[مجنون الزعيم(9)]

عادل التويجري
لا أعلم حتى الآن سر تأجيج وتأزيم وتضخيم قضية ما حدث في نزال الشباب والأهلي الأخير. محاورات، ومداولات، ومناقشات بيزنطية، همّشنا من خلالها قضايانا الأهم وركزنا على أخطاء تحكيمية .. مباراة، تكررت، وستتكرر. في بادئ الأمر، ظننتها ردود فعل، وحمّلتها على ذاك المحمل، لكن الأمر تجاوز في المبالغة. حلقة استثنائية (غريبة) جداً في القناة الثالثة، خصصت تحديداً لتلك المباراة! وأنا هنا أستغرب حقيقة من زميلي عادل عصام الدين كيف يسمح بمناقشة أمور جانبية! أهي قلة في المواضيع المطروحة للنقاش؟! ما الهدف من تخصيص حلقة كاملة (استثنائية)، لا حظوا (استثنائية)، لمناقشة ما جرى في نزال الشباب والأهلي؟! ظننتها لوهلة كما لو كانت مباراة نهائية! أو مصيرية! أو ما شئتم من الأهمية! لكنها دورية! وعلى ثلاثة نقاط! الأهلي فرّط في كثير من النقاط قبل نزال الشباب، والشباب كذلك، وفرط بعدها أمام الوحدة! فلماذا الصراخ (الممجوج)!! أما ما جرى في خط (الـ....)، فكان كما قال أحد المشاركين (سخرية)!! سخرية من العقلية الرياضية، وتحميل الأمور ما لا تحتمل! اتصل عليهم نائب رئيس لجنة التحكيم، وعرّى جهلهم! أو إن شئتم، عرّى (ميولهم) الفاضح! حتى أن أحدهم طالبه زملاؤه بـ (التركيز) و(الصحصحة)! لأنه أوغل في لونه حد العمى!

تابعت جل ردود الأفعال، والحديث متشابه، لكن الحقائق غائبة، أو بعضها مغيّب. هجوم شرس على عبد الرحمن الزيد، وإدخال (هلاليته) للوصول إلى مآرب قديمة! وأسأل هنا: ماذا تريدون بالضبط من عبد الرحمن الزيد؟! مثّل الهلال، وما في ذلك من عيب، وحرث الملعب حينما كان حكما، وكان متميزا! لكن هل يخدمهم عدم إعلان رئيس لجنة التحكيم عن ميوله بصراحة كما فعل الزيد، رغم أن جل الوسط المتابع يعرف ميول أبو (ماجد)؟! لماذا لا يعلن عبد الله الناصر عن ميوله، رغم أنه لا حاجة لنا بذاك في ظل عقول لا ترى إلا ألوانها، ولا تسمع إلا صدى صوتها، وتدعي امتلاك الحقيقة! لماذا لا ينبشون عن ميول الرئيس، قبل النائب! وما إشكالية أن يكون الزيد هلاليا، والناصر نصراويا، مثلا؟! هل نحاكم ميولهم أم عملهم؟!

الاتحاديون خرجوا من خسارة مستحقة، وضربة جزاء مطنشة أمام الحزم! فلماذا لم نر ذات الأوجاع والصراخ؟! أين صاحبنا في ذاك (الخط) عن ركلة الجزاء المهدرة للحزم، وصياح علي العايد رئيس الحزم، المستميت ومطالبته بالعدل؟! ظلم الهلال ظلم غير مرة، لكنهم لم يرفعوا عقيرتم ويحاربوا التحكيم (حربا)! كانوا محترمين.. وقورين، حتى في تناولهم أخطاء التحكيم، يتناولونها بأدب جم! فلماذا لا يقتدي القوم برجالات الهلال!

