[الانتر@الانتر]

هاردلك يا شباب

تخاذل ,, استهتار ,, عدم احترام للخصم .... الخ من اللاعبين اليوم

شئ غريب وكأنهم يلعبون في تمارين وما كأنها مباراة في الابطال ومباراة تضمن الصداره وتريح

يعني من مباراتين كنا نقدر نفوز ونريح ونلعب على راحتنا في الدوري والابطال

فيجو ... الله يقلع وجهك ومن لعبك ,, بالله ذا لاعب

عمره 36 وشلون تلعبه يا مورينهو وهو بذا السن وتوه راجع من اصابه .!

لا ويطلع مونتاري ويطبب الفقاعه ويخلي فيجو .!! وضيع علينا الوسط

ثم لعب بثلاث روس حربه وجناح الين دخل فينا الهدف

ثم عقبها قعد بكامبياسو وسط وحيد يوم طبب بالوتيللي .!!

وين الوسط .. وين فريقنا اللي قدام اليوفي

شئ موب منطقي انك مباراة تلعب بتكتيك ممتاز ثم تغيره عشان تثبت امور شخصيه .!!

عموماً الحمدلله ان مجموعتنا سهله وما زلنا متصدرين والا لو كنا في مجموعه قويه كان وضعنا اسوء
المباراة الجاية مصيرية وان ما تصدرنا فهي كارثة

[J o S e]

انتبه لا يطق فيك عرق !

خلاص هذا نفر في خراب لازم غير

مورينهو عنيد .. صدقوني بيلعب 4-3-3 في المباراة الجاية و قولوا احمد قال

انا انتظر التصريح اللي بيقول فيه موري .: لقد لعبنا جيداً و لكن أضعنا بعض الفرص

حتسي موري لا خسر ما يتغير .. هـآردلك شباب و تصبحون على خير

ورده

[إبتسم ... فأنت هلالي]

إقتباس الرسالة الأصلية كتبت بواسطة الانتر@الانتر فيجو ... الله يقلع وجهك ومن لعبك ,, بالله ذا لاعب عمره 36 وشلون تلعبه يا مورينهو وهو بذا السن وتوه راجع من اصابه .!

يالغالي .. فيــغو ماله ذنب ولا تشرهـ عليهـ .. الشرهه على مورينهو .. لاعب راجع من إصابة .. وأول مبارة يلعب أساسي .. !!

وبإنتظار عودة المستوى الحقيقي للــ { المــلكـ } ..

[ThE SpEcIaL OnE]

إقتباس الرسالة الأصلية كتبت بواسطة الانتر@الانتر لا ويطلع مونتاري ويطبب الفقاعه ويخلي فيجو .!!

بالله أنت شايف مباراة الانتـر ولا تشلسي ؟!
أجل كوري فقـآعه !
وينك قبل لا بيجي ليـه ماقلت انه فقاعه !؟
يبوي ذا اللي مب عاجبك يوم طب حرك ام الوسط ونشط الجهه اليسرى" الميتـه " بس انت أحسب كم عرضيه عرضهـا صحيحه وتمر مرور الكرام من قدام المهاجمين !

وش تبـيه يسـوي ؟!
والمشكـله معجبك مونتاري ، مونتاري حتى بمتش اليوفي كان سيئ الشوط الاول والشوط الثاني تحرك وزبط وسجل ، مونتاري بـ الدور اللي حاطه مورينهو لـه يراقب ليفيراني ثم سيسيكو ثم سيماو نجح في الاول والثاني فشل في الثالث وصار عقم هجومي يعني لا دفاع ولا هجوم استفدت منه ! لأنه مب ذاك اللي يصنع اللعب !


طيـب ليـه ما أنتقـدت بالوتـالي !
ليـه ما أنتقـدت أبـرا !
ليـه ما أنتقـدت مايكون !
ليـه ما أنتقـدت ادريانو !

إقتباس شئ موب منطقي انك مباراة تلعب بتكتيك ممتاز ثم تغيره عشان تثبت امور شخصيه .!!

ياليت تقولنـآ وشهي الامور !؟

[الكرة الهلالية]

,,



أول مره اشوف فيجو يوقف مع واحد في الركنيه الي علينا !
يعني لا ارتقاء ولا جسم .. على وش ماسك واحد !

انا اتكلم عن هدفهم .. الاعب الي ضرب الكوره بالراس كان مرتاح لان فيجو ماسكه ! ,, المفروض فيجو يكون قدام وواحد من المهاجمين يمسك البثر الي ضربها

[Ƭ έ ν ά ツ]

اذا تـعرض الفـريق لنكسـه شبـوا أعضاء الرابطـه على أدريانـو .. !!

