[المنتدى الاستشاري]

فكرة :: سندريلا الهلال
اعداد ومتابعه ::
هلالي من ارض اليمن و الهنوووف
تصميم :: عسيريه

لنا من كل عام شهر فضيل ..
أعاده الله علينا وعليكم وجميع المسلمين بالخير واليمن والبركات
وكل عام وانتم بخير
**][يوميات رمضانية 1429 هـ ♥][ **
لقد عدنا اليكم .. تحملنا الاشواق للقياكم .. ونسعد ان نعيش معكم .
. في سلسلة تحمل بين طياتها يوميات الأعضاء الرمضانية من كل عام ،،،
هذه السلسلة أنتم أهل بيتها ونحن ضيوفا في حضرتكم ،،،

أهلا وسهلا بكم أحبتنا ..
ودعونا نرحب سوية بالمضيف "الثالث عشر"
المتميزة" ..بقــ حرف ـايا.."
لكي تحكي لنا احداث يومه مع شهر رمضان المبارك ..

السلام عليكم ورحمة الله وبركاته ..

كل عام وأنتم بخير ..

حياكم الله في يومياتي .. ابسطوا وأنبسطوا بس انتبهوا لا تنامون .>> طراه انها بالحيل تونس
من كثر ماكنت شفقانه على يومي جت عكسية فاتت نفسي ينطبق علي اللي قول ( إلا أنا من لهفتي ماجيت رحت )

هذه اليوميات برعاية (( ليتنا من حجنا ساليمن بس))
بدأ يومي من أمس وقت المسابقة شيل وحط حنا والبنات << من هالمنبر اقولهم فرصه سعيده اللي شفتكم بها

كنت جالسة بالحوش وريما فوق وتحذر وتنبة انتبهي للسؤال الخامس وأنا وقتها مره بيزي بس لعيون السحالي نمسك السؤال الخامس ونبدأ والله ندهر عاد يوم طلع لنا سؤال عن مجلة عالم الزعماء وتصافق وجيهنا انا واختي خخخخخخخخ

تقولي مجلة الزعماء حقت خالي ولا وش هي قلت لها تسأليني أنا أنا حدني مجلة باسم الصغير .. وادق ليز تنبية استملي سؤال المجلة ما ادري وش هو ومن الحماس اصرخ لريما اقوله 11 بسرعه علميهم الجواب وأخرتها مستلمين حنا وحتى ظلالي هلالي سؤال واحد خخخخ اثر الجذع قايلين لها لتس السؤال الأخير .. وطلع نكبة ما فيه الا خمس أسئله
وبعدها استلمت سؤال الجاحظ وجوجل هانم ماقصر معي

المهم والله نمنا وحنا ننتظر الاجابة ونهز نتتظر بنرقص دحه جماعية ههههههههه

بعدها جلست انا وريما نكمل تصميم خاص لمسابقة بمنتداها

بعدها باقي شوي ويأذن وأنا ماتسحرت سويت لي سمبوسه وفيمتو وكملت مسن الين أذن وصليت الفجر وكملت حفظ القرآن وبعدها ناظرت مسلسل أبلى نورة بعدها أتجهت الى مخداتي العزيزه ..

على غير عادتي بالعادة أنام 9ونص أو عشرة بس اليوم دايخة نمت نومة عنقاء بالمصلخ
الين صلاة الظهر مايحتاج نشرح طريقة التقويم المكيف والهواش وكلش
اهم شئ صلينا يمكن انها ثلاث ركعات
الله يرحمنا بس الصلاة نصها نوم وأرجع الى مخداتي العزيزات
بس ياشين ذا النوم طار واقعد احوس مره راسي بمكان رجولي

ومره العكس اليييييييين خمدت ونعاود الكرة مع صلاة العصر ونرجع نكمل شوي وبعدين صحيت ونزلت أشوف الأوضاع الامنية للمطبخ كلش تمام يعني مالي داعي وأروح وأكمل حفظ قرآن وأحوس بالمطبخ أسولف ولا أشوف وأتفرج اجتمعنا وأفطرنا فطورنا كل شئ مع بعض مره وحده يعني
اكلت تمرة وكأس فيمتو وصليت وقريت ورجعت أكمل

