[ALIGN=CENTER]السلام عليكم ورحمة الله وبركاته

زارني قبل يومين واحد من القرابه ماله بالنت ويسئلن
يقول ان واحد من أهل الجنوب جاب قصيدة من النت ويقول هذه بدويه قاصده ة
يقول يوم قريته ولا انه شمريه صاحبة القصيده
لوجود بيت يدل على ذلك وهو
حنـــــــا الطنايا للكرم رمز وشعـــــــــــار

................................................ حنـــــــــــا خوي مــــــايخلي خــــــــــويه

والمقصود بالطناياهي عزوة للشمر
قال الشاعر محمد العوني

وين الطنايا وين شاربة الهيل
.............................. وين الحيود اللي تشيل الثقايل

وقال الشيخ عبدالكريم الجرباء
أرسلت لي يا بيه خط يروعِ
............... تطلب عذاب ملاويات الفروعي
أبغي الى ماحضبن الجموع
.............. اثني عليها مع جموع الطنايا

وهذا دليل على أن الشاعره من شمر وبينته هنا لوجود لغط وخلط في بعض المجالس
ولكن هذا لايمنع ان كل اناس سوى بدو او حضر لهم حقهم بالحياة ولهم طيبهم
وشجاعتهم
وهذه قصيدة لراعي نفي في منطقة حايل ويقال أنه من بني تميم القبيلة المشهوره
بالكرم والشجاعه
[poet font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""]
هيّا عطيني الحق هيّا عطيني "=" وأن ماعطيتينيه والله لا أصيح
لا أصيح صيحة من غدى له جنيني "=" ولا خلوج ضيعوها السواريح
وراك يا أريش العين زهدت فيني "=" تقول خيال القرى زين تصفيح
الطيب ماهو بس للضاعنيني "=" قسم على كل الوجيه المفاليح
البدو والي بالقرى نازليني "=" كلٍ(ن) عطاه الله من هبت الريح
[/poet]
ويهمني اخر بيتين ويبين الشاعر ان الطيب قسمه من ولي العرش
عمومآ القصيده طويله ولها قصة متى مسمح لي الوقت وضعتها لكم

وقصيدة الأخت الشمريه
( ايه انا ابدويه ) بعد ماقرها الشاعر خليل حميدان الخريصي الشمري رد عليها بقصيده
وطلب مني ان اضعها بالنت
وها أنا البي رغبته وارجو أن تنال أعجابكم
اما قصيدة ألأخت الشمريه فتقول[poet font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""]
أيــــــــــــه أبدويه ريحتى بن وبهـــــــــــــار"=" هذا شرف مــــــــــــاهو بحقى خطيـــه

أنـــــا أبدويه بنت حرِ مــــــن آحـــــــــــرار"=" فزعـــــــات ربعى بالشدايد قـــــــــويه

أنــــا هلى يابنت وافيـــــــــن الاشبـــــــار"=" كــــــانك جهلتى من أنـــــا ياغبيــــــه

ياجاهــله ماتغذى الشمـــــــس الانـــــــــوار"=" حنـــــــــا كما شمـــس على الارض ضيه

حنــــــا هل الطولات هيبـــه ومقـــــــــــدار"=" حنـــــــا مثل للشــــــــــرف والحمـــــــيه

حنـــــــا الطنايا للكرم رمز وشعـــــــــــار"=" حنـــــــــــا خوي مــــــايخلي خــــــــــويه

الذيــــــب يوم انه عـــوا وسط الاسعـــار "=" عشـــــــــــــــوه ربعى من سنين مــــــديه

يــــــــوم ان جدك وثق القفل بالــــــدار "=" بيـــــــــت الشعـــــر مفتوح صبح وعشيـــــــه

للضيـف ريف للمعـــــادين جبـــــــــار "=" نـــــــــــــــرد العياض ولانهـــــــــاب المنيــــــه

يابنــــت لو بكتب من اشعار واشعار "=" تعجـــــــــــــز معانى حــــروفى بجــــــــــديه

اللعب خـــــلى اللعب لعيال شطــار"=" لاتدخلين السيـــــــــــــــــل وانتى نـــــــــــديه
[/poet]

