[أسيــ الزعيم ــر]

السلام عليكم



فيسات للتعبير عن الأفراح .. فيسات اعتبروا انه انا اللي اسويها لأني سويتها بعد المباراة



موضوع للهياط فقط .. بعد مباراة المانيو وميلانو شفت كذا موضوع اللي هياط منها واللي تفائل واللي تبرير .. الأهم ان فيه مواضيع وبعد مباراة البلوز والريدز مالقيت مواضيع او اني ماشفت او اني مااطلعت فـ قلت لابد من وضع شيء على الأقل للتعبير عن الفرح ورفع درجة الحماس للمباراة الثانية .. واهم شي الاخلاق



طبعا ً مبروك لـ كل تشيلساوي وهارد لك يا ليفربولية يا **** تعرف الكلمة يا بدر

مباراة البارحة وبدون هياط هالمرة .. كانت مباراة روووووعة .. اجواء حبية بين الفريقين رغم ان موري حثلها قبل المباراة بتصريح طيب وما لك الا السلامة يا بينيتز لاتخاف على رزقك مهوب قاطعه موري

ليفربول ماقصروا وقدموا مستوى جيد لكن ماكان المستوى اللي كنت متوقعه .. وقد يكون تألق تشيلسي في اللقاء له دور في ذلك ...!!



الصورة هاللي فوق ضمن الهياط والضحك

بس والله يا جيرارد كان متحمس ومشتغل لكن على مين ياابوي اشلي والربع موجودين .. الا على طاري جيرارد .. شكل هوييه يتابعه ووده يجي يمسط بينيتز .. لاعب زي جيرارد لاتخليه يلعب أبد .. مسكه كور بس يشووووووت .. عليه رجل مو طبيعية .. وبما اننا جينا على طاري الشوت شوفوا هالصورة ويا لبى قلبك يا أفضل حارس .. وبما ان الدعوة هياط فـ هو الأفضل في العالم دون جدال .. يعني لااحد يقتبس هالكلام ويرد عليه لأن كلامي ماشي ماشي



وشوفوا تصريح جيرارد من رابطة ليفربول لـ صقر البوادي

إقتباس وعن كرته التي تصدى لها تشيك .. قال ستيفي : "بيتر تشيك تصدى لـ تسديدتي بشكل رائع جدا ، لا أعتقد بأن هنالك حارسا آخر في أوروبا يستطيع تصدي مثل هذه الكرة ،، لقد أوشكت على الإنطلاق فرحا بالهدف "

استمتع مع مقتطفات لـ جو كول ..





ترى اللي فحط فوق ماسكيرانو وكان لاعب امس اعتقد اني شفته ياخذ كرت :p

رينا .. والله بطل هالحارس .. ولو ان تعامل لامبارد مع الكورة مااعجبني رغم انه صح





شوف كارفا يا بدر



والله يا هالنيجيري وحــــــــش ... وحـــــش .. وحـــش



والله يا آشلي خرش جيرارد شوفوا اللقطة في الإعادة والا دبروا عماركم وتعرفون وشلون خرشه هالفار



على قولة الشوالي .. الجرينتا والله يا هو جرنته بقوة



شباب وش يبي الظهير الأيسر



يالله تأهلتوا نص تأهل لأثينا باقي النص الثاني وجايينك يا اثينا

ختاما ً اعذرونا على هالموضوع لكن شي في خاطري وسويته .. كنت بنزل موضوع لكن مابغيته يصير رسمي حبيته يكون هياط وضحك وفرفشة .. ان تأهل الليفر ففعلوها من قبل ولا يستغرب هالشيء منهم .. ومبروك لهم .. وان تأهل تشيلسي فـ هم ردوها لـ الليفر ومبروك لنا .. وجيرارد يقول ان تشيلسي يعرف اجواء الانفيلد .. وانا اقول ايه والله نعرفه ونخبر انه جا فيه اربعة



تحيتي للجميع ؛ ؛ ؛

[أبــو غــامــد]

هايط على كيفك يابو عابد .. لك الحرية .. بس هياطك طوييييييييييييييييل


اما امس مباراة حراس والله من جد مباراة حراس وما اقدر احدد افضلية رينا او تشيك

لكن المستوى والنتيجة كانت للبلوز مع سيطرة نصفية لللشوط الثاني من الحمر

إقتباس وبما اننا جينا على طاري الشوت شوفوا هالصورة ويا لبى قلبك يا أفضل حارس

يحسب انه يشوت على حارس وست هام لكن يظل جيرارد جيرارد .. حتى لو كان بالمرمى بوفون اما تشيك معليش

إقتباس وبما ان الدعوة هياط فـ هو الأفضل في العالم دون جدال .. يعني لااحد يقتبس هالكلام ويرد عليه لأن كلامي ماشي ماشي

