|
تابــــــــــــــــــــــــــــــــــــــــــــــــــــــــــــــــــــــــــــــع
بعدها اتعلق في الحديدة الطالعة على الانبوب الكبير روح وانزل عليه اتمشى عليه ببطء علشان لا تطيح اركب قدام اركض الحين لا تتباطئ علشان ماتطيح بتوصل مكان مغلق علي اليمين اضغط مثلث وبتتعلق واضغط X علشان تنزل بيطلعون جنديين فوق انت اتمشى تحت واحذر لل الحفر اركب السلم اتمشى واستند على الحائط وانخفض وروح علشان ما يشوفونك الجنود ال داخل ( مايحملون بطاقات) واصل يتوصل مكان م تقدر تطوف منه الا اذا استندت على الحائط ورحت بعدها بتشوف جندي يبول خله يكمل بولته بعدين روح للامام، انزل تحت
اتقدم قبل لا تركب الدرج فجر الكاميرات كاميرات كثيرة اتقدم بتوصل للجسر ال قدام مكسور اتشقلب علشان توصل الجهة الثانية.
عقب ماتدخل بيطلع فلم، روح ابحث عن المصعد واركبه، طلع الخريطة المكان يحتاج للسباحة في الخريطة في اماكن خضرة لو زرقاء هذي ترتفع ليها علشان تاخذ نفس اول ما تدش الماي روح قدام بتحصل سلاح NIKATA ارجع الي الطابق الاول وروح اسفل المكان اركب فوق الصناديق وبتشوف فتحة استخدم السلاح الجديد اطلق الرصاصة ومررها داخل الي يمين الغرفة في محطة افجرها، الحين روح يمين وفوق على اليسار بتحصل غرفة ادخلها بيعطيك الرجال بطاقة والدسك مال الفيروس عقب ما يجي اوسلوت ويقتل الرجال شيله عنده بطاقة خذها وروح المصعد.
في المياه اسبحقدام بتجيك اول لفة على اليمين ادخلها وبعدها اول لفة على اليسار فيها الجهاز ال يولع في الظلام اخذه واطلع واصل طريقك روح بعدها يسار بتجيك لفة على اليمين روحها روح قدام (بتشوف شئ على شكل كرة لاتلمسه تراه قنبلة ) خذ نفس انزل مرة ثانية في باب افتحه بيطلع منه ستلمان ميت روح فوق وخذ نفس بعدها روح يسار من فوق خذ يمين من تحت روح ارتفع وخذ نفس واصل الى قدام افتح الباب ادخل وروح يمين تطلع من الماء.
ادخل الباب الحين راح تقابل VAMP هوه راح يسبح داخل الموية(لاتنط اليه لاتموت) اسخدم وياه قاذف الصواريخ واذا نزل داخل الماء اما انك تخليه حتى يطلع او تقذف صاروخين ويطلع بسرعة وبيرمي عليك سكاكين زرقاء اذا ارتفع اقذف علية صاروخ وبينزل تحت وهكذا، اذا خلصت الصواريخ عندك الرشاشين ، قبل مايموت بشوي بيرمي عليك سكاكين برتقالية اتجنبها لانها راح توقفك مكانك لمدة قصيرة وماتقدر تبدل سلاحك اذا صادتك السكين، في ذخائر رصاص تقدر تاخذها، اذا نزل ليك تحت وقرب جنبك اتشقلب عنه.
عقب ماتخلص منه روح الباب ال على اليمين من فوق اسبح روح يمين اتقدم بتجيك لفة على اليسار روحها اتقدم وخذ يسار وادخل الحجرة، الخزائن الباب ال في الوطس افتحه بتلاقي ايما، تاخذها الى الطابق الاول يعني ترجع عن طريق الماء. استمر بالضغط على مثلث علشان تمسك بأيد ايما وتمشي معاها انزل الماء وارجع الى المصعد وخل في بالك ان ايما نفسها قصير، عقب ماتخلص السباحة كلها قبل ماتركب المصعد في حشرات ايما مبتقدر تطوف نومها واسحبها ودخلها المصعد انزل خل ايما داخل المصعد وروح للجندي الاول وقتله ارجع الى ايما وخليها مكان الجندي ال قتلته اتقدم واقتل الجندي ارجع الى ايما في حجرة وانت راجع بتصير على يسار رايدن فيها كاميرتين شوش عليهم وفجرهم وادخل ايما في هالحجرة اقتل كل الجنود ال تشوفهم وخذ ايما واطلع معاها الى الجسرقبل ماتطلع بيجي جندي اذبحه واتمشى اطلع مع ايما خليها مكانها فجر الكاميرة واتقدم صلحوا الجسر اقتل الجندي ارجع الي ايما وجيبها في المكان ال صوبه حريقة تستطيع تطفيها بالرش ال عندك، طف الحريقة واتقدم الي الباب ال ايما بتفتحته ادخل اتخلص من الجنديين وجيب ايما اتقدم ابها بتوصل باب افتحه وادخل ومعاك ايما.
