سامي الجابر - نادي الهلال السعودي - شبكة الزعيم

هلالي بمالطا · #1 01/12/2013, 07:45 AM

بسم الله الرحمن الرحيم

يا جماعة ترى ازعجتونا .. شيل فلان حط فلان ..
يا جماعة ترى سامي فاز على الشباب فاز على الاتحاد
فاز في سبع مباريات .. صح ان الهلال ما هو نفس
الفريق اللي شفناه في الاستعدادات .. ولكن ترى سامي ماله
مع الهلال الى فترة بسيطة جدا .. صعب تحكم عليه وخاصه
انه جديد في مجال التدريب .. ولازم نسانده والجمهور ما قصر
بس انا كلي ثقة بان سامي لديه الكثير ليقدمه للجمهور الهلالي

مشكلة الهلال في المحاور .. لا تقول الدفاع و لا الحارس
المشكلة في المحور .. لان كل الاندية السعودية ما عنك
احد في الدفاع .. جيب محاور عليهم الكلام وانسى كل الاهداف
والدليل ان هوساوي كان صخرة دفاع .. والحين ما احد درى عنه
والسبب انه كان مساعدة وجود رادوي .. اللي كان يعطل الهجمات
ويساهم في مساعدة الدفاع وابداع الدفاع .. اما الحارس متى ما
كان عندك محور يفتك الكورة او يساعد الدفاع في افتكاك الكورة
لن يفرق معاك الحارس كثير .. او لن يختبر كثير .. والكل سمع
نصيحة الكابتن محمد الدعيع لحارس العروبة .. حينما نصحة
بالبقاء في النادي لسنة واحده على اقل تقدير وذلك ليتم اختباره
حيث ان الحارس في الاندية الصغيرة يجب ان يكون علامة فارقه
على العكس في الاندية التي تملك محاور جباره .. على العموم
في ظل ضعف المحور الهلالي تغير طريقة اللعب لدى الهلال

اتمنى ان تكون التشكيلة الهلالية في القادم حتى بداية الانتقالات الشتوية

4-2-1-2-1

حارس المرمى ما تفرق من يكون لانهم قريبين من بعض بالمستوى
الدفاع يكون من اليسار لليمين ( الشهراني - المرشدي - هوان - البيشي ( ان لم يكن مصاب ) او بدر الدعيع )
المحورين ( محمد القرني - كاستيلو ) وامامهم هرماش يعني تلعب بثلاث محاور ثنين ثابتين وواحد متحرك

الوسط تلعب ( تياقو و سالم )
في المقدمة يكون الشمراني

طريقة اللعب الضغط على حامل الكورة وهذا يبدا من نص ملعب الخصم بوجود هرماش المحور المتحرك بمساعد من نيفيز و الدوسري وقد يساعدهم اما كاستيلو او القرني لزيادة العدد وسرعة استخلاص الكورة مما يشكل خطورة على الفريق المنافس .

في حال بداية الهجمة من الاطراف يتقدم الظهيرين بمساعدة كل من هرماش في اليسار و سالم الدوسري في اليمين و تواجد كل من نيفيز و الشمراني في منطقة الجزاء . فتصبح التشكيلة هنا 4-2-2-2

اما اذا كان الفريق يلعب من العمق راح تكون العب على طريق مثلثات بين كل من هرماش و نيفيز و الدوسري حتى يتم خلق المساحة للاعب الوحيد في المقدمة ناصر الشمراني وهذا يحتاج الى دقة في التمرير ولياقة عالية من لعيبة الوسط
تقدم احد الظهيري في مثل هذه اللعبة قد تفتح الملعب وتجعل الخصم يتشتت ويقلل من رقابة المهاجم فقد نرى الشهراني يلعب ك لاعب وسط ايسر في اغلب الاحيان و يكون البيشي قلب دفاع ثالث مع تواجد المحورين .

