|
موبايلي والهلال + انتقال الفريدي بمقابل........
مساكم الله بالخير ومبروك عليكم العشر الاواخر
وانا داخل المنتدى لقيت مواضيع كثيره عن
موبايلي والاتصالات وتوقيع الزعيم معهم
واستفتائات وكلام كثير المهم حبيت اقول وجهة
نظري (( انا اشوف ان الاتصالات افضل ))
فيه ناس كثير راح تطلع وتقول لا انا مع موبايلي
انا ابسئل اللي يقول انا مع موبايلي سؤالين وراح
افترض الاجابات السؤال الاول :
لو انك موظف ب4 الاف مع البدلات حوالي 6 الاف
وجاك عرض ب7 الاف ومع البدلات حوالي 10 الاف
وش بتفضل مع ان الشركه الاولى متمسكه فيك ؟؟؟؟
يفترض انك تفاوض الاولى وتعلمهم انك راح تطلع
لان جايك عرض من شركه ثانيه
واذا رفضوا الزياده وهم متمسكين فيك وش الفايده
من انهم يتمسكون فيك بدون زياده اكيد راح تطلع
وتخليهم واذا ما طلعت معناته ما تعرف مصلحت
نفسك وراح تندم بعدين وهذا حالنا مع موبايلي .....
اما السؤال الثاني :
اللي يقولون انا مع موبايلي وش اسباب
رفض عرض الاتصالات مع انه اكثر
من عرض موبايلي ب 35 مليون تقريبا ؟؟؟
اذا كان الرفض عشان تقول الفواتير وما الفواتير
معناته انت لا تبحث عن مصلحة الهلال وخل
غيرك يبحث عنها مثل (( عبدالله بن مساعد ))
معناته هذي مشكلتك انت مع الشركه ليست مشكلة
الهلال وجمهور الهلال فانصحك تشوفلك باقه جديده
تكون قليلة المصاريف وتترك مصلحة الهلال
لرجال الهلال واذا كان فيه اسباب اخرى
فنرجوا توضيحها لان الهلال مهره غالي واللي
يرضى بعرض موبايلي وعنده عرض الاتصالات
معناته يرخص ناديه لمصلحة نفسه وهذا مرفوض!!!!!!!!
فرفشه
دخلت منتديات العالميين
الشيخ مدحت والشيخ مناحي (الدل... )
لقيت استفتاء يقول مقايضة لعيبه مع الهلال
واطالع الا كاتبين بما ان الهلال يعاني
من الجهه اليمنى اش رايكم لو يذهب
شراحيلي للهلال وياتي الفريدي للنصر
ولقيت تفاعل (( من جدهم )) المهم
واخذ حبوب مهدئه وارجع ولازالو متفاعلين
مع الموضوع وافكر وش يقصدون
الفريدي والا كسارة الفريدي
بدل شرحيلي المهم فيه ناس كاتبين لا
ما نبيه وخلهم يعانون من ذي الخانه
واروح اخذ حبوب مهدئه وارجع
ولازالوا متفاعلين المهم كان ودي
اشترك في منتداهم بس معصي
وكان ودي اقول ان كسارة الفريدي
بلعب شراحيلي والبحري وهزازي
ومعهم مدلك الفريق هذا اذا كان فيه مدلك  | 