السلام عليكم ورحمة الله وبركاتة

من زمان ماكتبت موضوع وحبيت أطرح هالموضوع بصراحه

وأتمنى تركزون معي وتفهمون كلامي بالعقل ..

يامشجع ياهلالي حلمنا آسيا ..
ليش حنا عاطفيين لهالدرجه ..
إذا اللاعب أخطأ في التمريره الله يعينه علينا ..
وإذا سجل أحسن لاعب في العالم ..
أسمعوني زين
إذا كنتوا تبغون مصلحة الهلال لازم نشجع كل اللاعبين ولانقدم لاعب على الثاني أي لاعب يقدم كوره صح نصفقله مهو علشانه فلان ..
نبغا نشوف تشجيع لكل اللاعبين إذا أعلنت القائمه ..

فأنت يامشجع وش بتسوي إذا صاحيت على لاعب قبل المباراة أعرف أنه بينكب منتهين منها ..

تخيل أنت دخلت مجلس وجاء واحد قالك كلمه بذيئه قدام الناس وش بيصير موقفك بتقعد في المجلس أكيد لا وإذا جلست بيصير خاطرك متكدر وبتكون حساس لأي كلمه ..


نكون واضحين أكثر مهما تكلمنا المفرج لنا 3 سنين نقول نسقوه مانسقوه ليش حنا صايرين أعداءه أكيد الإداره شايفه فيه شي ثاني ومبقيته ولو قلنا واسطه لا سمح الله الرأي الأول والأخير للإداره ..


وفي النهايه الجمهور ذو حدين إما ينفعك أو يضرك .. وحنا لازم نكون ننفع مانظر لأن مهما تكلمنا وقلنا بالعقل الموضوع راجع للإداره مهما فحطتوا على المدرجات وتكلمتوا أو حتى في المنتديات الموضوع للإداره ..

الرساله الأخير ( طولت عليكم ) نعاهد أفنسنا من أول مباراة للهلال حتى آخر مبارة نكون عونا للاعبين لأن الهلال يحتاج يلعب بحماس الجميع مهو بحماس واحد اليد الوحده ماتصفق ..