بالله شوفـوا ابرا وش سو ولا صح نسيــت هــذا فوق النقــد .. !!

[the wolf 2008]

بصراحه شي غريب مايحصل للانتر

فوز واداء رائع في مباراه وبعدها بأربع ايام اداء سيء وخسارة من فريق عادي

صحيح ضمنا التأهل لكن لايمكن بهذا المستوى تقديم شيء في الادوار النهائية

اداء سيء من الاعبين واستهتار الى ابعد الحدودروعدم احترام الفريق الخصم وايضا المدرب يعاند على بعض الخطط والتغييرات

اتوقع ان الاعبين كانوا في سبات عميق وبالذات لانهم شبه ضامنين التأهل وماتوقعوا الفريق اليوناني انه يسجل

ونرجع ونقول ونتكلم ياجماعه صانع اللعب الفريق يعاني من هالمركز مدري كيف بتفوز ببطولة الشامبيونز وانت ماعندك صانع لعب حقيقي

يعني هاذهي دايما فريق يقفل لعب امام الانتر ويلعب للدفاع خلاص فريقنا يضيع ويصير توهان في الملعب ونضيع

التحرك لازم يجي في يناير لكن مو مدافع او مهاجم نحتاج لاعب وسط يصنع اللعب ويحرك الفريق تعبنا من الاداء الهجومي السلبي واشراك اربع او خمس مهاجمين

والله الخساره ترفع الضغط لكن ماتمنى انها تأثر بشي لان امامنا مواجهه صعبه جدا امام نابولي والخطأ فيها ممنوع ولابد من الفوز

صراحه شي يرفع الضغط والواحد مايدري شيقول على هذا المستوى والنتيجة المخيبة للامال

[إبتسم ... فأنت هلالي]

تقييم اللاعبيــن من موقع " قول " :

Julio Cesar 6;

Maicon 6 , Cordoba 5.5 , Materazzi 6.5, Maxwell 5.5

(75' Cruz 6); Zanetti 5.5, Cambiasso 6, Figo 5.5 (72'

Balotelli 6), Muntari 5 (46' Quaresma 6.5); Ibrahimovic6
Adriano 6.

All: Mourinho 5.5

[الانتر@الانتر]

إقتباس بالله أنت شايف مباراة الانتـر ولا تشلسي ؟! أجل كوري فقـآعه ! وينك قبل لا بيجي ليـه ماقلت انه فقاعه !؟ يبوي ذا اللي مب عاجبك يوم طب حرك ام الوسط ونشط الجهه اليسرى" الميتـه " بس انت أحسب كم عرضيه عرضهـا صحيحه وتمر مرور الكرام من قدام المهاجمين ! وش تبـيه يسـوي ؟! طيـب ليـه ماأنتقـدت بالوتـالي !

^^

طب وحرك الوسط !

انت ما تتكلم عن لاعب عادي

انت تتكلم عن لاعب كنا نأمل عليه كثير وشارينه بـ 30 مليون

وفي الاخير عشان يحرك الوسط .!!

خلك منطقي شوي

بالوتيللي 18 سنه ما تكلفه بشئ فوق طاقته

اما هذا ليش انا جايبه بـ 30 مليون ؟!!

[@mohammad@]

الخساره سببها ادريانو .. الله يعلنه ذا الكديش مسوي في امها بانتشل الفريق وبقدم المساعده وراح اشكر مورينهو على الفرصه !!

والمشكلة يجي واحد ويقول ليش يامورينهو ماتستدعيه خخخخ يلعن شكلك وش دخلك تحاسبه

معليش ياقريت انتر اطلع من راسي

كروز اطلق منه بمليون مره وخصوصا اذا لعبت قدام فرق تقفل

شفنا تفاهمه مع ابرا لما دخل وشفنا تحركات مزعجه وتمركز وفرص انما وش .. بالعربي شفنا انتر اخطـر .. مهوب سـ ابين لمورينهو انني اقدم الدعامه للفريق .. و ماشفا شيء


والبكستاني لاعب يعتمد عليه بصراحه يمشينا الين نجيب دروقبا

المهم ادريانو ذا معووق وأكبـر حمار بالفريق لازم بالشتويه يروح اليوفي


يمين ان العنبر اطلق منه خخخخخخخ

[الانتر@الانتر]

إقتباس ياليت تقولنـآ وشهي الامور !؟

يعني لازم اشرح لك .!

