قبل معركة الاربعاء!! - نادي الهلال السعودي - شبكة الزعيم

مهتم7 · #1 12/05/2014, 04:02 PM

السلام عليكم ...

الجميع متخوف من المباراه وهذا شي طبيعي لانها كرة قدم مالها امان
واكبر دليل ماحصل في الدوري الاسباني والانجليزي عند الامتار الاخيره
من كان يتوقع ان ( الفرق الصغيره) تحرج الكبار !!

بنسبه لمعركة الاربعاء
انا متفائل
لان لاعبينا هالمره غير
ومدربهم سامي خبير في اسيا
لن يخذلونا بأذن لله
بشرط العب بقتاليه وشراسه
والالتزام بتكتيك المدرب
وعدم الاستعجال

واقترح يكون التيفو هالمره على الاعبين الهلال
هم اللي يعملون تيفو على ارض الملعب
((5))

و قبل معركة الاربعاء
بيتن شعر بسم كل لاعب
لكل لاعب قدم مستوى في الفتره الاخيره
الى ان وصل الهلال الى هذه المرحله في البطوله الاسيويه
وان شاءالله يستمرون على نفس المستوى والقتاليه...
,

محاولات

[20]
ياسر ولد قحطان ياخصم العدا
سيفن من سيوف الزعيم وهيبته
العب ولو تخطي سوا قلنا فدا
حاول وخل الخصم يعلن خيبته

[10]
محمد الشلهوب يانسل الاحرار
ياللي على صرح المحبه تمكنت
اليوم يومك الحق الخصم اضرار
ياويل ويله لو لعبت وتفننت

[5]
عبداللطيف اغنم بها وانت غنام
من يجهل ادوارك غشيمٍ وجاحد
نعرفك في وقت المهمات مقدام
وقفتك في وجه الخصم تعتبر حد

[27]
سعود في حضرته تحتار الابيات
كل اسيا تعرف سعود وتهابه
لون الهلال لايق عليه هو بذات
يامرحبا معنا زعيـم وهلابه

[15]
سلامي على اللي مسمينه الزلزال
انا اشهد معه خصمه يعاني يعاني
يستاهل الاشعار وامن القصيد جزال
الوه في وقت الشدايد الو شمراني

[4]
عبدالله الزوري السباح
الخصم قدامه تروغ اقدامه
ياكثر مارجع لنا الافراح
الله يسلمه ويحلي ايامه

[29]
سالم الدوسري حطه على يمناك
صقرنا اللي في المهمه نهده
روح استفزه و اصبر بماجاك
وشله تحدا الصقر ومانت قده

[13]
سلمان سلمان يافنان
الخصم في مواجهك سلم
وجودك والله يعطي امان
خبير وفنان ومعلم

[12]
سلام ياسر ولد شهران
لعييب يا نجمنا لعيبب
جننت خصمك في الميدان
سببت له خوف مع تعذيب

[7]
ابريقادو ياتياقو ابريقادو
العب وسحب وقوه شوت
ناصر وياسر لوعليك نادو
ارسلهم كوره ورد الصوت

[28]
السديري اللي حامي الشبك
هو ولدنا ياللي يحس فينا
لاتقصر ياولد والله معك
قدم ابداعك وذا يكفينا

[32]
يادعيع ياشبل ذيك الاسود
سلم من رباك وسلم عمك
مع دفاع الهلال ذود ذود
العب وبدع ولايهمك

[26]

[23]
[14]
ديجاو وكستيلو وكواك
وحوشن في وقتهم بانو
كنهم يقولون نـفداك
لجل الزعيم تعبو وعانو

[36]
يا خالدالكعبي تفننت في الملعب
ودبي تشهد في حضورك واهليها
شفناك كيف الخصم بمقابلك يتعب
فرصتك جتك اظفر بها لاتخليها

انتهى....

الفريق الاوزبكي لن يستسلم بسهوله وهو خارج ارضه صعب ..

لكن بنسبه لي ثقتي في لاعبين الزعيم كبيره وان الفوز بعون الله بيكون من نصيب الزعيم
بشرط ان يلعبون لاعبينا بقتاليه من اول ثانيه الى اخر ثانيه..
وتوقعي ان الشمراني يسجل هدف من البدايه وبتصعب مهمة الاوزبكين اكثر
ويمتلك الهلال الملعب حتى النهايه والله اعلم...

عدلنا

هلاليه زي القمر · #2 12/05/2014, 04:30 PM

الله يوفقهم مباراة فعلا صعبه اتمنى من الاعبين دخول الملعب والفوز هو الشي الوحيد اللي امامهم

الفكره حلوه لكن صعب تطبق الا اذا الرابطه بتتكفل بهالشي

يعطيك العافية

رهف الجنوب · #3 13/05/2014, 02:22 AM

يعطيك العافيه
وبالتوفيق للزعيم باذن الله
يااخوان ٲبغئ احديعلمني كيفيه الغاء الحساب ضروري
واناممنونه لكم كثير
معليش اخوي فوازاذاشطحت عن موضوعك
اسمحلي

منصور الحارثي · #4 13/05/2014, 02:25 AM

تصدق لر مادخل
في بابنا اي هدف بيستحق
الحارس عبدالله السديري هذي
الابيات
السديري اللي حامي الشبك
هو ولدنا ياللي يحس فينا
لاتقصر ياولد والله معك
قدم ابداعك وذا يكفينا

العنزي الهلال · #5 13/05/2014, 05:02 AM

أبيات تحفز لاعبينا ع التأهل .. بالتوفيق للهلال يا كريم

أبو محمد الأول · #6 13/05/2014, 05:26 AM

شكرا
صح لسانك الله يعطيك العافية
أبشر لاعبينا بإذن الله فايزين

مهتم7 · #7 13/05/2014, 07:12 AM

إقتباس

الرسالة الأصلية كتبت بواسطة بنت الأمير


	يعطيك العافيه وبالتوفيق للزعيم باذن الله يااخوان ٲبغئ احديعلمني كيفيه الغاء الحساب ضروري واناممنونه لكم كثير معليش اخوي فوازاذاشطحت عن موضوعك اسمحلي