بعد نزال الهلال ونجران، خرج طير نجران الحسن اليامي، وقال كلاماً خطيراً، وأهم من قضايا (الدراويش)! تحدث اليامي من حرقة عمّا يحدث في الأندية المظلومة ماليا، إذ لا رعاية ، ولا أموال (حكومية) على سبيل الإعانة تصل في وقتها، ولا.. ولا ..! تحدث اليامي بحديث لم يجرؤ رئيس النادي في البوح به، رغم أنه أكثر العارفين ببواطنه! إن ما يحدث لنجران والرائد والوطني أهم بمليون مرة من ذاك (الترف) الفكري (المعلب)، وتأجيج الشارع الرياضي بقضايا أسميها هامشية، طالما أنها أخذت حقها كاملاً من ردود الأفعال! فمتى (يركز) .. ومتى (يصحصح) ..!!


نوافذ:

ـ ضاق الخناق كثيراً على الاتحاديين بعد تعادلهم غير (العادل) أمام الحزم!

ـ للحزم ضربة جزاء واضحة كانت يمكن أن تحسم الأمور!

ـ أزعجتهم عودة القناص بهدف، فرد بأربعة!!

ـ مداخلة نائب رئيس اللجنة كشفت مآربهم علانية!!

ـ غضب (رئيس) الشلة، وطالب بعدم ذكر أي قناة أخرى غير قناته!!

ـ يسأل عن مطرف القحطاني مستنداً إلى مصادر مؤكدة !! ومصادره منتديات الإنترنت!!( كيف الحال)!!

ـ غضب من ابتسامة صاحبه، لأن في الأنفس ما فيها!!

ـ الاتحاد دون نور، لا شيء!! لكن ماذا سيفعل نور مع الأخضر!! أتمنى كل شيء!!

ـ مليون علامة استغراب أضعها لعدم ضم الدعيع للمنتخب السعودي!!

ـ الدعيع أفضل حارس مرمى أنجبته الملاعب الآسيوية!! حقيقة!!

ـ .. ومَن يدري يا صديقي.

[جالس لحالي]

اي والله ياآستــآذ عــآدل ,
الاتحـــآد يتعــآدل بظلــم تحكيمــي واضح للحزم .,
ولايتــم التطــرق الى الحكــم بــآي صلــه ..!!
فقــط تخيلــوآ لو انـ الهلال هـــو الطــرف المقــآبل لفريــق الحزم .,
في تلــك المبــآره كيف ستكون رده الفعــل ..؟
الهــلال هالسنــه انهــزم هزيمــه واحــده فقط ,
اتـــت بمهـزله تحكيمـــه حينمــآ الغــى هدف تعـآدل هلالي في آخر الثوآني ,
ومــع ذلك لــم يخرج آدراييــن ولاعبيــن الهــلال ويهــآجموآ الحكــآم .!!
بحــول الله بطـوله الدوري هلاليــه , رغـم التحكيــم السـيء للــدوري !!

[المشهر]

ياحبي لــه هالآدمي وصباحكم زعامه لايليق الا بالزعماء << مايقلــد أبــد ..

مجنون الزعيم(9) يسلموو احلى صباح مع هالمقال الرائع ..

[متكي بشبكة الزعيم]

مقـال أكــثر مـن رائــع للأسـتـاذ عــادل التويــجـري

يعـطيـكـ الصحـه والعــافيه مجـنون الــزعيـم ( 9 )

[z3eem_2011]

ابداع تميز ..

شكراًًًًً

[هلالي القصيم10]

مقال جميل جدا من المبدع

مشكور اخوي ويعطيك العافيه

[ابو طـــــلال]

مبدع دائما الإستاذ عادل ...

حتى حوارة مع الشلهوب كان رائع


متحدث ممتاز .. ومحاور رائع .. وقلم مبدع

شكرا لك مشعل

[سيف النوفي]

صح لسانك وكل كلمة قلتها صحيحة
ابدعت ياعادل الله يعطيك الف عافية

[خوي سامي الجابر]

صح لسانك وكل كلمة قلتها صحيحة
ابدعت ياعادل الله يعطيك الف عافية

[مرور الكرام]

يعطيك العافيه .. مقال مميز كالعاده ..

[ا هـ م 100]

يسعد صباحك وسلمت يداك

يعطيك العافيه

[" أَبُو لارا "]

إقتباس مليون علامة استغراب أضعها لعدم ضم الدعيع للمنتخب السعودي!!