وبعد كذا رقيت فوق نناظر عيال قريه وسماجة القصبي والدلخة السدحان
والله يا لولا عبدالإله السناني ماناظرتها لبى قلبه اليوم
وبعدها ناظرت مقدمة بيني وبينك بس أشوف لقطة أولفت

وبعدها صلينا التراويح وأشين شئ لما تصف بالصلاة جنب أحد دلخ ياربي ذا البنت ماخلتني أصلي مرة تاكل أظافرها ومره تسوي طرحتها ومره تتطق أصابعها ومره تصقعني بكوعها ومره تسحب عبايتي وش تبين >> اعتقيني ياشيخه
قمت وغيرت مكاني على قولتهم أترك الداب وشجرته

بعد التروايح جيت وناظرت باب الحاره وبعدها طلعت بروح للبنك وبجيب عبايتي من المحل

طلع البنك مسكر .. ياعليهم وقت للدوام بالله من بيروح يقاحرهم بالشموس
أخذت عباتي ورجعت للبيت .. بعد العشاء ارسلت صديقتي اخوها عاد ماشاء الله سمين جاء ولد أختي عمره 5 سنوات عطاه الغرض ورجع لنا يقول هذا غشمشم
<< والله ياتسدحنا ضحك ..

وبديت أكتب لكم عين تناظركم وعين تناظر هلالي من أرض اليمن وخايف سوري ع التأخير ..
معليش ع اليومية تجيب النوم بس من جد ماكنت بالفورمة أبداً

كل الشكر على إختياري ويعطيكم ألف عافية الشكر لمن مرعلى المتصفح ..

كل الشكر
للمتميزة**][ " ..بقــ حرف ـايا...♥][ **

وانتظرونا غداَ مع
المتميز.الظاهرة

أرق التحايا وأطيبها من
مشرفيي واستشاريي
المجلس العام

[F I N A L]

أهلاً وسهلاً بقايا حروووف .,

بسرعه خلصت القرأه << نسيت يومكـ, ^_^.

يومكـ, رائعـ,

وأبشركـ, ما نمت وأنا أقرا يومكـ,




بقايا حروف والإستشاريين والمشرفين
ورده

[DR.KHALID]

بقايا .. يومك أسرع يوم ..

أحد دلخ ياربي ذا البنت ماخلتني أصلي مرة تاكل أظافرها ومره تسوي طرحتها ومره تتطق أصابعها ومره تصقعني بكوعها ومره تسحب عبايتي وش تبين >> اعتقيني ياشيخه
قمت وغيرت مكاني على قولتهم أترك الداب وشجرته

خخخخخخخخخخخخخخخخخخخخخخخخخخخخخخخخخخخخخخخخخخ

هذا الله يسلمتس يسمونه التلزق

يعطيك العافية على اليوم التحيف


بانتظار الظاهرة

[حتى ظلالي هلالي]

هلا والله وغلا بالبق بق

إقتباس ينطبق علي اللي قول ( إلا أنا من لهفتي ماجيت رحت )

وشو ذا القول الي مدري وش أولهـ من آخرهـ

إقتباس من هالمنبر اقولهم فرصه سعيده اللي شفتكم بها

أنا اسعد

إقتباس نمسك السؤال الخامس ونبدأ والله ندهر عاد يوم طلع لنا سؤال عن مجلة عالم الزعماء وتصافق وجيهنا انا واختي خخخخخخخخ تقولي مجلة الزعماء حقت خالي ولا وش هي قلت لها تسأليني أنا أنا حدني مجلة باسم الصغير .. وادق ليز تنبية استملي سؤال المجلة ما ادري وش هو ومن الحماس اصرخ لريما اقوله 11 بسرعه علميهم الجواب وأخرتها مستلمين حنا وحتى ظلالي هلالي سؤال واحد خخخخ اثر الجذع قايلين لها لتس السؤال الأخير .. وطلع نكبة ما فيه الا خمس أسئله

ههههههههههههههههههههههههههههههههههههههههههههههههه
لا تذكريني
يعني بالعقل احد يقال له لكـ السؤال الاخير
ولا يقال له وش رقمهـ
وش تبينهـ يسوي

