وعليكم السلام ورحمه الله وبركاته

هلا بك يالغاليه
ماشاء الله عيني عليك بارده
قبل نبدا يسلمو ع التعديل بس والله مادريت انه بينحط

ندخل بالفقرات




توني متكلمه بيوميات اخوي سيمو
صحيح الاطاله المبالغ فيها كثير مذمومه بالنسبه لهمـ
ولكن برائي ان المساجد ماشاء الله تبارك الله كثيرر وفيه الي يطول وفيه السريع وفي الوسط
فالواحد يختار المسجد المناسب له ويحس انه بيخشع
صحيح اان ضد بعض الاطاله لان فيه المساجد نساء ورجال كبار بالسن وفيه ناس مايقدرون ع الوقفه الطويله خصوصا ان االاغلبيه يكون مااكل اكل كثير يهئيه ع الوقوف الطويل
والله يجزا الائمه خير الجزاء



للاسف الاغلبيه مقصرين نسال الله ان يتجاوز عنا
ولكن لو الواحد حط بباله ان بيختم القران بيقدر اكثر من مرهـ
لكن الواحد للاسف ماعندهـ عزيمه ويتكيثر وجهين او ثلاث بالقراءهـ
وللاسف ان هالفتره اجازه مافي عذر
وسبحان الله يمكن الاخوات والصديقات يحمسون بعض
وحده من البنات كنت انا واياها متقاربات بالقراءهـ والاجزاء
لما قربت تختم قالت ان وحده قالت لي لاتستعجلين بالختم لانك ماراح تختمين ثانيهـ
وقتها عصبت والله يعني هالصديقه يامفروض تحمس الواحد ع الخير وانها تختم اكثر من مره او تسكت اخير لها
واقنعت البنت انها تقدر تختمه مرتين والحمد لله ختمته البنت للمره الاولى
والحين بالختمه الثانيه

الحمد لله من كم سنهـ صارت المسلسلات برمضان ماتعني لي شي ولااتابع منها شي
يمكن لو فضيت اضطريت على تقليب القنوات شوي
ولكن الحمد لله لست مشغفه بالمسلسلات الرمضانيه
والله من كم يوم صرت اتابع باب الحارهـ لاني كنت متابعه الجزء الاخير قبل رمضان فتحمست اتابع الجديد بس لو فاتني ماحرص كثير
ويمكن لانه مسلسل مافيه خرابيط والواحد مايستاثم فيه كثير فعادي لو تابعته

والحمد لله هالشي مو رئاء صحيح اني ماستغل وقتي زين
يمكن اجلس ع النت بدل المسلسلات ولكن لاني احس النت مافيه شي بكسب اثم عليه
اما المسلسلات موسيقى والخ



بصراحه مافضله ابدا خصوصا عند الاقارب
والحمد لله ابوي اصلا يرفضه هالشي
لان الافطار سبحان الله لكل بيت له خصوصيته فافضل نكون ببيتنا



لاتشكي لي ابكي لك اكتفي بهالعباره




التصميم روعه

ملابس العيد للاسف مابعد كملت
وبصراحه دورت وماحصلت شي فلجأت للتفصيل ولما فصلت لبس واحد هونت وفصلت غيرهـ
وباقي لي اغراض تكميليه للي فصلتها
بس للاسف ارتباطي بالمسابقه اجبرني ع الجلوس وماخلاني اقدر اكمل اغراضي
ان شاء الله لاخلصت المسابقه كملت اغراضي

والسوق بايخ مافيهـ شي



ماشاء الله اليابان وسوريا اصنافهم حلوة




عشوقه
ماشاء الله موضوع متكامل ومتميز ومو غريب عليك
ابدعتي والله تسلم يدينك
ترى ماعرف امدح زين بس ابدعتي
وان شاء الله دوم هالنشاط
والظاهر بنوقف كل البنات اذا بتطلع لنا مواضيع متميزة
ربي لايحرمك الاجر