[توتيCOM]

إقتباس الرسالة الأصلية كتبت بواسطة ذيــب الانــتر ناصر خل اليوفي على جنب بالله .. شفني انا مافيه الا لاعب انتراوي خبل " ماتيراتزي " واحب لازوري ، لاني حاط براسي قاعده ، سواء كان فيه لاعب انتراوي ولا مافيـه .. !ببقى من محبين الازوري ولو كانو كل لعيبته ميلانيه ولا يوفاويه .. ! لاني انا ماشجعت الازوري الا بسبب واحد اسمه روبي بآجيو .. ! بـ النسبة لتمويل المنتخب شي اكيد اليوفي امد المنتخب بلاعبين كبار .. لكن لاحظ معي ان كل نادي ايطالي كبيـر مد المنتخب بـ لاعبين كثار وكبار من اليوفي الي قلتهم انت ، ومن الانتـر بيرجومي والتوبيللي ومياتزا وماتزولا وحتى الثور .. وحتى الميلن ورومـا .. ! في مونديال 98 بعد استهجان الفرنسيين في اول ركلة ترجيح للازوري .. تقدم باجيو وشاتها .. !

ايييييييييييييه << يتذكـر باجـيـو

و الله ان كلامـكـ صحيح يا بعدي .. صراحة اول مرة يا الذيب اتفق معكـ << يخبر كم ملاقط معكـ
و اللي يقـولكـ مشـجع الازوري .. بسبـة واحـد ثاااني ( اسحـب علييييه )

على العمـوم نتمـنى حركـة مافياوية ..
ترجع ليبي او على الاقـل يعطـي توجـيهاته والمهرج يطبقـها

سـلاآآآم
ورده

[skroo]

السلام عليكم ورحمة الله وبركاته

احسن شي انك تشد حبتين في الرد علشان تشوف ناس تناشبك

الزعيم الروسنيري

فواز تكفى وانا اخوك لاترد الا انت قاري الرد زين
انت تقول اني قلت ان اليوفي مغذي المنتخب لوحده
وانا ما قلت لوحده والرد موجود
قلت المغذي الاول والدائم
الاول : يعني افضل نادي يعطي المنتخب لاعبين
والدائم : يعني متواصل ومستمر في امداد المنتخب ولا انقطع

إقتباس هل نسيت منتخب 94 مثلا ؟ وكم لاعبا ميلان كان متواجد في امريكا ؟

لا والله ما نسيت , الافضلية لميلان
مالديني + باريزي + كوستاكورتا + البرتيني + دونادوني + ماسا <== هذولا اللي في بالي يمكن نسيت احد

واليوفي الظاهر ما فيه الا / باجيو + دينو باجيو + كونتي

وش المشكلة ؟ انا ما قلت الوحيد قلت الاول والدائم
وانا قستها على اخر انجازات الكرة الايطاليه وهي كأس العالم 2006 و 1982 , حتى اوربا 2000 كانت الاغلبية لليوفي بــ 7 لاعبين

إقتباس وهل نسيت ماقام به بيرلو لوحده في كاس العالم 2006 من عمل اسطوري وتوج من خلالها بافضليته لثلاث مباريات مهمه .......!! .

فواز اطلع من مخي تكفى
بتقيسها على لاعب واحد ؟ اجل اشطب لعيبة ميلان السته اللي في 94 وحط باجيو الحاله لانه اسطوري
يا حبيبي انا ما طريت بيرلو من اساسه وش فيك علي

إقتباس لكن اشوفك متحامل على جاتوزو بزياده او بمعنى اصح قاسي عليه نوعا ما ؟

إقتباس صحيح ان جاتوزو مادى موسم جيد مع ميلان , لكنه بمباراة هولندا اللي طافت ادى مباراه رائعه .

وجهة نظرك واحترمها وبرضة انا وجهة نظري انه داج

إقتباس الخلل ينقسم الى قسمين : 1 - خلل رئيسي : هو وجود ماتيرازي في محور الدفاع وافضل البدء بكيلليني بدل منه ....!! .

