[ALIGN=CENTER]كيف حالكم ياأحلى أعضاء ... بداية لدهن السير [/ALIGN]

ياغالين اورد لكم قصة لأحد المعارف رواها في مجلس حلو مثل مجلسنا هذا أوردها لكم حرفيآ ولكم االحكم بما ورد فيها :-

يقول في ما مضى كنت ولازلت ولله الحمد والشكر ميسور الحال ولي بعض الزملاء أزورهم بين الفترة والأخرى وهؤلاء الزملاء لهم أقارب اذا علمو بوجودي أتو على وجهه السرعة لنتسامر مع بعضنا البعض الى منتصف الليل .

وفي أحد الأيام أتصل بي أحد أقارب زملائي ليطلب مني سلف لكي يكمل نصف دينه ولسوف يعيدها لي في مدة أقصاها شهرين .

قال :- قلت في نفسي هذا زواج وأعانة الزواج كله بركة ... ومن ثاني يوم وهي في حسابة .

تزوج أخونا و خلصت المدة والرجال لاحس ولا خبر وأنقطع عن مجلسنا الا الأبد .

وللمعلومية فقط لاغير أكبر عيالة سجله ابتدائي ... والدراهم ماوصلت الى ساعتك...؟؟؟

قال ياجماعة الخير هذي ما أحزنتني وأثرت في خاطري كثر ما أثر فيني صديقي والغالي على قلبي A خلونا نسميه بهذا ألأسم ياما سافرنا سوى وكل يوم نتقابل وأكثر شيء كان بمنزلي ... نقعد نسولف بالساعات وننسى أنفسنا في أكثر ألأحيان .

A طلب مني سلف مبلغ كبير ... قمت وسلفتة ... ومن بعدها شوي شوي سحب نفسة ولاعاد شفته حتى اتصال تلفوني مكثرها علي.

مع اني كلمتة كم مرة في عمله واحيانا على جواله ( و لو يدري انه أنا ) كان مارد علي ...؟

[ALIGN=CENTER]السلفية مر عليها ألأن سبع سنوات بالتمام والكمال .[/ALIGN]

ويقول لي وهو حزين جدآ :- يا أخي أنا ما أبيه يرد السلف ... بس ابي صديقي يرجع لي ونرجع زي زمان .

وتنهد ذيك التنهيده اللي تقطع القلب وقال ( ياليتني ماسلفت صديقي ).


قلت له مصير كل شيء يرجع زي زمان وأحسن ( مع انه من سابع المستحيلات ... قلتها بخاطري )
لكن ممكن تلقى صديق ( يلمح ) وفي ومخلص ولايطالع دراهمك .
قال :- يمكن .








قلت له :- الا يالحبيب ماعندك سلف