08/10/2008, 02:25 AM
|
| زعيــم مميــز | | تاريخ التسجيل: 17/05/2007 المكان: تـايه .. !!
مشاركات: 1,876
| |
أول شيء نشكر المشرفين والإستشاريين لهذا العمل الجبار  أنا بصراحه أهتم بالممثلين قبل لا أتعمق بشيء معين , مثال / المسلسلات الكويتيه في الآونه الأخيره بكل صراحه صارت تحمل في طياتها " قلة أدب " بكل ما تعنيه هذه الكلمه من معنى , زمان ع الأقل كنا نشوف عمالقة بالتمثيل , ربما لا يليق إني أذكر اسمهم هنا  لكن في المسلسلات في السنتين الأخيره صار التمثيل مجرد " مضيعة وقت " لنا كمشاهدين , زمان يمكن تستفيد من فكرة المسلسل والهدف اللي وضع من أجله . لكن الحين المسلسلات صارت لا تخلي من " رجل سكران , بنت وولد يحبون بعض , اخوان متزاعلين "  بالله نحن وش نستفيد من ذي ؟! زمان كنا نشوف ع الأقل أفكار جديده , لكن الحين 90% صارت الأفكار قديمه جدا ومتشابهه , مما جعل الناس تتجه إلى المسلسلات التركيه , وعن نفسي أنا صارت مشاهدتي للمسلسلات نادرة جدا . وهذا هو الشيء الذي لا يمكن حله !!! الشباب يبون شيء يثير شهواتهم عشان يشاهدون , والبنات كذلك , وبالنسبه للمسلسلات الكوميديه , انا عندي تعليق ع المسلسلات " السعوديه " الكوميديه , اولها ( بيني وبينك ) هذا المسلسل أنا اتوقع إن الشخصيتان " مدحت - مناحي " وصلوا لمرحلة إنهم ذلوا نفسهم عشان مسلسل , مثال ع ذلك / مره تشوف خويهم الواصل يصطرهم كف , لو إنه واحد معدوم من الكرامه كان ما رضى في هذا المشهد . مثال ثاني / يجي " مدحت - مناحي " يرقصون بين مجموعه من الممثلين الأفريقين !! والكل ينظر إليهم , يعني من المجنون اللي بيرضى إنه كرامته تنهان عشان " فلوس " !!! وهناك أمر آخير يجب توضيحه / إن شخصيه " مدحت " شوه صورة رجال الجنوب !!! والجنوب معروفين ولا يحتاجون لمن يمحدهم , لكن يجي واحد زي " مدحت " ويمثل ع إنه سرق فلوس ربعه , وانحاش من ديرته !! هذا من المفروض إن الرقابه السعوديه تمنعه , لكن تأكدو إن هناك من دول الشام ومصر واليمن والخليج وأقطار العالم شاهدو المسلسل وظنوا إن هذه صفات رجل الجنوب , وهذا للأسف من أجل " فلوس " يسوون كذا !!!! وعندك كمان شخصية " مناحي " شيخ القبيله ع قولتهم , كان في أول الحلقات يشوف " صور النساء " في خيمته بالسر , ويمنع الرسيفر عن كافه بيوت القريه , وكأنه هو الشيخ المهتم بأخلاق قبيلته ولكنه يشاهد الرسيفر بالسر , هذا تشوه واصح لرجال الجنوب حتى ولو كانوا ما يقصدونه !! لكن للأسف مافي لا رقابه ولا شيء , كل من جت فكره براسه ومعه كم ريال , سوا له مسلسل !!! ملاحظه مهمه ( ترى انا ماذميت رجال الجنوب الجنوب معروفين ولا يحتاجون شهادتي لكن أنا أحكي عن واقع المسلسل وما سمعته عن ما فعله من تشويه لصفات اهل الجنوب لدى بعض المشاهدين من خارج المملكة ) وآسف عن خروجي عن سياق السؤال  لكن كلام براسي وودي أقوله من زماااان ومالقيت إلا هنا اقوله اكرر آسفي امممممممممممممممممم ايه شفت  شفت " تركي المريخي " اللي في لجنة في شاعر المليون بالجنادرية  وكان الشباب حوله ومسوين له قلق بس تصرفي معه إني عطيته ظهري ومشيت
هذا السؤال للمثقفين مو لنا معشر الطلاب لكن بجاوب ع حسب فهمي له
الواحد إذا حذر من شيء ما حذر إلا وهو متأكد إنه بيكون سبب لتأثير سلبي ع عقول المشاهدين , انا اقول إن / أكيد لها تأثير سلبي للعقول .... ولا ودي اضرب امثله لاني حسيت إني مسختها شوي
عدم عرض المنتج الجيد من ناحية الإخراج والتمثيل وطريقة العرض والوقت !! وهذه نقطه يجب يهتم بها " التلفزيون السعودي " والله إن عندهم مقدمين مبدعين وعندهم افكار , لكن الإخراج وطريقة عرض البرنامج يقلل من إهتمامك بالمشاهده , والوقت عندهم بعد يزيد المشكله .
أشكر كل من ساهم في طرح هذا الموضوع , وبالذات أخوي " هلالي من ارض اليمن " تعجز الكلمات عن شكرك .................. وآسف إن كان خرجت عن سياق السؤال في بعض الأسئلة  |