انا عكستس يوم شفت السؤال فرحت مرهـ
قلت والله فلهـ دام هذا سؤالي

ولا عادة على هالسؤال
طلعت جوابهـ من هنا
وقفلت معي الشبكهـ من هناكـ
من امس توها تفتح معي
طول المسابقة وانا مبلشهـ البنات انسخوا لي وش قالوا ووش صار

إقتباس المهم والله نمنا وحنا ننتظر الاجابة ونهز نتتظر بنرقص دحه جماعية ههههههههه

أحسن من الي اهلهـ موقفين السحور على حساب المسابقهـ
لو يدرون اني خسرت ان يلعنون ابو جدي
حتى لو كان ما أذن ولحقوا ياكلون بس كذا اسم هوشهـ

إقتباس وبعد كذا رقيت فوق نناظر عيال قريه وسماجة القصبي والدلخة السدحان

أنا على خبري القصبي هو الدلخ
بس اقسم بالله انهـ فله
لو ما انهـ نصراوي وإلا كان يصير فلهـ

إقتباس والله يا لولا عبدالإله السناني ماناظرتها لبى قلبه اليوم

إقتباس وبعدها صلينا التراويح وأشين شئ لما تصف بالصلاة جنب أحد دلخ ياربي ذا البنت ماخلتني أصلي مرة تاكل أظافرها ومره تسوي طرحتها ومره تتطق أصابعها ومره تصقعني بكوعها ومره تسحب عبايتي وش تبين

أحسن من العجوز
مب عجوز عجوز
يعني مره كبيرهـ (شوي)
واذا جلست طاحت لمي
وإلا سجدت كوعهـ ببطني
والمصيبهـ اذا كانوا من هالنوعيهـ يمينكـ ويساركـ
أصير عود كت كات

إقتباس طلع البنك مسكر ..ياعليهم وقت للدوام بالله من بيروح يقاحرهم بالشموس

البنكـ يالذكيهـ مايفتح إلا من 10 الصبح إلى العصر
وش بيسوون لكـ بالليل

حتى هم حرام عليكـ بيون يرتاحون بالليل بعد
<< مستعطفهـ مع موظفين البنوكـ لآخر حد



يالبقهـ
يكفي يومتس انهـ جاء فيهـ اسمي
عشان كذا تطمني طالع حلو

إقتباس وانتظرونا غداَ مع المتميز.الظاهرة

ننتظر ..!!
ورده



المشرفين والاستشاريين
شكراً لكم ورده

[k3ak3]

إقتباس وبعدها ناظرت مقدمة بيني وبينك بس أشوف لقطة أولفت

<<< حتى انتم خاقين معها الله لايلومك يابو ناصر

إقتباس وبعدها صلينا التراويح وأشين شئ لما تصف بالصلاة جنب أحد دلخ ياربي ذا البنت ماخلتني أصلي مرة تاكل أظافرها ومره تسوي طرحتها ومره تتطق أصابعها ومره تصقعني بكوعها ومره تسحب عبايتي وش تبين

زين ذي ياحليله ماجى جنبك واحد يطلع انواع الاصوات بريحة شوربة الكراعين


الله يسعد أيامك ويتتم لك حفظك لكتاب الله اللهم آمين



تحياتي







آمل تغيير يوزري ل ((k3ak3 )) خعاخع الطلب صار له شهرين

[مدمي الشباكـ]

السلام للمتميزه بقايا حرووف



أحد دلخ ياربي ذا البنت ماخلتني أصلي مرة تاكل أظافرها ومره تسوي طرحتها ومره تتطق أصابعها ومره تصقعني بكوعها ومره تسحب عبايتي وش تبين >> اعتقيني ياشيخه
قمت وغيرت مكاني على قولتهم أترك الداب وشجرته

ماشاء الله عليكـ تحملتيها كم ركعه؟


وفي الختام بااي

[الـمـشـاغـب]

يومية سريعة وجميلة ورده

وهارد لك الخسارة من الفريق الأسطورة : " الشسمه "