مليون علامة إستفهام إستمرار المدرب الفاشل ناصر الجوهر

..

يا عادل التويجري هذا ديدن الفاشلين الذين يتكلموا عن التحكيم

إقتباس بعد نزال الهلال ونجران، خرج طير نجران الحسن اليامي، وقال كلاماً خطيراً، وأهم من قضايا (الدراويش)! تحدث اليامي من حرقة عمّا يحدث في الأندية المظلومة ماليا، إذ لا رعاية ، ولا أموال (حكومية) على سبيل الإعانة تصل في وقتها، ولا.. ولا ..! تحدث اليامي بحديث لم يجرؤ رئيس النادي في البوح به، رغم أنه أكثر العارفين ببواطنه! إن ما يحدث لنجران والرائد والوطني أهم بمليون مرة من ذاك (الترف) الفكري (المعلب)، وتأجيج الشارع الرياضي بقضايا أسميها هامشية، طالما أنها أخذت حقها كاملاً من ردود الأفعال! فمتى (يركز) .. ومتى (يصحصح) ..!!

لابد نطالب أن تكون لهيئة دوري المحترفين يد لإعادة الأندية التي لايوجد لديها إعلان على ملابسها ..وهي أن تكون هيئة دوري المحترفين إستثمار في هذه الأندية
عرفين أنها بعيدة لكن نتفائل خيرا....

...

شكرلك يا عادل التويجري على هذا الطرح الرائع

[BoOoBoOo]

كلآمك سليم عآدل


الاعلآم يتجآهل بلنتي الحزم

وازعجونا ببلنتي الاهلي ,,


ع العموم


يارب التوفيق يحالف الهلآل ,,

[واسع الخيال]

مقال رائع
وان شا الله الدوري هلاااااااااااالي

[مغاط]