اسف على الاطالة وعدم ترتيب الموضوع

تحياتي

اخوكم هلالي بمالطا

هلالي بمالطا · #2 02/12/2013, 10:08 AM

شكرا على الرفع ادارتنا العزيزة

اسطورة نادي القرن · #3 02/12/2013, 10:15 AM

المشكله مش في سامي المشكله في الخطوط الخلفيه والحراسه
الخطوط الخلفيه اقل من مستوى الهلال
لابد البحث على البديل اذا اراد الهلال المنافسه هذا الموسم

هلالي بمالطا · #4 02/12/2013, 10:17 AM

إقتباس

الرسالة الأصلية كتبت بواسطة اسطورة نادي القرن


	المشكله مش في سامي المشكله في الخطوط الخلفيه والحراسه الخطوط الخلفيه اقل من مستوى الهلال لابد البحث على البديل اذا اراد الهلال المنافسه هذا الموسم

اشك انك قريت الموضوع يا الغالي

saad @ s3d · #5 02/12/2013, 10:32 AM

صباح / مساء الخير

والله اتفق معك وكلامك في محله ( هلالي في مالطا) وهذا الصح لكن بأذن الرحمن وانا اخوك نشوف في المباراة القادمة واتمنى كلامك يأصل للإدارة كمنطق وبالعقل كلامك سليم لكن الي يسمع بمباريات الزعيم بيقول غير هالكلام هذا رايي والله يعطيك العافية وسلمت انأملك وموضوعك جداً ممتاز والله يوفق زعيمنا وابوعبدالله بالمباريات القادمة ،،

تقبل مروري يابعدي ..

f90 · #6 02/12/2013, 10:36 AM

مشكور على الموضوع الجميل
اختلف معاك في التشكيله فقط
اعتقد يجب على سامي اللعب لكل مباراة بنهج واسلوب معين
بغض النظر عن الاسماء
لابد الفرق اللي تقفل عليك ملعبها تلعب بطريقه هجوميه مع تأمين المحور وقلبي الدفاع
اما ألعب ثلاث محاور قدام فريق اقل مستوى ما يصير
اتفق معاك في نقطة الضغط على حامل الكره
افتقدناها كثير
اتفق معاك يجب التنويع باللعب من العمق والاطراف لان المباراة اللي راحت جميع اللالعاب من الاطراف
العمق ماحد دخل منه الا فاول سالم الدوسري

أبــوجنــــــدل · #7 02/12/2013, 10:44 AM

سامي الجابر مدرب عنده فكر وعنده حماس والله في بعض اللقطات اقول الله يستر لايدخل يعلم الاعبين كيف يمشون الكورة
اتمنى من الكوتش يفكر بهدوؤء ويلتفت الى الفريق الاولمبي صعد الاعبين الصغار وخل الفرج والعابد يشوفون ان الفريق يحتاج من يخدمه

> امر يحسب له اعادة المدرب الالماني ستامب الى الفريق مرة ثانية <.

حمادالعبدالله · #8 02/12/2013, 10:54 AM

تسلم ياهلالي عين العقل
لكن بتلعب بقلبين+ بثلاث محاور؛ اثنين ثابتين و واحد متقدم
مع جميع الفرق لا أعتقد مناسبة لوجود فرق في أواخر الترتيب.
المشكلة لا توجد روح داخل الملعب!!!!!!!
تقبل مروري.

هلالي بمالطا · #9 02/12/2013, 08:18 PM

شكرا على الردود يا شباب ..

وشكرا على كل الكلام واختلاف الراي لا يفسد للود قضية

سالفة ثلاث محاور صح بس هرماش راح يكون وسط اكثر من انه محور
وراح يبدع في هذا المركز لانه يجيد التمرير بدقة عالية كما يجيد المناورة لاعب للاعب
ويجيد التسديد من خارج منطقة الجزاء التي يفتقدها الهلال هذي السنة حيث لم نشاهد
الكثير من التسديدات على المرمى من مناطق بعيدة وهذا مطلب خاصة ضد من يقفل الخطوط
الخلفية

شكرا مرة اخرى

الزعيم00الهلالي · #10 03/12/2013, 09:57 AM

الزعيم00الهلاليزعيــم مميــزتاريخ التسجيل: 11/01/2007المكان: لا اله الا اللهمشاركات: 1,989ياشباب وش فيكم حنا ماهمنا النتايج قد ماهمنا المستوى، المستوى من بدايه الموسم مافيه تكتيك ماشي عليه الزعيم زي ماعودنا موب الهلال اللي كل من هب ودب وصل للمرمى بسهوله وجاب اهداف عليه شيء لايرضى عليه اي هلالي عاشق للكيان اي شخص عنده نظره فنيه راح يلاحظ الهلال من بداية الموسم موب قاعد يلعب بتكتيك !!!!!!!Share