هالشي متفقين عليه , حتى حق الفيولا اطلق من هالناقة ماترازي

إقتباس 2 - الخلل الثانوي : وهو وجود امبروسيني وبانوتشي وافضل استبدالهما بدي روسي وجروسو ....!! .

مدرب طبل وش نسوي !! دي روسي مبدع ويكرشه
وكلنا شفنا قروسو وش سوى يوم دخل

إقتباس لاتنسى ايضا بان ايطاليا مافيها مدافعين على مستوى عالي حاليا .....!! وإعتمادها على ابطال العالم 2006 ........!! , وهذا من الخطاء , وهذا يرجع الفضل الى الانديه التي لاتعطي للاعبين الشباب فرصه باللعب اساسيا ....!! .

وه بس يا زين سيدتي العجوز
شف كيف الهبوط كان له فوائد , طلع مليون موهبة ( جيوفنكو + ماركيزيو + باولو دي شيلي + كريشكو + بالادينو + بارو + بيكولو ) طبعا اعارو اغلبهم الموسم هذا , وبعد ما نضجو استرجعو ماركيزيو + دي شيلي
وهذي سياسة اليوفي وهي الدمج بين النجوم والمواهب
وبعدين ترا قاعدة ايطاليا صلبة والمغذي الاساسي لها ( فيورنتينا + جوفنتوس ) وهالكلام قاله مدرب الشباب نسيت اسمه وقاله زولا المساعد حقه

ايطاليا اللي يحصل لها الان هو الانتقال من جيل نستا ودل بييرو وتوتي لجيل اكوالاني ودي روسي وكليني
فيلزم مدرب صاحي زي الناس مهوب مثل السطل دونادوني

فواز استمتعت بالنقاش معك ولاتزعل يا خلفهم

بس اعترف اني حشرتك بزاوية


توتيCOM

إقتباس وزد على كلامـكـ .. انشيلوتي اللي له خبرة اكثر منك يا ارعن << مو انت اقصد المخصب قال دي روسي يلعب على حساب اي لاعب في اي نادي اساسياً

شف هذا انشلوتي اللي انقسمو عليه الناس طلع افهم من دونادوني وقال كلام حلو
لكن دونادوني خالف تعرف
الله يالدنيا : دونادوني كان يلعب بـ 94 مع المنتخب وانشلوتي مساعد المدرب
والحين الاول يدرب المنتخب !!

تسلم يا خلفهم على التطبيل لي



ذيــب الانــتر


بالله وش يبي هالانتراوي رح شجع منتخب الارجنتين احسن لك خخخخـ

إقتباس لاني انا ماشجعت الازوري الا بسبب واحد اسمه روبي بآجيو .. !

وه بس مهوب الحالك يا سعد ولاتجيب طاريه تكفى ماله داعي اقلب الاستدويو لرابطة روبرتو باجيو

إقتباس بـ النسبة لتمويل المنتخب شي اكيد اليوفي امد المنتخب بلاعبين كبار .. لكن لاحظ معي ان كل نادي ايطالي كبيـر مد المنتخب بـ لاعبين كثار وكبار من اليوفي الي قلتهم انت ، ومن الانتـر بيرجومي والتوبيللي ومياتزا وماتزولا وحتى الثور .. وحتى الميلن ورومـا .. !

سعد مشوار ارد بس تقريبا نفس ردي على فواز
ما قلت انه الحاله , قلت انه الرئيسي

لاهنت يالغالي

وشكرا لكم جميعا لاني من زمان ما رديت رد فيه مخمخه

[Tнe LeaDeя MiLaи]

إقتباس الرسالة الأصلية كتبت بواسطة skroo وه بس يا زين سيدتي العجوز شف كيف الهبوط كان له فوائد , طلع مليون موهبة ( جيوفنكو + ماركيزيو + باولو دي شيلي + كريشكو + بالادينو + بارو + بيكولو ) طبعا اعارو اغلبهم الموسم هذا , وبعد ما نضجو استرجعو ماركيزيو + دي شيلي وهذي سياسة اليوفي وهي الدمج بين النجوم والمواهب وبعدين ترا قاعدة ايطاليا صلبة والمغذي الاساسي لها ( فيورنتينا + جوفنتوس ) وهالكلام قاله مدرب الشباب نسيت اسمه وقاله زولا المساعد حقه ايطاليا اللي يحصل لها الان هو الانتقال من جيل نستا ودل بييرو وتوتي لجيل اكوالاني ودي روسي وكليني فيلزم مدرب صاحي زي الناس مهوب مثل السطل دونادوني فواز استمتعت بالنقاش معك ولاتزعل يا خلفهم بس اعترف اني حشرتك بزاوية