أي قناة ؟؟
والله العظيم حرام نسميها ( مدونة ) !!
يا أخي قروبات على الانترنت !!
ومنتديات .. ماسكينها (طلاب و هواة ) مالهم دخل في التخصص الإعلامي !!
مخلينها من أروع ما يكون !!
وذولا مجمـّعين لي ( عوير وزوير ) وملبسينهم هالخلاقين اللي تسد النفس بزعمهم حياديين !! وليتهم عاد يعطونك ( مادة إعلامية دسمة ) !! وخذ يا تنكيت واستظراف ! أجل بالله فيه أحد يقول ( كان فيه جحا ......... ويكمل النكتة ) وباقي الشباب الكول ميتين من الضحك !!
يا اخي دبرّوا لكم صرفة مع (خالد اللحيدان) !! يا اخي طالبوا ( المنيـّع ) بأنه يعطيكم تاريخ بالهجري ويقول لكم : أنا في اليوم الفلاني أنا بعقل !!
ابحثوا !! دققوا شوفوا من اللي يحط أسئلة ( بدر الفرهود ) !!
(أحمد العجلان ) ما يخلّى بلحاله في برنامج !! والله يا هي هاجتن به !! يا أخي والله ما يعرف !!
طيب (المطيويع) وراه يزاعق !! قد صارحتوه !! ترا ما فيها شيء !! والله يا ابو مشعل ترا شطحاتك بعض الاحيان تسنها خشة (خالد السعيد ) هاللي ماتدري هو يبتسم وإلا واصلتن معه وإلا يكح وإلا مغمض !! أشوف هالبراطم تتحرك ولا أدري وش المضمون !!
طيب ( العرفج ) ليه كذا ؟! يا اخي تكلم فصحى بالعكس راكبه عليك أنت وتجعيدة هالشعر لكن ليه ( تقلقل ) ؟! ليه تضبط الاخر بالشكل !! ليه تجيب كلمات من عصر الدولة الأموية !!
يا زينك يا (عبدالرحمن الحسين ) صح إنك بثر .. والظاهر إنك تنام بالقناة .. ولا به ولا برنامج إلا وأنت مشكّل أساسي فيه !! لكنك أرحم مليون مرة من هالأوادم الموجودة !!
يا اخي ( الحصان حق برنامج سيرة ) أبو الوجه الطفولي أبرأ مخلوق على وجه الأرض .. وينه ؟! جيبووووه والله أنه أرحم من غيره !!
صراحة قناتنا الرياضية باختصار !! ( طقها وألحقها ) ولا بها رجاء !! والمشكلة أنهم يقدرون يتطورون ويخلون عنهم التفلسف !!
وحنا معهم ما راح يقدرون يرضون أحد !! لكن ما نبيكم توصلون لمرحلة الإرضاء !! نبيكم ( تعقلون بس ) !! نبيكم (تبدون تخططون ) !! نبيكم ( تتركون الارتجالية ) !! يا اخي جيبوا ( مستشارين اعلاميين ) !! لا تجييبون مستشارين عشان ما تتعلثون بالدعم !! استضيفوا ( نقاد ) على جلسات متفاوته واسمعوا منهم !! جيبوا الهلالي وغير الهلالي وصفوهم !! ولا تخلون النقاش ( عاطفي و ليه حطيتوا اللون الفلاني وتركتوا اللون العلاني .. لانها دوامة ما راح تطلعون منها ) !!
خلوا نقاشكم يصب في تيار (تطويري بحت ) !! ارتقاء بالمادة اللي تقدمونها للمشاهد اللي دبلتوا تسبده !!
أسئلة من أيام جهيمان !! وش تتوقع النتيجة؟ ومن بيفوز ؟ وليه انت هلالي؟ وليه انت نصراوي؟ ما تستحون ؟!
و وسطنا الرياضي من سيء لأسوأ وأنتم مستقطبين أي واحد راعي تشخيص ومرازيم !! ومركزّين على أمور مالها سنع ومتجاهلين أمور أهم بكثير !! فيه نقص كبير ولو طالبتوا المسؤولين بتوفير دعم !! ورفضوا مع الالحاح والضغط راح يفورون لكم !! لكن بالله وشلون يوفرون لكم وهذا شغلكم اللي تسنه وجهكم !! حتى الشركات مالها خلق تعلن عندكم !!
والله العظيم كنت في واشنطن وكنت جالس مع شخص عربي !! واستغربت انه يكلمّني عن برنامج ( تسعة وتسعين ) !! شوفوا وشلون اذا جبتوا جديد يوصل المشرق والمغرب !! طيب هل استغليتوا فترة هالبرامج بإعلانات مثلا !! هل عرفتوا ليه هالبرنامج ناجح !! لأنه فيه ( تعب ) فيه جهد !! لأن فيه ( اخلاص ) باقي البرامج !! يكفيها تحضير قبل البرنامج بنص ساعة ( جيبوا يحيى مساوي هاللي كارفين والديه ما بقى برنامج عندكم ما صار هو اللي ماسك اعداده) !!

هل تفاوضتوا مع شركات دعاية واعلان تمسك التنسيق والترتيبات !! هل فيه إرسال عروض للشركات الضخمة !! هل عندكم متسشارين ماليين !!
والا جيّدين بغيّر هالخلفية اللي منها !! وامزع صورة مالك معاذ مناك !! وجب ناصر الجوهر هو وطربوشه اللي لولا شحمة الاذن كان حتى عيونه ما نشوفها !!

رسالة للمسؤولين على قناتنا الرياضية :
والله إنكم من جنبها !!

ولا هوب زاين الحال إلا بوجود خبراء إعلاميين معكم !! وبينكم !! أما تصيفقكم لبعض وارتجاليتكم هي اللي تبي تضيعكم !!
تحياتي لكاتب المقالة .. صراحة لامس كبد الحقيقة !!
وسلّط الضوء على نقاط كثيرة مهمة من ضمنها : إقحام الهلال بكل قضاياهم !! والله لو ينشق كفر (باص النصر .. ذاك التسعاوي ) إن يدعسّون الهلال بالسالفة !! لو ينفلق بزر بمسبح نادي الشباب تسان قالوا ( حمادة حق بوفيه الهلال فالقه ) !! وهذي دوامة تعودنا عليها !! ودام فيه هلال (آكل الأخضر و"مخلي لهم اليابس") فما راح يسكتون !!

بالتوفيق وسوري على الاطالة ..