اول شي عنوانك نكته هههههههههه

خيالك واسع ما شاء الله عليك تنفع في ديزني

ثاني شي ياحبيبي انا ماعمري ارد على اي موضوع الا على المواضيع الغير عقلانيه لانها تثيرني وارد بغضب للامانه ,,

هالحين على اي اساس حطيت هالموضوع انسحاب الهلال من الدوري والكاس ؟؟

ممكن تفسير
هل انت كاهن او عراف او ايش بالتحديد او من حقين الصيفيه؟؟

ثاني شي اللاعب السهلاوي ناديه مايبي يبيعه ولا يعيره وش نسوي ياخي مادري من وين تجيب هالطلبات كيف تبينا نسوي ؟؟؟

عندك حيله ؟؟
تبينا نخطفه مثلاً
وش رايك قل تم ؟؟
والظهير الايمن والا على طريقتك مثلا بالكتابه كذا "الضهير" نفس الشي مارضيوا يبيعون وش نسوي ؟؟؟
والمهاجم الاجنبي تجلس انت وغيرك تضغطون على الاداره نبي مهاجم الاتحاد والاهلي سوو وسوو واذا استعجلت الادارة وجابت لاعب مشي حاله زعلت طيب اصبر لين يقفل باب القبول والتسجيل لاي لاعب بأي نادي وتعال جادلني ,

اعيد واكرر نفس الكلام اللي اقوله لك ولغيرك اذا سمعت واحد في جلسه يقول المفروض يسوون ويسوون والاداره نايمه لا تاخذ كلامه وتجي تنثره في صفحات منتدى الزعيم خلي لك رأيك وترا حقين الجلسات يهايطون على اساسانه يفهم وهو من جنبها عرف انك هلالي وقام يتفلسف وانت مصدق الله يصلحك ويهديك قول آمين