اما رد الشاعر خليل الخريصي الشمري

[poet font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""]
مبداي بالرحمن علام الأسرار "=" علام مابلكون سر وخفية
وقف شعر راسي وكتبت الأشعار "=" هيض حواسي قولت الصيرميه
والحر دايم ماكره فوق سنجار "=" حر(ن) قطوعاً مايهاب المنيه
انتِ بدويه لكن الوقت غدار "=" مهما غدر القت ما أنتِ ضحية
حنا على يمناك لاصار ماصار "=" نفدي العمر والمال لكل شمريه
حنا هل الطولات وأيضآ هل الكار "=" أخلاقنا بالطيب من الجاهليه
ذباحةٍ للضيف حمايةٍ الجار "=" عند الصديق الروح تصبح هديه
ولا العدو نسقيه كاسات الأمرار "=" عدونا دايم عزومه رديه
مهما الزمن يمشي والأيام تندار "=" عاداتنا بالطيب ماهي هفيه
وأختامها بالمسك والفل وأنوار "=" من الجنة الخضراء أزهار نديه
إعداد حجيجآ للبيت زوار "=" واعداد من صلى وركب المطيه
وأعداد ماهلت هماليل الامطار "=" في كل وادي وامتلت كل شقيه
على النبي الهاشمي خير الأبرار "=" هو صفوة الأسلام خير البريه
[/poet]

تحياتي لكم[/ALIGN]

هلا ابو سليمان وش هالزين كله المهم ترا اخوك من جنبها بالشعر فلا تلومنى

وبصراحه القصيدتين اجمل من بعض ولكن باقتبس رد الشاعر خليل الخريصى الشمرى

إقتباس حنا على يمناك لاصار ماصـار " " نفدي العمر والمال لكل شمريـه حنا هل الطولات وأيضآ هل الكار " " أخلاقنا بالطيـب مـن الجاهليـه ذباحةٍ للضيـف حمايـةٍ الجـار " " عند الصديق الروح تصبح هديـه ولا العدو نسقيه كاسات الأمـرار " " عدونـا دايـم عزومـه رديــه مهما الزمن يمشي والأيام تنـدار " " عاداتنـا بالطيـب ماهـي هفيـه

رد جميل جدا من شاعر صادق فى معانيه
يعطيك العافيه ياابو سليمان

[ALIGN=CENTER]وعليكم السلام ورحمة الله وبركاتة[/ALIGN]

ماشاء الله عليك دائمآ مهتم بالشعر

عيني عليك باردة

الله يعطيك الصحة والعافية على هالتصحيح الهام .

قصيدة رائعة .. ورد أكثر من رائع ..

يعطيك العافية يا مشرفنا الغالي ..

تحياتي لك .. ولشمر جميعا ..

وفقك الله دائما ..

الـحـاتـمــي ......


مــر مــن هـــــــنـــــــا .......


ويـقـول : الطنايا تحولت من لفظة مدح الى سبة عند بعض الناس !!


وعندي اقتراح لك يا مشرفنا /// وش رايكم لو تفتحون منتدى خاص بالشعر ؟!

ارفعه لمجلس الادارة ,, ;)

مين ؟؟ أبو سليمان ؟!


ياهلااا والله ..

[poet font="Simplified Arabic,4,white,bold,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""]
أيه أبدويه ريحتـى بـن وبهـار" " هذا شرف ماهو بحقـى خطيـه

أنا أبدويه بنت حرِ مـن آحـرار" " فزعات ربعـى بالشدايـد قويـه

أنا هلى يابنـت وافيـن الاشبـار" " كانك جهلتـى مـن أنـا ياغبيـه

ياجاهله ماتغذى الشمس الانـوار" " حنا كما شمس على الارض ضيه

حنا هل الطولات هيبـه ومقـدار" " حنـا مثـل للشـرف والحميـه

حنا الطنايا للكرم رمـز وشعـار" " حنـا خـوي مايخلـي خـويـه

الذيب يوم انه عوا وسط الاسعار " " عشوه ربعى مـن سنيـن مديـه

يوم ان جدك وثق القفـل بالـدار " " بيت الشعر مفتوح صبح وعشيـه

للضيف ريـف للمعاديـن جبـار " " نرد العيـاض ولانهـاب المنيـه

يابنت لو بكتب من اشعار واشعار " " تعجز معانـى حروفـى بجديـه

اللعب خلى اللعب لعيـال شطـار" " لاتدخلين السيـل وانتـى نديـه
[/poet]

رائعة بكل ما تحمل هذه الكلمة من معاني .. صح لسانها

شكراً لك أبو سليمان .. وننتظر باقي القصائد

إقتباس ابو الذهب هلا ابو سليمان وش هالزين كله المهم ترا اخوك من جنبها بالشعر فلا تلومنى

هلا ابو الذهب
اقول اجل وش الي مرسله لي ابو الملاقيط
يقول انه احد دواوينك

شاكر تواصلك ياغالي

إقتباس J.A.J ماشاء الله عليك دائمآ مهتم بالشعر

هلا بالغالي
والله الي به كلام زين وعلوم رجال نركض ونتعب الروح عشانه

تسلم يابعدهم

إقتباس راشــد قصيدة رائعة .. ورد أكثر من رائع

الغالي راشد اشكرك على تواصلك

إقتباس نجم الصبح رائعة بكل ما تحمل هذه الكلمة من معاني .. صح لسانها

صح بدنك عزوتي
وشاكر تواصلك يابعدي