هلا والله بدلع الإمارات وش أخبارج ؟ وش أخبار بنوتتك ؟  والله ياعليك مواقف بس أهم شي إنتبهي من السلالم الكهربائية تخيلي أمي من زمان علقت عبايتها في السلم
الكهربائي ولين هاليوم وهي متعقدة منها
عاد أنا يوم قالت لي هالموقف صرت إذا جيت أطلع فيه أرفع عبايتي فوووق أخاف تعلق وأتورط من المواقف الي صارت معي موقف محرج مرررره  هذا الله يسلمك كنت طالعة من بيت عمي أبروح للبيت وكانت سيارة ولد عمي موقفه قدام البيت بالضبط وكان هو فيها يعني يشوف اللي يطلع المهم إني كنت بنزل الدرج وأنا نازله أختل توازني بسبب الكعب و طحت بس الحمد لله كانت طيحة محترمة مو على وجهي بس كأني قعدت على الدرج
حتى من الفشيلة قعدت أضحك على نفسي ومدري هو شافني وإلا لا وكانت عمتي طالعة معنا قعدت تسمي علي وتقول جاك شي قلت لالا وأنا لازلت أضحك
وموقف ثاني صراحة كلما تذكرته قعدت أضحك على نفسي ذاك اليوم كنا ببيتنا في الديرة مو في الرياض وكانت عندنا بقالة قريبة دايم نطلب منها المهم طلبت بعض الأغراض ومويه وبالعادة إذا جاب الأغراض وكان فيه أحد من أخواني يروحون يفتحون الباب بس إذا ماكان فيه أنا أفتح الباب شوي و الهندي يدخل الأغراض ويروح المهم جا الهندي وفتحت
له شوي بس حسيت إنه يدف الباب بقوة انا عاد خفت أحسبة بيدخل علينا قمت دفيت الباب بأقوى ماعندي قال الهندي مويه مويه إثره المسكين جايب غرشة موية كبيرة ( نفس اللي بالصورة) وبيدخلها وهي ثقيلة وكبيرة عاد أختي كانت طالعة معي قالت الله يفشلك فشلتينا بيدخل الموية عاد أنا مت من الضحك وش دراني احسبة بيجيب علبة صغيرة
وبس خلصت المواقف
فتك بعافية
أختك ورده
اخر تعديل كان بواسطة » Je t'aime Hilal في يوم » 18/09/2008 عند الساعة » 03:41 AM | 