والله الموضوع حامي
واحد يرفع للمفرج وأثتين ينزلون بالمفرج

نجي للي ينزلون بالمفرج
صقر عفيف و

هذولا مبين أنهم جمهور الهلال الجديد
مايتذكرون إلا أيام باكتيا
حتى لو تسأل واحد فيهم من الرئيس الذهبي للهلال قال لك محمد بن فيصل
لانه ماشاف احد غيره

مادرى ان في رؤساء قبله كانوا هم الذهبيين
وجابو الآسيوية اللي عجز يجيبها مرتين مدري ثلاث محمد بن فيصل

نجي لموضوع بحر العيون الأساسي
جايب لنا صحيفة مدري مطوية
تبين أن سبب خروج الهلال من الآسيوية هو ليس المفرج وإنما تفاريس والدعيع
وكان ذلك بعد جدال حامي بينه وبين رفقته الكويسين

ياولد انت من جدك في ناس حملو المفرج خروجنا من الآسيوية ؟؟

ياهوه حتى لو لقيت أحد يقول كذا لا تسمع له
كأنك لاقي بزران قول لهم طيب طيب وروح
وش عرفهم بالأسباب

وإلا أسباب خروجنا معروفه بعد إرادة الله
وهي أسباب إدارية بحته

1| ماجابو لنا أجنبي مهاجم زي الناس
وجايبين لنا ردريقوا للمره الثانيه على التوالي وبعده ليلو خخخخخخخخخخخ

2| جالسين لسامي وهمهم سامي إلا يطلع من النادي ونسو الآسيوية وأهميتها للجمهور
أخذها من قاصرها سامي وأعتزل قبل مبارتنا مع الوحدة الإماراتي (المحظوظ)

3| الحظ الكبير يا عالم
كان هناك حظ ليس أي حظ وانما حظ خرافي مع اسماعيل مطر في مبارتين أمام السعوديه (المنتخب +الهلال)

يعني الوحده يوم تأهل أحسن من الهلال
ياشيخ رووح خذ لفه بسطوح بيتكم
كلا المباراتين الهلال ظااااااااااغط وماسك اللعب
واخرتها هم اللي يسجلون بهجمه وحده

فريق يقابلك بخطه 9/صفر/1
مهاجم واحد قصدي اسماعيل مطر وتجيه هجمه وحده بالمباراه ويسجلها

نفس وضع منتخبهم بالخليجيه
حاشرينهم عند بابهم واخرتها جاته هجمه غبيه وسجلها
ابوووووووك يالحظ ههههههههه

المفرج خويك كان كويس قديما
قبل لا يشجع الهلال صقر عفيف واللي يكرهون المفرج

لكن خلاص طاح مستواه
ماعاد يخارج وفضحنا قدام ورعان الهلال الجدد
ماعاد نقدر ندافع عن تاريخه المجيد

المفرج اتفقوا عليه مدربين كثار يا شطوورين
لا يجي أحد يسب المفرج ثم اشوته
المفرج منذ القدم بالهلال وجبنا معه بطولات يا حلوين
وما بانت نكباته الا لما شجعتو انتو الزعيم

اي مدافع بالدنيا لديه أخطاء
وياكثر المدافعين اللي سجلو في مرماهم أقوال ولا زالوا مع ناديهم

نيستا المدافع الإيطالي مدافع الميلان
تعرفونه
هذا يا طويلين العمر مره كويس
لكن سحبه ديل بيرو
نقول نسقوه ما نبيه مكبه سحبه ديل بيرو

والكباري كباري مالك معاذ وغيره
والله ما كان ياكلها مثل اثنين
الأول المررشدي
الثاني تفااريس

اما المفرج مالحق على مالك وحتى لو سحبه
فلا تنسو انه سحب المررشدي مرارا وتكرارا وقوم تفاريس وجلسه مرارا وتكرارا
ومالك معاذ برضو محظوظ ما يلعب إلا قدام الهلال
عشانه غيران من ياسر هههههههههههه
مثل العام الأهلي يصارع المؤخره وكل مبارياته هزايم ويجي قدام الهلال وبالرياض
يسحب بالمرشدي وتفاريس ويسجل قولين ههههههههههههههههههههههه

الاهم نبي نسوي خطه اربع اربعه اثنين
نطرد المرشدي قبل المفرج
المفرج أقلها لديه تاريخ كبير يشفع له بالبقاء بالهلال
اما المرشدي مدري وش عنده وجه النكبه

ما فضحنا قدام الغيني الاتحادي الحسن كيتا الا المرشدي
فضحنا والله بجده بالمباراتين ههههههه
يدينا على قلوبنا اذا اخذ الكوره كيتا عشان بس المرشدي
لا ومسوي لاعب سريع
مافي امل يمسك مهاجم منفرد
هههههههههههههههههههههه

ولا تنسون الاسطورة العنقري
عنقرينيو
على وزن رونالدينيو
شوتوه معهم

ومحمد نامي جايبينه بسبعه ملايين من الانصار مدري احد
واخرتها ماندري وين مركزه

هذه من تخبطات الاداره السابقه

وسوف يتلافها بمشيئة الله الامير المحبوب عبد الرحمن بن مساعد
والمدرب سامي الجابر
>> ادري انه مو مدرب بس كيفي احطه هههههههههههه

يمدحون خيرات ماشاء الله عليه
نحطه جنب هوساوي أو رالديس
عاد هم يتشارون بينهم

والمفرج والنكبه الآخر المرشدي إحتياط أو تنسيق أو أي شيء

واللي يسب وينقد المفرج
أقول له أصبر على المرشدي
والله ان تشوف فضايح
نكبات المفرج اللي حصرتوها وتعبتوا انفسكم عليها ما راح تكون شيء جنب نكبات المرشدي
بس صبركم الايام جايه
والشاهد فارق لعبهم مع الهلال
المفرج لعب كثيرا مع الهلال وطلعتوا له اخطاء خمسه
يا ترى لو يكمل المرشدي أربع سنوات بس كم خطأ بتطلعون
يا نقااااااد