جئت اليك لكي ابطحنك بالزاويه

كل كلامك المذكور اعلاه صحيح من مواهب و زد عليهم

انتونيني ودارمين واكيد ماراح تعرفهم .

بس وش الفايده اذا الطبل حقكم رانيري ولا انشيلوتي والااي مدرب

بايطاليا مايستعين فيهم حتى ولو مباراه في كاس ايطاليا ........!! .

وإحتمال لاعبينكم بعد يبيعونهم إدارتكم الموقره لفرق ضعيفه ....!!

والمدرب بإيطاليا ماياخذ لاعبين من فرق ضعيفه حتى لو بدع ......!!

الظاهر ان ايطاليا بتبداء الفرمته من 2010 وطالع ........!! .

[G o L d E s T]

//

إقتباس الاتحاد الايطالي الخسيس يستاهل ما يصير له وقاعد يدفع الثمن

إقتباس انزال الفريق المغذي الاول والدائم للمنتخب للدرجة الثانية !! وبرضة احضار مدرب ماله خبرة تدريبيه الا ليفورنو !! احسن وجعلهم من هالحال واردى !! ما خبرنا المنتخب الايطالي الا ولابد اكثر لعيبته من اليوفنتوس حتى منتخب 1982 الاسطوري 80% منه يوفاويه ! ( زوف + شيريا + تاردللي + جنتيلي + فورين + باولو روسي + كاربن ... الخ ) وعام 2006 ( ليبي + فيرارا + بوفون + كانافارو + كامورانيزي + زامبروتا + دل بييرو ) لكن الان 4 و2 منهم احتياط ! طبعا يوفنتوس حاليا مريض فلذلك المنتخب يمرض معه وسبب المرض الاتحاد الايطالي الغبي !1

أتفق معك بجزئية المدرب

ومثل ما قال توتي كوم إذا استقال ليبي فيجب أن يكون خليفته كابيلو وأنشلوتي

أما تمسك بطل العالم لمدرب مبتدئ



أما ما يتعلق بلاعبين اليوفي وأثرهم على المنتخب فما أشوف شي تغير عن مونديال 2006

يعني بوفون وكامورانيسي وزامبروتا كلهم لعبوا أساسيين بلقاء هولندا

ودلبييرو ما لعب أساسي بكأس العالم إلا بلقاء استراليا وما كان له تأثير كبير


باختصار اللي صار بمباراة هولندا بسبب غباء مدرب + خذلان بعض اللاعبين للمنتخب

//

[skroo]

إقتباس الرسالة الأصلية كتبت بواسطة G o L d E s T // أتفق معك بجزئية المدرب ومثل ما قال توتي كوم إذا استقال ليبي فيجب أن يكون خليفته كابيلو وأنشلوتي أما تمسك بطل العالم لمدرب مبتدئ أما ما يتعلق بلاعبين اليوفي وأثرهم على المنتخب فما أشوف شي تغير عن مونديال 2006 يعني بوفون وكامورانيسي وزامبروتا كلهم لعبوا أساسيين بلقاء هولندا ودلبييرو ما لعب أساسي بكأس العالم إلا بلقاء استراليا وما كان له تأثير كبير باختصار اللي صار بمباراة هولندا بسبب غباء مدرب + خذلان بعض اللاعبين للمنتخب //