شكراً لك على اليومية ورده .. والشكر للقائمين على هذه اليوميات من خلف الكواليس

[بنت عز ماتنهز]

اهلين بقايا

نورتي اليوميات

اما اللي جنبك بالصلاه شي انا صارلي موقف ان اللي تصلي جنبي كانت كبيره بالحجم فلما قمنا من السجود جلست على رجلي بغيت امووت من الالم وربي شوي واصيح وهي ماحولك احد بالعكس حتى ابطت ماسلمت

كاني فهمت انك شريتي عبايه جديده تلبسينها بالعافيه


فكرة :: سندريلا الهلال
اعداد ومتابعه ::
هلالي من ارض اليمن و الهنوووف
تصميم :: عسيريه











كل الشكر لكم والله يخليكم لعين ترجيكم

بانتظار الظاهره

[فجر الرياض]

هلا بقايا

إقتباس بدأ يومي من أمس وقت المسابقة شيل وحط حنا والبنات << من هالمنبر اقولهم فرصه سعيده اللي شفتكم بها

حنا اسعد

إقتباس قمت وغيرت مكاني على قولتهم أترك الداب وشجرته

هذا احسن حل تغيير المكان لأن اللي كذا تشغلك ماتخلي لك فرصه تخشعين


بقايا حرف
يعطيك العافيه يوم سريع وحلو

بإنتظار الظاهره ورده

إقتباس أرق التحايا وأطيبها من مشرفيي واستشاريي المجلس العام

كل الشكر ورده

[الهنوووف]

وعليكم السلام ورحمه الله وبركاته

هلا بالي احسن من اختها هلا باخر العنقود

غريبه مهيب عوايدك ورى اليوميه قصيره
بس ريري خانوم سوت الازم دبلت يومياتها عنتس وعنها


مير انكم حمستوني بالجماعي والتسابق لحل الاسئله
اخاف اتحمس وانسخ لكم الاجابه من زود الذهانه

اهم شي النظره الخطافيه على الاجواء بالمطبخ

اوف ذكرتيني بالي يجلسون جنبي
بالحرم جلست جنب حرمه وعيالها صغار كثيرين
انواع الدوران ويدخلون بينا ويطلعون ومطامر بغيت اسلم واجلدهم واكمل صلاتي
اشغلونا والله
مشكله رمضان بالحريم الي تتعشى وتجي المسجد مايحتاج اكمل

اما ولد اختك وغشمشم هههههههههههههههه ياحبي له عساه ثيمو
\

/
يعطيك العافيه بقبق على هاليوميه السريعه وماتاخرتي ولاشي
اوخيتس الي سببت لي ازمه بس مايحتاج اقلقلتها بالجوال الله يسلمني
مير اني خايفه منتس بس طلعتي جدعه

فيساتك تجنن >>>مستانسه تنسخ
ايه نسيت بقول شي
بكره سوي لك طبق والا حلى
ترى ريري مهيب دايمتن لكم >>>>>>>ماخذه مقلب قوي ان ريري تطبخ


بانتظار الظاهره تراه مو محمد بن فيصل

الهنووف
كانت

هنا

ورحلت

[مـن نـظـرة حـبـيـتـك]

وبعدها صلينا التراويح وأشين شئ لما تصف بالصلاة جنب أحد دلخ ياربي ذا البنت ماخلتني أصلي مرة تاكل أظافرها ومره تسوي طرحتها ومره تتطق أصابعها ومره تصقعني بكوعها ومره تسحب عبايتي وش تبين >> اعتقيني ياشيخه
قمت وغيرت مكاني على قولتهم أترك الداب وشجرته [/quote]


هنا اكبر أكشن باليوميه

واشين شي يصير بالصلاه الشي هذا

ولولا احترام الصلاه كان سويت مع اللي كذا اكشن بوسط الصلاه

يعطيك العافيه على اليوميه

[رعبوبة الزعيم]

هلا والله وغـلآ بالبقه

اما المسابقه امس قسم بالله توتر وحرق اعصاب
بس استفدنا من المسابقه شي واحد..اللي هو انا صرنا يد وحده وتعاونا مع
بعض ضد التماسيح
الله يحفظنا

بس من جد نمنا وقمنا وبالموت طلعت النتايج
الله يعطيهم العافيه..

