السلام عليكم ورحمه الله وبركاته


كيفكم يا زعماء


لاحظنا في الاونه الاخيره الخطط النصراويه على الزعيم حيث حققت هذه الخطط نجاح كبير للمخطط النصراوي على الجمهور الازرق والتي كانت بدايتها


1-بموضوع احمد الفريدي ( وقع ولا ماوقع ) هذا الموضوع بذات اشغل الهلاليين ثلاثه اشهر وهو موضوع مايستاهل صراح انا رأيي ان وقع الفريدي فخير وبركه وان ما وقع فالزعيم لن يسقط

-والحمدالله بعد ماخلص موضوع الفريدي الي اشغلوا الهلاليين نفسهم 3اشهر ليته وقع.
- وكاان هذا الوقت حسااس جدا للهلاليين فكانت في فترة الانتقالات الصيفيه وكانت الجماهير الصفراء تريد الضغط على الهلاليين بموضوع احمد في هذا الوقت بذات لتلخبط معسكرات الهلال وتعاقدات الاجانب.


2-موضوع سامي واسامه هوساوي حيث قالوا الجماهير الصفراء ان سامي اتى متطوع فاقمت الجماهير الزرقاء ولم تقعد وقالت ايضا الجماهير الاصفراء ان اسامه هوساوي لم يكن بالمستوى المطلوب في اندرلخت وقرر مدرب النادي ابعاده فانتفظت الجماهير الزرقاء فكان من الجماهير الزرقاء ان تفتخر بهؤلاء الكبار امثال اسامه وسامي بتشريفهم خارجيا دون ان تلتفت لتفاهت الصفراء


*الخرووج من الاسيويه


3-طالبوا بخروج عبدالرحمن بن مساعد والذي غير فكر الكره السعوديه فانجرفت الجماهير الزرقاء الى الان بخروجه وانا اقولكم والله ماتحسون بعبدالرحمن بن مساعد الابعد خروجه من النادي رئيس يتمناه جميع الانديه


*جمهور الفئاات


4-هذي الفئه بذاات من اخطر الفئات والتي هي من اسباب تراجع النصر في البطولات وهذي احد موضات المنتدى الهلالي الان جماهير تشجع (ياسر) واخرى (سامي) واخرى (يوسف الثنيان)واخرى (الشلهوب) كل هذي الاسماء قدمت للهلال جهد كبير محد يختلف عليه فمثلا اذا نزل احد الاعضاء موضوع مدح فيه ياسر جائك الي يحب سامي ورد عليه مايصير والله مايصير وانا اتعجب من الي ينزول موضيع يمدحون فيها لاعب يخوي اذا انت تحبه ترى الحب في القلب مو اذا نزلت موضوع عن لاعب يزيد حبك فيه ترى والله تكرهنا في الاعب قسم بلاه انا اعرف بجيني واحد ويقول طيب اسم عضويتك -goool-20 يعني انت من جمهور ياسر ترى الي مسجلني اخووي انا كم مره سويت عضويه وماتفعلت واخت حساب اخوي .


تحياتي لكم

دمتم لزعيم ودام الزعيم لنـــــا

للرفع يا مشرفينا الاعزاء

اتفق معك ان سمو الامير غير فكر الكره السعوديه

بس الانديه استفادت وسبقتك وانت مكانك سر

3-طالبوا بخروج عبدالرحمن بن مساعد والذي غير فكر الكره السعوديه فانجرفت الجماهير الزرقاء الى الان بخروجه وانا اقولكم والله ماتحسون بعبدالرحمن بن مساعد الابعد خروجه من النادي رئيس يتمناه جميع الانديه


ياليت توضحـ وش الفكـر اللي غيـرهـ الامير عبدالرحمن بالكره السعوديه!!!