الحين يبي ليك تأمن الطريق ، تراقب ايما وهي تمشي اذا طلع قدامها جندي او جت ليها كاميرا فجرها، الطريق ال تمشي فيه ايما ضيق وفيه الغام اكشف عن الالغام بالماسح الحراري فجرها الجنود ال يطلعون اقتلهم والكاميرات فجرهم في نص االطريق بيتصل سنيك وبتشوف في الجهة الثانية ، اتصل ابه بعدين 3 مرات علشان يساعدك في حماية ايما قبل ما توصل ايما بيطلع ليها VAMP وبيهددها سنيك ما بيسوي شئ الحين انت عليك توجه على راس فامب وكل مايباعد ايما طخه حتى يترك ايما ويموت.
شاهد الفلم عقبه في ليك وقت محدد علشان تروح SHELL 1 في طريقك في حجرة بتصير علي يمين رايدن ادخلها خذ الكاميرة وروح SHELL 1 ادخل المصعد ( ماراح اشرح الفلم ال بيطلع لانه طويل)
انت الان في ارسنال جير رايدن راح يكون عريان على الآخر حتي سلاح ماعنده روح يسار تحت الكمبوترات في علاج اخذه روح يمين افتح الخزانة وخذ الدواء عن الزكام ادخل الباب وطلع الخريطة وادخل الباب ال عقبه. (المكالمات بتجيك بالهبل لا تاخذها), استند على الصندوق اذا دار الجندي ظهره روح يمين بتحصل سلم ركبه قبل لا تخلص من السلم استند و راقب الجندي اذا حصلت مجال روح يسار وبعد في جنود وكاميرات تسلل لتصل في اليمين الى باب ادخله المكان مقفل ما تقدر تطلع الحين، كل مكالمة خذها حتى تتصل ليك الحرمة ال تحفظ عندها، الحين بجيك سنيك وعنده حاجاتك كلها بيعطيك سيف وبيخليك تدرب عليه شوي.
طريقة استخدام السيف ، تسوي دائرة كاملة بالانالوج ال على اليمين بسوي حركة ، اضغط على الانالوج ال على اليمين علشان يطعن، R1 تحميك من ضربات الرصاص والضرب، المربع بيصير السيف ازرق علشان التنويم واضغط مربع مرة ثانية علشان القتل.
اذا كنت تجمع بطاقات اضرب سنيك بيطيح ويقوم بعد اضربه بيدوخ شيله وخله بتاخذ البطاقة ال عنده، عقب ما تدرب على السيف روح قدام وانتظر حتي يطلع الفلم. بتطلع برة مع سنيك وبيجونكم جنود بتصير معركة استخدم الرشاش M4 اذا خلصت الذخيرة سنيك بيطلع من عنده والعلاج بعد سنيك بيعطيك اقتل واتقدو بتوصل الى باب اقتل الجنود قبل ماتدخل بالسيف او الرشاش على هواك عقبها ادخل الباب وخذ العلاج وروح الباب وتصير مجزرة ثانية انت وسنيك ضد الجنود.
عقب ماتخلص منها بتروح مكان يتكلم فيه سوليدس وانت ماتشوفه بخلص كلام وبيجيب ليك 3 ميتل جيرات تقاتلهم
طريقة القتال استخدم ليهم قاذف الصورايخ اضربهم كلهم ولا تركز على واحد اضربهم في الوجه كل مل يموت واحد بيجي غيره وهكذا لاتوقف مكانك اضرب واحد وراوغ بعدها اضرب الثاني وهكذا، اذا جا لك واحد في الوسط اضربه في رجله بعدين راسه. العلاج راح يكون في الوسط كل ماتحتاج روح في الوسط واخذه الصورايخ وانت ترواوغ بتحصلها.
اذا خلصت منهم بيطلع فلم ياطوله طول شاهده وبتقاتل بعده سوليدس. تقاتله بالسيف روح اليه وانت تضغط R1
للحماية خله يضرب مابيصيدك (الا اذا حرك ال على كتافه او اذا استخدم الصواريخ او جاء اليك بسرعة)
بعد مايضربك اعطه كم ضربة بالسيف واذا قتلته اتكون خلصت اللعبة .
الحين بتشوف الوقت ال خلصت فيه والبطاقات ال جمعتها والجنود ال قتلتهم.................
بعض الاسرار :
الحصول على الكاميرة الرقمية: انه اللعبة للمرة الاولى لتحصل على الكاميرة في TANKER وللمرة الثانية لتستخدمها في كامل اللعبة
الحصول على جهاز التخفي: انه اللعبة على مستويين EASY , VERY EASY مثلا واجمع كل البطاقات التي لدى الجنود والزعماء.
ذخيرة لانهائية: انه اللعبة مرة او مرتين (ما اذكر) وبتحصل على ربطة الرأس الطويلة لسنيك اذا استخدمتها لا تنتهي الذخيرة ولرايدن هناك باروكة بنية.
والسلااااااااااااااااااااااااااااااااااااااااام
و
أحسن لعبه   بلا منازع
[HR][HR][HR][HR] | 