يوووووووه .. والله انك مغبر توك تدري الحيين بيجيك خالد ( فارس الزعيم !! ) .. أحمد ( juve 18?? ) وسكره هلاليه مشووووووووتين ومطفين النوور .. ولا حد يزعلن على هياطنا

إقتباس وعن كرته التي تصدى لها تشيك .. قال ستيفي : "بيتر تشيك تصدى لـ تسديدتي بشكل رائع جدا ، لا أعتقد بأن هنالك حارسا آخر في أوروبا يستطيع تصدي مثل هذه الكرة ،، لقد أوشكت على الإنطلاق فرحا بالهدف "

احسنت ياجيرارد التعليق ;)

إقتباس وجيرارد يقول ان تشيلسي يعرف اجواء الانفيلد .. وانا اقول ايه والله نعرفه ونخبر انه جا فيه اربعة

اكيد نعرف اجواء الانفيلد .. 3 , 4 , 6 من اللندنيين ;)


لكن بما انه هياط .. نقدر نتكلم عن التحكيم

** دخلة الونسو على اوبي .. اتوقع يستحق الاحمر أو الاصفر على الاقل

** لمسة يد اربيلوا .. ولاحد يقولي غير مقصودة

** تسديدة جيرارد .. بغى يكسر اصابع تشيك

بااي .. واحس بيجي ناس مشوتين ومو ليفربوليين سيتكلمون بدون عقلانية اتمنى منهم لايردون

[Fo0oRzA JuVe]

هههههههههه

هاااااا يييييط لييييييييييين تمل


بصراحة انا ماشفت المباراة كنت رايح مباراة الهلال على العموم اشوف الاعاده بعد البطوله ههههههههه


مبرووك الفوز ..


واعجبني اسلوبك..يمكن مورينيو علمك الهياط خخخخخخ

[ٍS7EVA]

ألف مبرووك الفوز للبلوز

[saudi9999]

مبروك لـ كل تشيلساوي وهارد لك يا ليفربوليه

++++++++++++++++++++++++++
دروجبا أحسن لاعب في العالم>> أتحدى واحد يخالفني هههههههههههه

[أصيلة]

[SNOOP 187 DOGG]

سنقبر تشلسي في قلعتنا الحمراء

[Rossi 999]

فايز 1 - 0 و فاتح موضوع !! اجل لو انك فايز 5 بتقول لتركي يفتح لك قسم خاص

..
شوف مدربكم هذا اللي يحط يده بمخباه : المباراة الجاية ما راح يقدر
يسوي شي .. لأن الليفر في أرضه غير

,,

شكلك ما تعترف بهالحكمة : انتهت المعركة و لم تنتهي الحرب
..

كاد المهايطي ان يقول خذوني

تقبل مروري بكل سرورِ

[أصيلة]

إقتباس الرسالة الأصلية كتبت بواسطة SNOOP 187 DOGG سنقبر تشلسي في قلعتنا الحمراء

هههههههههههههههههههه كلامك هذا يذكرني بكلامكم قبل مباراة امس

وهو السبب الأول اللي يخليني اتفائل وأتطمن بان التأهل تشلساوي

[سكره هلاليه]

زهقت وانا اثبت لكم

بس بوفون افضل

وليبي افضل


ومبروك الفوز

إقتباس الرسالة الأصلية كتبت بواسطة سكره هلاليه شوف بس وخل عنك تشيك وعشر منة مشاهدة ممتعه

[أسيــ الزعيم ــر]

ابوغامد لازم نطول الهياط عشان الشياب يفوتون لنا شي

إقتباس اما امس مباراة حراس والله من جد مباراة حراس وما اقدر احدد افضلية رينا او تشيك

يالله وراك تشيك ولاغيره صح ان بينانت علقه في الانفيلد لكن تشيك ولاغيره وعلى مباراة امس صدة تشيك عن مباراة كاملة .. المفروض الحكم يوقف المباراة ويبدون مباراة جديدة .. مدري ليه بس كان المفروض يسويها

وبالنسبة لـ لمسة اليد .. حتى لو كان متعمدها .. انا عندي اعتقاد بل معرفة بـ قانون الكرة وماعندي مشكلة حتى لو صار ضد فريقي .. لمسات اليد حتى لو كانت مقصودة تظل تقديرية للحكم .. اقول لكم كيف .. واعتقد انكم تعرفون لكن للتذكير .. لاعب لمس الكرة باليد داخل او خارج المنطقة مافيها فرق طبعا ً .. ممكن يكون مو قاصدها لكن الحكم احتسبها .. لأن الحكم يراها متعمدا ً وممكن العكس

طبعا ً القانون مايقول مقصودة او مو مقصودة .. القانون يتكلم عن بحث الكرة لـ يد اللاعب أو العكس .. وهذا شيء تقديري وهو الشيء الوحيد تقريبا ً في التحكيم اللي يعتمد على رأي الحكم ;)

