موبايلي والرابطه إلى متى؟ - نادي الهلال السعودي - شبكة الزعيم

الرسمي الهلالي · #1 09/04/2011, 07:06 PM

السلام عليكم ورحمة الله وبركاته

كيفكم ياحلوين

المهم مالكم بالطويله لفت انتباهي دائمآ ماتتكفل فيه موبايلي

بدعم الرابطه وتكفلها بمصاريف الرابطه من الدخول المجاني وغيرها

وهذا شيء حلو من موبايلي

لكن السؤال اللي يطرح نفسه

ليه مافيه احد يتكفل بحضور الجماهير الهلاليه مجانآ

مو هذولي يتعبون ويحضرون ويساندون الزعيم ولولا الله ثم الجمهور ماله طعم المدرج

اللي ابيه لمسة وفاء من موبايلي او الإداره الهلاليه لهذه الجماهير

واعذروني على عدم ظهوري وردي على المواضيع لاني متابع وعضو قديم بس ما اكتب شيء

واتمنى من الاداره رفع الموضوع وشكرآ

عاشق الهلال ومغرمبه · #2 09/04/2011, 07:34 PM

الله يعطيك العاااااااااااافيه
والله جمهور الزعيم يستاهل كل خير

ابـوعزوز · #3 09/04/2011, 07:49 PM

لاوالله خلينا كذا احسن مانبي الدخول مجانا لان جمهور الانديه الاخرى تجي وتخرب على النادي اذا كان مجانا

اللي نبيه من الادارة طلب واحد واتحدى اي واحد من الجمهور يعارضني فيه (فكونا من الرابطه بس )نبي تشجيع جماعي بس
تقبل تحياتي (وجهة نظر)!!!!!

سلطان الشادي · #4 09/04/2011, 07:54 PM

جب رابطه زي الناس وتشوف الملعب مليان

Özil 10 · #5 09/04/2011, 08:21 PM

الله يعطيك العاااااااااااافيه
والله جمهور الزعيم يستاهل كل خير

الرسمي الهلالي · #6 09/04/2011, 10:56 PM

الله يوفقكم

وبجد جمهور الزعيم يستاهل كل خير

عاااد الجمهور اللي يبي يخرب بيخرب لو كان التذاكر بفلوس

لكن لمسه حلوه وتكريم الجماهير بلمسة وفاء

جماهير الزعيم تستاهل كل خييييييير

تــعــ راحــه ــبــك · #7 10/04/2011, 01:08 AM

إقتباس

الرسالة الأصلية كتبت بواسطة ابـوعزوز


	اللي نبيه من الادارة طلب واحد واتحدى اي واحد من الجمهور يعارضني فيه (فكونا من الرابطه بس )نبي تشجيع جماعي بس !

+1

...............................................................................

لبيه وش ذا الحكي · #8 10/04/2011, 01:10 AM

قلنآ قبلك مليووووووووووووووووووون مره لكن من اللي يسمع

ALHLAL! · #9 10/04/2011, 01:19 AM

فكونآ من البطآطي وشوفوا الحظور السنع ,,

وربي الواحد يروح يشجع برواق ؟

ولا ينزعج ويبي ينآم ؟

فكونآآآ منه

الرسمي الهلالي · #10 10/04/2011, 12:25 PM

بجد البطاطي حكايته حكايه

انا من اللي يحضرون ويجلسون بعيد عن الرابطه

لكن الاهم لمسة الوفاء للجماهير

يعطيكم العافيه اخواني الزعماء

عــĐŖــذاب الصمـت · #11 10/04/2011, 01:14 PM

عزيز من كثر حضور الجماهير

كلهم 15 والا 20 الف

لا انا غير مؤيد للحضور المجاني

عشرين الريال ماهي فارقه وبتقولون اللي مايقدر

انا اقولك يجمع ويحضر في الشهر مباراة مباراتين

هذا الدعم الوحيد اللي ممكن نقدمه للنادي

اللي هو فلوس التذاكر .. نقولهم ادفعوا عنا

انا لست معك نهائيا يالغالي

الحايلي 700 · #12 10/04/2011, 01:18 PM

لا اسمحلي انا اكثر واحد ما أؤييد هالحركه

الي صدق يشجع الزعيم يدفع

كفايــه يازمــــن !! · #13 10/04/2011, 03:02 PM

موبايلي وماراح تخلي الدخول بالمجاااان اهم مباراة كانت مع ذوب اهان في الدره وحضرها 68 الف متفرج السنه الماضيه على كثر الضغوط التي طلبت منها يكون بالمجااان لكنها رفضت ...
تبيها تكون في مباراة الشباب ودوري يكون بالمجااان او غيرها من مباريات الدوري

موبايلي شريك ناجح مع الهلال لكن مصلحتها اولا ثم الهلال ..

عوافي

الملكي الهلال · #14 10/04/2011, 03:06 PM

الا وش رايك تاكل وتششرب مجاناً ؟؟
ياخي قول شكراً لموبايلي على البادره الاكثر من رائعة
من تكفل وتكفل
عوووافي اخوووي واتمنى التوفيق للزعيم

هنوفه الهلاليه ~ · #15 10/04/2011, 03:13 PM

إقتباس

الرسالة الأصلية كتبت بواسطة ابـوعزوز


	لاوالله خلينا كذا احسن مانبي الدخول مجانا لان جمهور الانديه الاخرى تجي وتخرب على النادي اذا كان مجانا اللي نبيه من الادارة طلب واحد واتحدى اي واحد من الجمهور يعارضني فيه (فكونا من الرابطه بس )نبي تشجيع جماعي بس تقبل تحياتي (وجهة نظر)!!!!!

انا معاك فالنقطه الاولى

اما الرابطه تنشال فانا مو معك ابد

الجمهور الهلالي ماآآآآآآراح يشجع ومستحيييييل

مع الرابطه ماتفاعلو تبغا لحالهم مستحيل ..

وجه نظر شكرا ..