شغل العصابات** قصيدة ** سليمـان الشدوي - نادي الهلال السعودي - شبكة الزعيم

سليمان الشدوي · #1 21/02/2013, 04:07 PM

بين الفقر /والظلم / والفوضوية
ضاعت (حقيقة )بين زحمة خطــابات

الأمر واضح / والنوايا رديّه
والحُر يفهمها / ولو بالاشارات

اغرب من الكذّاب/ كِذبة خويّه
يفسرالمنطق / بسرد الحكايات

واجهل من المندوب/ راعي الوصية
يطلع على كيفة / يقدم ملفات

جهل البديهيات (صعبة قوية)
وقفز الحواجر/مثل فطع الأشارات

من وصّل (العاطل )على الفيصلية
اوجد بتنظيم القوانين ثغرات

واللي يحبون /الخطا / والخطيّه
إنجازهم من سابع المستحيلات

واللي يدور من زمانه عطيّه
يوكل القايد لأمن المهمات

يجيه مردود الخبر في شويّه
يقضي له الحاجات/ويزيد حاجات

والذات الأكبر بالرقم والهوية
يعمم الأحقاد / ويخصص الذات

الكذب / والتدليس / بالعالميه
له في وجوه الكاذبين / امتدادات

لكنّ مادام العلاقــة قــويه
نظامنا مرحوم/ مرحوم /قد مات

ان التذاكي للعقول الغبيّه
يصنع في الموضوع سبعة فروقات

هذي رياضة / ماتسمى حميّه
لاتدرجوها ضمن / شغل العصابات

قانونها ماهوب / بالعنجهيه
قانونها تُرفع له الأعتبارات

واحنا نغنيها سلام وتحيّه
لرجال الأزرق عاشقين المنصّات

ازرق وضوحه /مثل شمس الضحيّه
وله مع الأمجاد / وسم وعلامات

مادام بالميدان /والنار حيّه
تزيد مابين الخيول المسافات

الكاس من سلمان / احلى هديّه
اربع / وخمس / وبعدها ست مرات

عاشق من أهل الجنوب · #2 21/02/2013, 04:11 PM

صح لسانك

قمة في الابداع و غذب الكلمات

بالتوفيق للنادي الملكي و تحقيق البطولة رغم انف الحاقدين

هلآلي مآركه · #3 21/02/2013, 04:23 PM

‘

صح لساانك ي الشدوي
وبحول الله البطوله هلااليه

’

بن جبله المطيري · #4 21/02/2013, 04:46 PM

صح لساااانگ يااالذيب...

وفااالگ البطوله ٥٤....

SCORPION-KING · #5 22/02/2013, 01:20 AM

إقتباس


	الكاس من سلمان / احلى هديّه اربع / وخمس / وبعدها ست مرات

نقول إن شاااء الله الكأس هلاليه

صح لساااانك مدد بلا عدد

أبــو جــاســر · #6 22/02/2013, 01:45 AM

الشدوي والشعر .. مثل : النصر والعالمية ..!؟

كله غلاك · #7 22/02/2013, 02:42 AM

. ™»•.
صح
صح
صح
صح
السانك وصح كلك
ابداع وتفصيل وسبك وحبك
لافض فوك ياشاعر الزعيم
.•«™ .

ابـgصالح · #8 22/02/2013, 04:50 AM

إقتباس


	ان التذاكي للعقول الغبيّه يصنع في الموضوع سبعة فروقات

صح لسانك واستمتعت بآبياتها
ولكن تصحيح لآستاذ كبير .. وإن كانت وجهة نظر من " جاهل "

قصدك يصنع من الموضوع
مو يصنع في الموضوع

هدوء المطر · #9 22/02/2013, 05:02 AM

صحّ لسانك..... وبإذن واحد أحد ( هلاااااليّه )

حماد الجريح · #10 22/02/2013, 07:28 AM

صح لسانك واستمتعت بآبياتها ممتعة جدا

سليمان الشدوي · #11 14/03/2013, 09:18 PM

إقتباس

الرسالة الأصلية كتبت بواسطة عاشق من أهل الجنوب


	صح لسانك قمة في الابداع و غذب الكلمات بالتوفيق للنادي الملكي و تحقيق البطولة رغم انف الحاقدين

هلا بالعاشق الجنوبي

حضورك هو القمة بذاتها

حياك الله

الغازي الهلالي · #12 14/03/2013, 10:00 PM

من وصّل (العاطل )على الفيصلية ...... اوجد بتنظيم القوانين ثغرات .
الي وصله الراس الكبيرسفيرهم من قبل موت ابيه ..... فزع كريمه من ابو الفزعات وشكر من الخال احمد رد الجميل قبل نهاية البطولات .

قصة انتماء · #13 14/03/2013, 10:09 PM

صح لسانك و يبي لي لسان مثل لسانك عشان أقدر أعبر لك عن مدى إعجابي في القصيدة و فيك كشاعر ..

شكرا لك ..

إقتباس

الرسالة الأصلية كتبت بواسطة أبــو جــاســر


	الشدوي والشعر .. مثل : النصر والعالمية ..!؟

أحسها سبه يا ابو جاسر ..

alz3amh_llhilal_wbs · #14 15/03/2013, 04:09 AM

صح لســــــــانك
بالتوفيق للزعيم الملكي

شــــــــــعارنا دائماً

( يدا بيد من أجل الزعيم )

اللهم وفق الهلال فوق كل ارض وتحت كل سماء

ااابوعبدالله · #15 15/03/2013, 04:23 AM

صح لسانك وعلى شانك قصيده في قمة الابداع وان شاء الله البطوله الاسويه وكاس الملك من
نصيب الهلال الملكي والزعيم الاسوي وفالك بطولات الموسم ويستاهل الهلال القصيده
الكاس من سلمان / احلى هديّه
اربع / وخمس / وبعدها ست مرات