09/07/2003, 05:53 AM
|
| زعيــم متألــق | | تاريخ التسجيل: 25/04/2001 المكان: قصيمي مقيم في الدمام لظروف العمل
مشاركات: 1,191
| |
|
مواقف من حياتي(1):جوالي المسروق...
بسم الله الرحمن الرحيم
السلام عليكم ورحمة الله وبركاته....
الحمدلله والصلاة والسلام على رسول الله وعلى آله وصحبه أجمعين؛؛؛أما بعد....
البداية:
جوالي(المملكه)شاريه من مجمع الواحه(بالشرقيه) وفرحان فيه وكشخه وفشخره...
من اول ماشريته وكل المصايب تطيح علي...
الاسبوع الاول ضاع جوالي القديم وانقهرت وقلت لنفسي لو اني مبدله بالفيصليه وزايد عليه
موكان احسن،ورضيت بالامر الواقع...
ومر باقي الشهر بسلام...
الشهر الثاني:
الاسبوع الاول مر بسلام...
الاسبوع الثاني رحت عند خويي وكان ببيتهم مسبح وقعدنا ندور حول المسبح ويجيك حدا
اخوياي طاااااااااير ويدفن ومير اطيح بالمسبح وبجيبي فليساتي وجوالي،ومير فليساتي
اشوا اشوي نشفن بعد مده بس الجوال انعدمت شاشته،وفككته،فكيت التلبيسه والبطاريه
والشريحه،واشوا خليته ومن بكره ركبته واشوا اشتغل بس بقى بقعه مبينه على الشاشه
واتحمد ربي انه ماضاع علي،واروح للاتصالات ويقولون لي مانصلح سوء استخدام المستخدم
وقعدت العن بالاتصالات وفيكم ومافيكم انت كذا وكذا،اجل والله حاله اجل وش فايدة الضمان
هههههه...
باقي الشهر قعدت افككه بالليل على امل ان تتبخر هالبقعه وتعرض لبعض الكدمات ههههه...
الشهر الثالث هو اهم شي صار بهكالجوال...
رحت لمجمع الراشد(باشرقيه)ورحت اتعشى فوق وطلبت لي طلبيه وقلت لخويي ابطلب لك
واحجز لنا طاوله،المهم حطيت الجوال على الطاوله وقعدت اتعشى ويوخلصنا انا وياخويي
رحت ونسيت الجوال،المهم رحت لمحل الكمبيوتر عشان آخذ لي لاب توب اللي قاعد اشتغل
عليه هالحين،وجيت ابتصل على خويي يعرف للانواع الزينه واباخذ الجوال من جيبي وتذكرت
اني نسيته على الطاوله،واروح ولا القاه وانادي الفراش والمسيكين يفتش بالزباله اللي
يقطون بها بقايا الطعام ومير مايلقاه وادور واحوس وادوس،ولا القاه واتصلت على الاتصالات
عشان يقطعونه، وبعدها اضربت عن الجوالات الى يومنا هذا وقررت اني اشتري جوال
بهالعطله...
تحياتي هكر قصمنجي ... |
الوضع المتطور