هلا وغلا بابراهيم والله انبسطت يوم شفتك رديت علي

انا اختلف معك برضة / زامبروتا يوم طلع عن اليوفي ومستواه نازل وشوفو كيف البرشا شاتوه
وكنفارو اليوفي غير كنفارو ريال مدريد
وتأثير اليوفي فصار محصور على 4 بدل 7 لانك نسيت ليبي وفيرارا
ودل بييرو صحيح انه كان ورقة رابحه في كاس العالم , لكن ليبي عارف كيف يستخدمه لانه كان مضغوط بالنادي مع كابيللو وغير كذا انكرف بدوري الابطال والدوري
لكن هالموسم دل بييرو هداف الدوري وبالفورمه وافضل موسم له بعد 98 وما انهك كثير لانه لعب الكالشيو بس
ويجيك ابوالشباب ويصكه احتياط !! هنا المشكلة

واللي صار بمباراة هوالندا بسبب غباء المدرب لكن لاتلوم اللاعبين اذا ما قدمو شي لان المدرب موظفهم غلط
هذا رانييري اللي الكثير يقول انه زلابة , موظف كامورانيزي على اكمل وجه لدرجة اننا نقول انه حلل اصابته وغيابة عن الدور الاول
لكن دونادوني مدري وش مسوي فيه !! ملعبه الحاله وسط يمين وقدامه مهاجمين ووراه 3 محاور واحد منهم ما يدري وين الله حاطه !!

لاهنت ابوخليل

[جنـون اليوفـي]

مادري بصرااحـه ،، بس كانكم قسيـتواا على دوناادوني شـوي !!

دوناا اخطأء بأشيااء كثيــره .. مثلا ً كان ودي اشوف دي روسـي اساسي على حسـاب قاتوزو !!

دي ناتالي كويـس الولد مجهتـد لـ كـ أدوار هجوميه اشوف كاسانو . افضــل !!

ماتري .. كليـني احق منه . قياسا ً على الموسم الماضــي !!


لكن . كويس ان الهزيمه صارت في أول مباراة .. ودوناادوني بيـحدث تغييرات في الأياام القادمــه



مسأله اني اطالب بـ إقالته علشاان مباراة وحده . لااا .. مايصير


تبديلااته في الشوط الثااني . كان لهاا لمحـات فنيـه ووقدرنا نوصل للمرمى الهولندي حسيت ان دونـاا بيضيف لمسـات على الفريق بس اصبـروا عليه .. وإحتماال يبتـل على إستدلااخـه .. نشوف المباراة الجاايــه وش بيصـير ؟ ؟

بإختصاار اقدر اقول . ان دوناا .. خذلــوه بعض اللاعبين اللي اختـارهم

[~ابو فهد~]

سلام يا حلويين.

أشوف نقاشات حلوه صايره هنا وشميت عطر عجوزنا مع ناصر يوم جا للرابطه قلت لازم نشوف وش صاير هنا.

على العموم ايطاليا ان شاء الله تتأهل للدور الثاني وبعدها ودي تواصل وودي تطلع علشان ينتفون المعتوه هو وشلة اللاعبين اللي معه .

الله يعين بس ..... أهم شي لاأحد يغلط على عجيزنا يكفيها ماجاها,,,,,, وبتشوفون منتخب ايطاليا بعد موسمين من النادي الاكثر تمويلا للمنتخب . وتذكروا كلامي هذا.

[~ابو فهد~]

شباب اليوم أعجبني في التشيك اللاعب رقم 7 مع ان عمره كبير لكن كان ممتاز مره واللاعب الاشقر اللي يلعب الكورنر مره ممتاز مادري ليش المدرب استبدله.

اااااه ياندفد وروزوسكي لو كنتوا موجودين والله ماتشمها البرتغال ولايشمها المتغطرس الدلوعه.

على العموم التشيك راح توصل على الاقل لنصف النهائي عطفا على مستواها اليوم ومستوى الفرق المشاركه في البطوله ككل

[هلالي من عفيف]

[ تقارير إيطالية تقول بأن دونادوني سيغير من تشكيلته في مباراة رومانيا المقبلة ]



هناك تقارير في إيطاليا تقول بأن [ روبيرتو دونادوني ] مستعد للتغيير في مجموعة لاعبيه يوم الجمعة عندما يلاقي [ رومانيا ] .

أبطال العالم وضعوا تحت ضغط كبير بعد خسارتهم من [ الطواحين الهولندية ] بـ 3 - 0 ويعرفون بأن أقل شي في المباراة الثانية لهم الفوز ولا غيره .

