نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - صور ومواقف ... صارت ويايه ... شاركونا بصوركم ومواقفكم

المـشـاكـس · #3 17/09/2008, 04:44 PM

هلا دلع الامارات ورده ..
قبل ما اتكلم عن كل موقف لحاله ..
انا اشوف انه في سبب ورى كل هالمشاكل ..
اللي هو " البشكارة " ..
يعني لو بدونه كانت امورك متيسرة .. وما فيها مشاكل ..
الا هو عندكم بالامارات بكثرة مثل ما هو عندنا .. لأنهم يقولون انه يكثر في الصحراء

..
<<< واحد تورط ما عرف وش البشكارة

..

الموقف الاول ..
اتوقع ان البشكارة تهاونت في العربة يوم انها فاضية ..
والا لو كانت البنية داخلها كان اهتمت فيها ولا خلتها تطيح ..
بس على اي حال ..
المفروض ان الواحد يبعد الصغار عن اي شيء ممكن يأذيهم ..
حتى لو كان الخطر بعيد شوي .. الاحتياط واجب ..
عموما .. الحمدالله على سلامة البنية ..

الموقف الثاني ..
عاتي عاتي .. تصير .. انا شفت واحد تعلق احرامه بالحرم .. والله ياهي كانت ورطة

..
بس فيه زر ايقاف .. تقدرين توقفينه اذا حصل شيء .. او اول ما تطلعين

..

الموقف الثالث ..
والله يا دلع ..
حاولت امشيها لك .. بس مااااش

..
وش اللي نص ساعة من جدة لمكة .. والله لو ان الجمس مركب مكينة كرسيدا

..
طلبناك تخلينها ساعة

..

بس تبين الجد ..
والله يا لقطة الكامري انها مجنوووونة .. صدق انها كاميرا محترمة ..
الا ان كانت الصورة معدلة بالفوتوشوب او بالبلوتوث

<<< واحد يسمع بالبلوتوث

..

دلع الامارات ..
مواقف حلوة .. الله لا يجعلك تمرين فيها مرة ثانية ..
وعمرة مقبولة ورده ..

*********************************************************************

هذا الرد ..
ما لك وماله يا دلع

..
هذا الرد ليسلم

..

لا والله اني ما شاركت في اي مسابقة .. لسبب رئيسي .. هو انك انت منتب متواجد

..
ولسبب تافه بسيط .. هو انه ما فيه دراهم على المسابقات

..
صدقتني .. صح ؟!!

اما بالنسبة للبشكارات ..
اخبرهم فتحوا المجال لبشكارات شرق اوروبا يجون ..
والله يا هم بشكاراااااات

..
تبيني استقدم لك وحدة

..اتحداك تقول ايوه

..
يا لبى قلب الزواج كيف يكتف الرجاجيل

..

يسلم .. بالله ما تحس ان كلمة " بشكارة " سبة ؟

..

الا تعال ..

إقتباس

الرسالة الأصلية كتبت بواسطة leo messi


	^ عبيط شكلك منتب راعي هجوله اجل ذي مركّبه ؟ وبالبلوتوث بعد ..!!

حرام عليك ..
انا قلت معدلة .. ما قلت مركبة

..
يعني قصدي معدل في وضوح الصورة او الوانها او تباينها ..
اذا كانت مهيب معدلة .. فما اقول الا ما شاء الله على الكاميرا وعلى المصور ..

الله يهديك ..
خربت سمعتنا عند المهجولين

..
سامحنا يا جرح

..

الله يسعدك ويسلمك يا صاح ورده ..

.