تسلمين بق بق ..

يوميات حلوة

الله يعطيك العافيه ..

[فنون هلاليه بجنون]

وعليكم السلام وأنتي بصحه وسلامه كأنه بدري

أهلا ً وسهلاً بقبق

إقتباس سويت لي سمبوسه وفيمتو وكملت مسن

ياويل قلبي حتى السحور فيمتو ترى كله أضرار صحيه
لو يقرأها الواحد ماشربه
<< من إلي يتكلم
بس أنا على الأقل مااشربه غالبا ً إلا على الفطور وباقي أفراد العائله يشربون عصير طبيعي صحين بسم الله عليهم
يرحم حالي أنا وأختي

إقتباس وبعدين صحيت ونزلت أشوف الأوضاع الامنية للمطبخ

هذا حالنا حدنا الأشراف على الأوضاع اليوم أوبالأصح أمس داخله خمس المطبخ ودي اسوي شيء آخر شيء صفيت على بشر جبنه وطلعت ولو بدخل بدري
بدري يعني اربع العصر يوم شافتني أمي قالت لا إله إلا الله وش مقومك

إقتباس وبعدها صلينا التراويح وأشين شئ لما تصف بالصلاة جنب أحد دلخ ياربي ذا البنت ماخلتني أصلي مرة تاكل أظافرها ومره تسوي طرحتها ومره تتطق أصابعها ومره تصقعني بكوعها ومره تسحب عبايتي وش تبين >> اعتقيني ياشيخه قمت وغيرت مكاني على قولتهم أترك الداب وشجرته

هههههههههههههههههههههههههههههههههه
ياكثر الدلوخ اللهم أني صائم بس بجد المسجد انواع واشكال خلق الله وعوار رأس يشغلون الواحد وخاصه هالسنه زحمااات مع الأجازه مافي زي الصلاة بالبيت بس مشكله إلي عود أهله لو مابصلي يوم مثل أمس قلت بصلي بالبيت قالو أخواااني استغفر الله كأني مصلحه جريمه قلت وش تحسون به ترى صلاة المرأه ببيتها أفضل قالو ولو .........محاضره وآخرتي اقتنعت أصلي بالمسجد

و صار جنبي عجوز أشغلتني بحياتي كل ماخلصت تسليمه التفت علي قالت لي خلص ؟ قلت لاااااااااا قالت : هآآآآآآآآآآآآه قلت باقي
يوم خلص الثانيه التفت علي وقالت خلص ؟ قلت لاااااااا باقي تسمليتين قالت : هااااااااااه .......
يوم خلص الرابعه قالت خلص ؟ قلت في نفسي لاحول ولاقوة إلا بالله قلت آيه بس باقي الشفع والوتر
قالت خلص يعني ؟ قلت لااااااااااا باااااقي شفع ووتر قالت وشو ؟ يااااااااربيه :
dقلت باقي دعاء كبر الأمام وأنا اشرح لها يا قليبي هي تعبت يمكن وكل يوم لابد من مواقف وشرح
لخلق الله اوخس يا العالمه


كاني طولت بالله بسم الله علي منفتحه اليوم وأذ انفتحت مفروض ماامسك الكيبورد
يعطيك الف عافيه قلبو على اليوم الخفيف مثلك وحتى أنا كتبت يومي معاك من طول ردي
سلمي بقبق على المفتي سلام كثير لاتنسين

لك ودي
فنوووون

[Canada's gallant]

أنا بصراحة مبسوووط من يوميتك

مو عشان الأشياء اللي فيه .. لا بس عشاني قدرت أفهمك بلهجتك العامية

أسلوبك الفكاهي ممتاز بصراحة

يعطيك العافية و بانتظار ما يفجره لنا الظاهرة

[بـنـ**الزعيم**ــت]

هلاااا وغلااا بقبق
يوم مختصر وحلوو عواافي

ههههههههههههههههههههههااااي اجل غشمشم الله يرجه
بااحبيله << لتس وله ولريري

مشرفين واستشااريين المجلس الف شكر لكم