اللاعبين الحالين كلهم ياخذون حقهم وزياده وحققوا ثروات يحلمون يحققونها
في اي مجال اخر سواء وظيفه ولا مشروع تجاري او استثماري ... لكن ما عندهم تفكير بمستقبلهم بعد الاعتزال

لو تكلمنا عن الفتره الحاليه بالذات تجد ان اللاعبين عايشين بوضع مادي ممتاز وحتى عند اعتزالهم يعتبر الاعتزال اضخم مشروع استثماري له ولا ننسى اعتزال سامي الجابر وماجد عبدالله وكيف حققوا مرود مادي كبير من حفل الاعتزال مع انهم ما تحملوا اي جزء من تكاليف الحفل حتى حقوق النقل للاعب يعني وين تروح هالفلوس كلها ..

لكن الاعبين السابقين الي ما عاصروا عصر الاحتراف امثال النعيمه وكانوا عايشين على المكافئات والشرهات ودبلها دبلها هم الي راحت عليهم والله يعوضهم ومروا بظروف صعبه بعد الاعتزال بالذات ان اغلبهم لا يحملون شهادات دراسيه عاليه .

لكن الان لما يحصل لاعب على عقد بمبلغ يتجاوز 20 مليون ومنزل وسياره غير الرواتب والمبالغ الماليه من مكافات او دعايات والاعلانات للاعبين وتقول لازم نسوي لهم جهه رسميه تساعدهم على مشاكلهم بعد الاعتزال اقولك اسمحلي كلامك غلط .

لانهم اخذوا حقهم كامل وزياده ولو دخلو في مجال اخر غير الكوره كان ما حقق 10% من الي حققه في الكوره

خلاصه الكلام : اللاعبين الحالين ما عليهم خوف وعايشين بنعيم وعندهم اموال توازي وتتعدى ما يملكه الوزراء ورؤساء بعض الشركات .

تحياتي ..