قصدي انه يبي يثبت للطليان وللعالم ان تكتيكه هو الصح

ويبي يرد على منتقديه .. عشان كذا يلعب به الين يضبط

واخشى انه على حساب الفريق

وبأذكركم بتشوفون تكتيك مشابه لتكتيك مباراة اليوفي ضد نابولي

لأنه فريق كبير وما يمديه يلف ويدور والفوز فيها ضروري جداً

ورده

[ThE SpEcIaL OnE]

إقتباس الرسالة الأصلية كتبت بواسطة الانتر@الانتر يعني لازم اشرح لك .! قصدي انه يبي يثبت للطليان وللعالم ان تكتيكه هو الصح ويبي يرد على منتقديه .. عشان كذا يلعب به الين يضبط واخشى انه على حساب الفريق وبأذكركم بتشوفون تكتيك مشابه لتكتيك مباراة اليوفي ضد نابولي لأنه فريق كبير وما يمديه يلف ويدور والفوز فيها ضروري جداً ورده

هو بنفسه قال !

إقتباس س/ عند قدومك للانتر صرحت وقلت أنني مكروه من قبل الطليان . بعد الفوزعلى اليوفي هل تغيرت النظرة ؟

إقتباس يضحك ويقول هذا الاسبوع رائع ولكن لا أدري كيف ستكون النظرة بالاسابيع المقبلة ، جماهير ايطاليا نفس جماهير البرتغال اذا استطعت أن تحقق الفوز فيرفعونك حتى تصل الى السماء وفي حال الخسارة ستذهب الى الجحيم فورا

.

.
زمورانو !

[الكرة الهلالية]

,,

@mohammad@

.. يالله ان تحييه

إقتباس مدري أنا يوم خلصت المباراة قال المعلق بقناة سكاي أنه مورينهو خسر رقمه و من 2002 يمكن هو ما خسر بالدوري و التشامب ! << العن والديه يا ليت أحد يجيب لنا الخبر من حقين تشلسي

هلا والله ابو عابد

برشلونه فايز على تشلسي في ارضه قبل كم سنه .. يعني الرقم اتوقع زي ماقال سعد في الدوري ..

[ThE SpEcIaL OnE]

إقتباس الرسالة الأصلية كتبت بواسطة الانتر@الانتر ^^ طب وحرك الوسط ! انت ما تتكلم عن لاعب عادي انت تتكلم عن لاعب كنا نأمل عليه كثير وشارينه بـ 30 مليون وفي الاخير عشان يحرك الوسط .!! خلك منطقي شوي بالوتيللي 18 سنه ما تكلفه بشئ فوق طاقته اما هذا ليش انا جايبه بـ 30 مليون ؟!!

أول شي من قالك أنه بـ 30 مليون ؟!
هو بـ بليـه + أربع وعشرين مليون والستـه الباقيه دفعه أخيره بعد ثلاث سنوات يعني اذا تأقلم ولعب ع الاقل ثلاث مواسم موسمين مب زيك من كم مباراة لـه حكمت عليه حكم نهائي !
وانـه خلاص لو إيش ماسوى هو فاشـل وفقـآعه ومقلـب !
قناعاتك ياليت تغيرها !!

إقتباس 46' Quaresma 6.5

مع أنه بديل الا انه جاب أحسن لاعب مع ماتريكس !
المشكله والطامه الكبرى انك تقول بالوتلي أصبر لاتحكم عليه لأنه صغير وهو ايطالي !
بس ابيك تسوي مقارنه بين بالوتلي قبـل وبعد الجنسيـه !!
وهذاك من دوري ثاني مع مدرب ثاني مع فريق جديد يجي هنا الى دوري جديد مدرب جديد فريق جديد مدينه جديده !
ومع ذالك يقدم نتائج حلوه وكان افضل لاعب اليوم بحسب التقيم يعني لامني ولا منك !
ومع ذالك تترك ابـرا ومايكون وادريانو اللي كانو سيئين جداً وتروح لـ افضل لاعب بـ المباراة !
وش تسمي هذا !؟
أنا ابي افهم وش تبيه يسوي ولا سواه !؟
تعريض وعرض وشوت وشوت ومسادنه لـ الهجمه ساند تسحيب سحب !

[هلااالي وأفتخر]

يلعن أبو فريقكم النايم ..

مباراة جابت لي الهم ..
لكن أشوى إن بريمن تعادلوا ..
والله توني أدري ولا كان ضايق صدري قبل..
تصوروا عاد لو كنا ما تأهلنا من هالمجموعة البايخة

الفريق اليوم كان واثق بزيادة وافتقد لشيئين مهمة :-
*انطلاقات مايكون من الجهة اليمنى..اليوم للأسف مستواه سيء وما غير يشوت !
* أيضا تألق وإبداع ابرا (اللي تألق في مباراتنا الماضية ضدهم وصنع الهدفين) ..

كواريزما مستواه كان مقبول مقارنة بباقي اللاعبين ..
لكنه أناني أحيانا

نشكوفكم باتسر ورده