الهلال بحاجة لكوزمين أكثر من حاجة المنتخب ليه والسبب ...
كوزمين صار عارف لاعبين الهلال ودارسهم وما عنده مشكلة في الفريق بحكم المدة اللي قضاها مع الفريق وكذلك الفريق أصبح متعود على تكتيك المدرب وما عندهم مشكلة في فهم خطط المدرب واستيعابها وحتى المعسكر الأخير كان مبني على خطط وضعها المدرب للموسم القادم اللي من خلالها ستكون المواجهات مع باقي الفرق ولا ننسى الاستعداد للأسيوية.
.................................................
أما المنتخب السعودي فكوزمين يبيله الكثير من الوقت ليتأقلم مع المنتخب ويدرس كل اللاعبين ونتيجة لهذه الدراسة سيقرر من سيكون أساسي ومن الاحتياط وبعدها يبدءا في وضع الخطط التكتيكية والتدريبات اللياقية وغير ذلك وهذا أيضا يبيله وقت، والمنتخب مو فارقه معاه نقطة الوقت لأنه يبحث على مدرب وأي مدرب راح يجي للمنتخب راح يسوي نفس الشي يعني سواء كوزمين وإلا غيره..
على عكس الهلال اللي مستعد للموسم اللي على وشك أن يبدءا لو يخسر مدربه في ها الوقت الحرج تكون النتيجة صفر ولا تحلموا لا بكأس ولا حتى بميدالية والسبب راح يبدءا من الصفر مع أي مدرب جديد وخاصة مدرب لا يعلم شي على الدوري السعودي والفرق المتنافسة فيه والله اعلم ينجح مع الفريق أو لا ينجح.
فيا اتحاد كرة أرجوك اصرف النظر عن كوزمين وابحث عن غيره فهم كثر.
(( ويا أميرنا الغالي - يا إبن مساعد - أنت هنا لخدمة الزعيم ورضيت بتحمل هذه الأمانة والمهمة الصعبة رجاء لا للتفريط في كوزمين في هذا الوقت الحرج جدا )).
