صار لي فترة ما نزلت مواضيع في الشبكة و اكتفيت كمتابع من بعيد بس اللي خلاني اكتب هو وضع الفريق اللي مايسر و يا خوفي من الجاي!!
بالنسبة للمدرب ياخي:
افضل لاعب في السعودية!!
افضل لاعب سعودي يمتلك مهارات!!
افضل لاعب وسط سعودي بماركة اوربية!!
افضل لاعب يستطيع بحرفنته ان يغير نتيجة المباراة!!
افضل لاعب يجد الحلول!!
من افضل اللاعبين في اسيا!!
افضل لاعب يمكن نشم فيه ريحة بو يعقوب الله يذكر ايامه بالخير!! و هذي مو مقارنة ابدا ابدا ابدا لأن بو يعقوب لم و لن يتكرر في ملاعب اسيا كلها و تبطي عظم قارة اسيا ان تنجب لاعب بربع مهارات بو يعقوب!!
لاعب زي احمد الفريدي يلعب شوط واحد فقط و يستبدل بأمر افضل سباك الماني عرفه التاريخ!!!!!!!
يا ادارة الهلال شوفوا لكم حل مع المدرب فلتة زمانه!! لا تغييرات صح ولا خطة صح!!
انا اشهد ان ال5 اهداف جاءت بمجهودات اللعيبة فقط فقط فقط!!!
مدرب ما غير يناقز وقت الهدف و بعدها يقعد على الكرسي يخربط في دفتره يعني اني المدرب المحترف اللي ادون ملاحظاتي !!!!
::::ـــ على الطاير ـــ::::
- حسن العتيبي يا ما اشدنا فيه و مدحناه يوم تألق بس يا حسن الظاهر ان اخطائك راح تستمر معاك حتى في مباراة اعتزالك
- المدرب المفروض يطلع الشلهوب و يبقي على الفريدي
- المدرب المفروض انه يرجع العربي ظهير ايسر و يخلي الزوري مكانه!!!! الزوري اليوم يفكر نفسه راس حربه صريح!! مخلي جهته مسرح الاخ!!
- المدرب يوم شاف ياسر الشهراني جا لجهة اليسار المفروض يخلي الوسط الايمن يساند نامي لأن نامي لوحده ماراح يسوي شي!! اشياء بديهية و المدرب غافل عنها الحمد لله و الشكر بالله عليكم هذا مدرب؟؟؟؟
- تكتيك المدرب نايم في العسل!! اجل فريقي يتقدم ب5 في الشوط الاول و ماعرف كيف احافظ على النتيجة!! صحيح فزنا ب5 مقابل 4 بس ياخي مو بهالطريقة هذي ان يسجل في مرماي 4 اهداف و انا قاعد اتفرج!! وين حلولك يا مدرب؟؟؟
- و مازال بعض الجماهير يطالب الادارة بإعطاء هوساوي فرصة الاحتراف الخارجي!! يا الحبيب تبي دفاعنا يصير شوربة؟؟؟
- اخيرا .. ليتنا ما جبنا 5