ياخوان والله واضحه مايبغالها تفسير الامير عبرالرحمن غير فكر الكره السعوديه فهو اول رئيس جااب مدربين على اعلى مستوى واجانب على اعلى مستوى والان الشباب والاهلي يمشون على نفس الخطى مدرب على اعلى مستوى واجانب والدليل نتائجهم

إقتباس الرسالة الأصلية كتبت بواسطة -GoOoL-20 ياخوان والله واضحه مايبغالها تفسير الامير عبرالرحمن غير فكر الكره السعوديه فهو اول رئيس جااب مدربين على اعلى مستوى واجانب على اعلى مستوى والان الشباب والاهلي يمشون على نفس الخطى مدرب على اعلى مستوى واجانب والدليل نتائجهم

آهه .. كذا يعني يكون غيّر فكر الكرة السّعوووديه يا سبحان الله إنجاز غير مسبوق!!!

لا حول ولا قوّة إلا بالله العليّ العظيم ....

إقتباس الرسالة الأصلية كتبت بواسطة قرقور الهلال ومن قال لكـ ان الامير هو اول من جاب مدربين عالممين مرو ع الانديه والمنتخب السعودي افضل المدربين مثل زاجالو وخوسيه كاندي ويوردنسكو وجويل سانتانا والقائمه تطول لكن انت تبي تطبل بس ماتدري وشلون

غير كذا يخوي الامير عبدالرحمن هو اول رئيس نادي ينشأ متجر لنادي وهوه
وخطوته في التعااقد مع الاتحاد الاسباني غير مسبوقه ايضا وبتشوف نتائجها في المستقبل وعن التطبيل اعتبرني اكبر مطبل ترى الوضع عادي معي مافرقت

إقتباس الرسالة الأصلية كتبت بواسطة قرقور الهلال ((اترك التطبيل بس)) اللي تعاقد مع الاتحاد الاسباني بندر بن محمد

يخووي ماشفنااك في الصيف ايام تنصيب الامير عبدالرحمن رئيس لنادي الهلال بالبعكس اتحداك اذا ماكنت فرحاان والحين وبعد مباراه اولساان قلبت على بن مسااعد خلك ولو مره وحده عقلاني

وعليكم السلام

يقولون والا مايقولون اشتغل صح وفكر بالملعب تحصد النتائج

اللي يبغا البطولة الاسيوية يدفع مهرها واولهم اربع محترفين

على مستوى عالي يشيلون الفريق مو لاعب مثل الكوري

لاعب مجتهد مرة فوق وعشرين تحت

ومدافع جاي من اصابه ومنقطع عن الكرة وحتى لو المدرب طلب هذا اللاعب كيف تتم الموافقه عليه

والهلال تعود على اسلوب الفقراويه وغيرهم من الاندية الاخرى من سنوات وهم يحاربون الهلال

وبالنسبه لعبدالرحمن بن مساعد يبقى رئيس الهلال وسنقف معه

وان شاء الله نشوفه بنفس الحماس اللي كان عليه بأول موسمين

لكن صدقني اذا اتكررت اخطاء هذا الموسم بالذات جمهور الهلال قد كون له ردة فعل ضد هذه الادارة

بالتوفيق للهلال ويعطيك العافية

بالتوفيق للملكي انشاء الله

يخططون للهلال ,,وسوف يندمون ..؟؟

,,,لأنهم :
كل ماحفروا للهلال حفرة وقعوا فيها ,, وهذا عقاب من الله سبحانه وتعالى ..
اللهم شتت شملهم ,,واجعل كيدهم في نحورهم وتدبيرهم تدمير لهم ... شكرا لك ع الموضوع الجميل والمميز ..

لو فيه ديسلايك عطيتك على هالموضوع ..

ما وفقت في طرحه يا عزيزي

إقتباس الرسالة الأصلية كتبت بواسطة Hilali 8 لو فيه ديسلايك عطيتك على هالموضوع .. ما وفقت في طرحه يا عزيزي

ولو فيه حذف لردك كان حطيته

لا اشغلونا ولاهم يحزنون
ولاهم كفو اصلا يسوون علينا مخططات
كل الحكايه اننا ماتوفقنا بسبب مدرب فاشل ولاعبين اجانب دون المستوى
ولاعبين محليين مستواهم هابط
وانتهى الموضوع
بس