ..

أرقامه ما عليها كلام .. أما فاولاته فكم فاول شات لحد الآن؟ أتوقع 3 فاولات فقط صح؟

وبالأساس ما أحد قال إنه جونينيو بالفاولات .. كثر الله خيره يشوت ركنيات زي الناس و صنع منها بعد ..

هو صانع لعب فقط .. مثل عموري .. مثل الشلهوب .. من طينة اللاعبين اللي يلعب لك كورة هدف أنت و ضميرك ..

عطوه فرصة لنهاية الموسم و شف الاحصائية و قارنه بكل لاعبينك ..

الغريب لاعب مثل كاريو قاعد بالفريق ومحسوب جناح ولا تسجيل ولا صناعة الجماهير تعزه و تحبه ههههه

على العموم ياصديقي العزيز .. انتظر لنهاية الموسم ولكل حادث حديث ..

ق 9 : تخيّل لو إنه لمسها صناعة لقوميز
كان شي خورافي لكنه لم يفعل مع إن هذا دوره .. لكن بكيفه وش نسوي به يحب روحه

مافيه عاقل يقدر يحكم عليه بإنه نكبه .. ولا أحد يقدر يحكم عليه بإنه فلته - حتى مع وجود إحصائيات أخونا ابوساري - .. لأن الوقت لسا بدري جداً
لكني للأسف أحكم على اللاعب بمدى حجم طلبه للكورة فكل ما زاد كل ما ثبت بإن اللاعب ثقة وإمكانات وخامة

حالياً ما أقدر أقارنه إلا بتاليسكا .. يلعب في فريق خرابيط ومع ذلك روح وقتالية ورغبة في التهديف والتسجيل !

لكن نقول يارب إنه توّه يسخّن

طبعاً محد يشوف خنبقة سالم وحبه لنفسه .. لأنه أخذ أفضل لاعب بحكم تسجيله للهدف الثاني

لكن الهلالي المعتق يعرف إن سالم أحد أسباب عدم الخروج بنتيجة كبيرة مع الطرد

وجهة نظر . لكن ماهو الضرر من ابداء رأينا فيما قدمه بريرا مع النصر ولك ان تشوف وتسمع ما قاله المحللون ومعظم الرياضيين عن بريرا مع العلم انه غير منزه عن النقد ثم انه سيحاول اللعب اكثر جدية عندما يقرأ ما يكتب عنه

أنا أشعر أن اللاعب إلى لم يتأقلم جيدا لكن مع هذا اللاعب قدم مسويات جيدة جدا وصنع أهداف وفرص وهذا أهم شيء فاصبروا عليه وبإذن الله سيكون له دور كبير مستقبلا إن سلم من الإصابات.