والله يحيي الجميع الله يهديك

إقتباس هههههههههه هاااااا يييييط لييييييييييين تمل بصراحة انا ماشفت المباراة كنت رايح مباراة الهلال على العموم اشوف الاعاده بعد البطوله ههههههههه مبرووك الفوز .. واعجبني اسلوبك..يمكن مورينيو علمك الهياط خخخخخخ

والله كان ودي أحضر مباراة الهلال لكن مباراة تشيلسي منعتني من هالشي لكن معوضة إن شاالله

إقتباس دروجبا أحسن لاعب في العالم>> أتحدى واحد يخالفني هههههههههههه

من يقدر يخالفك بيشيل الدوري إن شاالله وشال الكاس وبيشيل الكاس الثاني وبيشيل دوري الابطال ان شاالله

إقتباس سنقبر تشلسي في قلعتنا الحمراء

والله الأنفيلد يروع لكن لاعبينا أسود ولن يهتموا للجمهور وسنرى ;)

سعود يااخي تصدق اني مرتبك وكل شوي اكتب رد وامسحه

يا سعود الله يهديك عجزت وانا افهمك :p النتيجة 1 - 0 لـ تشيلسي وعلى أرضنا .. يااخي لو 0 - 0 حلوة عاد كيف 1 - 0 بالنسبة لي كان الأهم ان الليفر مايسجل على ملعبنا اللحين الأفضلية لـ تشيلسي وبإمكان الفريق أن يسجل في مباراة الإياب بـ عودة الماكينة الغانية إيسيان وإحتمال عودة بالاك وإحتمال كبير لـ عودة روبين .. أشياء تبشر بالخير بإذن الله .. وماتبيني اتفائل وافتح موضوع

ثانيا ً ترى الموضوع مو على تأهل .. الموضوع للهياط ولحفظ موضوع عن الفوز :p

بس تصدق عقب اليد اللي في المخبى ماعاد صرت احط يدي في مخباي .. خاف يقولون عني مغرور

والحرب لم تنتهي بعد بالفعل .. واقر اخر كلامي في الموضوع وتعرف

وبإنتظار القنرز الموسم القادم وبالتوفيق للمركز الثالث .. يعتبر مركز متقدم ترى

إقتباس زهقت وانا اثبت لكم بس بوفون افضل وليبي افضل ومبروك الفوز

من قال انهم مهب أفضل

سوسو تدرين وش المشكلة .. المشكلة ان العالم اذا قلت فلان افضل من فلان يحسبون انا قايلين عن فلان الثاني خياس بس الحقيقة ان فلان الاول متفوق على فلان الثاني اللي يظل متميز بس كل الفلانات جيدين ان شاالله :p

وترى بوفون احد اسباب تشجيعي للبيانكونيري لكن الحق يقال تشيك نو كومنت .. اتس ذا بيست

[Rossi 999]

إقتباس سعود يااخي تصدق اني مرتبك وكل شوي اكتب رد وامسحه طبيعي جدا .. يا سعود الله يهديك عجزت وانا افهمك :p النتيجة 1 - 0 لـ تشيلسي وعلى أرضنا .. يااخي لو 0 - 0 حلوة عاد كيف 1 - 0 بالنسبة لي كان الأهم ان الليفر مايسجل على ملعبنا اللحين الأفضلية لـ تشيلسي وبإمكان الفريق أن يسجل في مباراة الإياب بـ عودة الماكينة الغانية إيسيان وإحتمال عودة بالاك وإحتمال كبير لـ عودة روبين .. أشياء تبشر بالخير بإذن الله .. وماتبيني اتفائل وافتح موضوع شكلك ما عرفت الليفر زين !! ثانيا ً ترى الموضوع مو على تأهل .. الموضوع للهياط ولحفظ موضوع عن الفوز :p بس تصدق عقب اليد اللي في المخبى ماعاد صرت احط يدي في مخباي .. خاف يقولون عني مغرور لا بس ترى مو كلن من يحط يده بمخباه مغرور .. انا اقصد مدربكم بس ! والحرب لم تنتهي بعد بالفعل .. واقر اخر كلامي في الموضوع وتعرف وبإنتظار القنرز الموسم القادم وبالتوفيق للمركز الثالث .. يعتبر مركز متقدم ترى ان لله .. قام يتشمت .. ستبكيك المدفعجية الموسم القادم ... ليه الموسم القادم .. فيه مباراة قريييب .. و راح نبكيكم فيها

تم التسكيت في داخل الاقتباس
>>

[إنســـــــــان هلالي]

اخـاف تلحقون البافاريـة

[والله ذيب يا سامي]

ألف مبرووووووك لتشلسي

ومن حقك تهااااايط

إذا عندك مورينهو وعندك فريق نصه خوال وشوله ما تهايط ؟

[العقل@]

يضلون ناديين