الى الان ما اشوف اي طرح عقلاني من الاعضاء بخصوص احضار اللاعبين

ترا احضار لاعب مو بهذه السهولة ,

الحوسني مع الريان والاندية القطرية ما تقدر تغريها بالفلوس , يعني كم بتعطيهم 100 مليون دولار على الحوسني ؟؟؟

نشأت اكرم نفس المشكلة , الحكومة القطرية هي التي تصرف على الاندية القطرية وتدفع ما يقارب

الر90% من تكاليف صفقات اللاعبين , يعني ما تقدر تجيب منهم احد الا اذا انتهى عقده او النادي لا يرغب فيه

الاتفاق انت تعرف اننا حاولنا نجيب راشد الرهيب لموسم كامل والاتفاقيين رفضو لارتباطهم ببطولة دوري ابطال اسيا

تبيهم يوافقون على اعارة القحطاني ؟؟؟؟؟

واللي يطالب بنور , ما فكر المشكلة اللي بيننا وبين الاتحاد هل راح يوافقون على انتقاله الينا خاصة وان عقده مازال ساري

الحين الاحتياط الشبابي (حسن معاذ) ادارته رفضت اعارته , تبيون الاتحاد يعطينا نور او اي لاعب اخر

ما ادري كيف يفكر بعض الاعضاء ولا تزعلون ان رايتم الادارة تتجاهل طرحكم وارائكم لانك توحون اليها بانك تقولون

اي كلام بدون اي تفكير ,

مافي الا حل من اثنين , الاول احضار لاعب عالمي وهذا راح يكلف كثير وصعب جدا ونتذكر كم من الوقت اخذت صفقة ويلي

يعني بتاخذ ما بين شهر الى 3 اشهر وانت تبحث عن لاعب مناسب وبتدفع فيه عشرات الملايين من اجل 4 اشهر فقط ,

وايضا في حالة نجاحه المدرب سيطالب الادارة بالغاء عقد التايب , لان عندك في الوسط نجوم مو سهلين

الشلهوب - الفريدي- الدوسري - المبارك - العنزي , كلهم تنقصهم فقط الخبرة صحيح انهم ليسو بمستوى التايب

ولكنهم نجوم , اذا بتجيب لاعب من خارج النادي لازم يتفوق عليهم بمراحل كثيرة , والا خلك على لاعبيك افضل