الصحافة الإيطالية انتقدت كثيراً قرار [ دونادوني ] بإبعاد لاعب الجيلاروسي [ دانييل دي روسي ] وإدخال [ كليني ] مكان [ ماركو ماتيراتزي ] ضد الطواحين .

والآن قيل بأن [ دونادوني ] سيدخل [ كليني ] مكان [ ماتيراتزي ] في المباراة القادمة الذي يعاني من إصابة في الساق ، و [ دي روسي ] مكان [ جينارو غاتوزو ] .

وأيضاً من الممكن أن يبدأ بـلاعب ليون [ فابيو غروسو ] في الظهير الأيسر ، واللاعب [ ديل بييرو ] و [ كاسانو ] من المفترض أن يبدأ بهما في المباراة بجانب [ لوكا توني ] ويلعب بالتشكيلة 4-3-1-2 في المباراة .

يذكر بأن الفريق الطلياني دخل بالأمس إلى مدينة فينا عاصمة النمسا مع عوائلهم ، ما عدا [ كاسانو ] الذي اختار النوم بدلاً من ذلك .


http://www.channel4.com/sport/footba...ia/jun11a.html

[الزعيييييييييييييييم]

يعطيكم العافية على الجهود المبذولة ..
فعلا اظهرت شبكة الزعيم بمظهر مختلف ..!!

اما عن هالمجموعة..
اتوقع التأهل يكون من نصيب ..
هولنا وفرنسا ..!

[D E N i S]

اربع تغييرات لمواجهة هولندا ؟





بعد الاداء المخيب للامال في المباراة الاولى للمنتخب الفرنسي امام المنتخب الروماني والتي انتهت بنيجة 0-0 , سيحاول
الـمدرب الفرنسي ريمون دومينك تصحيح الامور أمام هولندا يوم الجمعة القادم على أمل بلوغ الفريق الدور ربع النهائي
لبطولة اليورو , وقد اكد ريمون دومينيك مدرب الديوك انـه قد يكون هناك 4 تغييرات في صفوف الفريق فأذا كان هنري
وفييرا اللذان هما تحت العلاج جاهزان للعودة مع بقية الاعبين فينبغي ان يلعبوا اساسيين كما انـة يجب ان يدفع الاعبين
الذين لعبوا بشكل سىء ثمن ادائهم الباهت أمام رومانيا , ومن الممكن ان تسفر هذة التبديلات جلوس مـدافـع برشلونة
ايريك ابيدال على مقاعد الاحتياط مقابل دخول زميلة ولاعب مانشستر يونايتد باتريس ايفرا كلاعب اساسي فـي الفريق
كما ان اللاعب سمير نصري لاعب مارسيليا من الممكن ان يخطف مكان فورينت مالودا الذي قدم اداء سىء امام رومانيا.

samir22nasri

[MR.LEGEND]

إقتباس الرسالة الأصلية كتبت بواسطة smir22nasri اربع تغييرات لمواجهة هولندا ؟ بعد الاداء المخيب للامال في المباراة الاولى للمنتخب الفرنسي امام المنتخب الروماني والتي انتهت بنيجة 0-0 , سيحاول الـمدرب الفرنسي ريمون دومينك تصحيح الامور أمام هولندا يوم الجمعة القادم على أمل بلوغ الفريق الدور ربع النهائي لبطولة اليورو , وقد اكد ريمون دومينيك مدرب الديوك انـه قد يكون هناك 4 تغييرات في صفوف الفريق فأذا كان هنري وفييرا اللذان هما تحت العلاج جاهزان للعودة مع بقية الاعبين فينبغي ان يلعبوا اساسيين كما انـة يجب ان يدفع الاعبين الذين لعبوا بشكل سىء ثمن ادائهم الباهت أمام رومانيا , ومن الممكن ان تسفر هذة التبديلات جلوس مـدافـع برشلونة ايريك ابيدال على مقاعد الاحتياط مقابل دخول زميلة ولاعب مانشستر يونايتد باتريس ايفرا كلاعب اساسي فـي الفريق كما ان اللاعب سمير نصري لاعب مارسيليا من الممكن ان يخطف مكان فورينت مالودا الذي قدم اداء سىء امام رومانيا. samir22nasri

والله آتمنى تصير التغييرات اللي في الخبر بس ما آتوقع دومنيك مدرب جبان

صعبة يسوي آربع تبديلات ,, عندي وجهة نظر ودي يكون الوسط خمسة لاعبين

يكون ميكللي كـ محور دفاعي ثابت فييرا يساند الهجوم نوعا ما و ريبيري خلف

هنري و على اليسار مالودا و على اليمين سمير نصري و الاحتفاظ بـ كريم

كورقة رابحة . ثانكيو على الخبر

[G o L d E s T]

//

إقتباس انا اختلف معك برضة / زامبروتا يوم طلع عن اليوفي ومستواه نازل وشوفو كيف البرشا شاتوه وكنفارو اليوفي غير كنفارو ريال مدريد وتأثير اليوفي فصار محصور على 4 بدل 7 لانك نسيت ليبي وفيرارا

أول شي بالنسبة لزامبروتا ما نختلف إن أداؤه انخفض

لكن بمباراة هولندا أدائه كان جيد ما أقول إنه مثل أداؤه مع اليوفي لكن قريب من مستواه السابق

صحيح كان يتقدم كثير ويترك وراه فراغات بس هذا شي طبيعي لأن الفريق خاسر ومهمة تغطية مركزه إذا تقدم على المحاور


ونفس الكلام ينطبق على كنفارو صحيح مستواه سيء مع الريال لكن أداؤه ما تغير مع الآزوري

حتى أعرف كم مشجع للريال منقهر منه يقول زفت مع النادي ومع المنتخب مبدع

يعني كنفارو 2006 ما فرق كثير عن كنفارو الحالي مع المنتخب



أما ليبي فما أدري على أي أساس حسبته مع اليوفي

صحيح غالبية إنجازاته مع اليوفي لكن ما أعتقد إن هالشي يخليه تبع اليوفي



فيرارا <<< قاعد يتذكر تشكيلة الآزوري بالمونديال ما لقى أحد بهالاسم


أما دلبييرو يمكن أتفق معك إنه أكثر جاهزية من عام 2006


وصحيح المدرب ما وظف اللاعبين صح بس هذا مب عذر إن اللاعبين يلعبون بهالمستوى المنحط


يعني كامورانيسي شفنا أكثر من مناولة غلط وبانوتشي مضيع بالظهير الأيمن ونفس الشي توني اللي يظل أداؤه مع المنتخب غريب !!


وبعدين أنا ما أوافق على تحميل المدرب كامل المسؤولية لأن التشكيلة اللي لعبت ضد هولندا

نسخ ولصق من تشكيلة اسكوتلندا بالتصفيات باستثناء كنفارو والغريب إننا شفنا مستوى الآزوري حلو بذيك المباراة


وهناك أكثر من سبب لتباين النتيجتين المباراتين من وجهة نظري وهي :

إصابة كنفارو , الفرق بقوة الخصم , المستوى السيء للاعبين ضد هولندا


لكن يبقى المدرب يتحمل الجزء الأكبر من الخسارة لكن كون إننا نبرئ اللاعبين تماما هذا شي غير منطقي




نقاشك ممتع


//

[BARCELONISTA]

][ إيفرا يجب أن يقنع دومنيك ][



باتريس إيفرا .. يجب ان يفعل ما بـ إمكانه لاقناع ريموند دومينيك لـ جعله أساسي في مباراة الديوك القادمة ضد هولندا .. إيفرا قدم مستوى جيد مع مانشستر يونايتد وهو قد ساعد الفريق لـ الفوز بـ بطولة الدوري و دوري ابطال اوروبا هذا الموسم ....

هلالي وأحب برشلونة 9

[BARCELONISTA]

][ ماكللي : فرنـسا سـتقع في مأزق إن لم تفز ][



كلود ماكللي قال بان فرنسا يجب ان تؤخذ النقاط الثلاث من أمام المنتخب الهولندي بعد المستوى الباهت و النتيجة السيئة في مباراة رومانيا التي انتهت بـ التعادل السلبي 0 - 0 ....

هلالي وأحب برشلونة 9