والله فكرتي دخلت المخيخ
مثل ماتلاحظون هالانديه السعوديه كلم استغلالين وكلهم ضد الهلال
القادسيه يوم نفاوض الطريدي يماطلون واخر شيء عطو الاعب الاتحاد
والطائي نفس الشيء يماطلون ومدري ايش واخر شيء الاعب نصراوي
والرهيب والاتفاق هذولا قصه لحالهم نعنبوكم تجددون للاعب بخمسه مليون وتبغون تعطوننا الرهيب اعاره لمدة سنه فوق مبلغ تجديده على الرغم من انه مجدد خمس سنوات ياحليلهم يسمعون بالاستغلال
المشكله ماهي ان الهلال مايقدر يدفع لكن المشكله الاستغلال والاستغفال ادارة الاتفاق ذكرتني بالبنقالي اذا جبته يوزن لك الراس (الدش)واذا جاء يمشي قال صديق ميه عشرين وآخر شيء تعطيه ثلاثين لا وتلقاه متشقق من الفرحه
وكامل المر قالوا بنحافظ على لاعبيننا ومدري ايش وآخرتها المحياني اليوم للأهلي حسب ماسمعت ماني متأكد
على العموم جبتلكم حل عشان نفتك من ذلة الانديه السعوديه لنا
الخطه باختصار نحول طريقة اللعب من 4-4-2 الى 3-5-2
واحلى كلام
الحارس الدعيع
قلوب الدفاع:رونالد اسامه هوساوي المفرج <<<<<<ايه هين المفرج
والثالث المرشدي المفرج عقبال التنسيق ان شاء الله
الوسط
محورين :ابو عزيز والغامدي
وصانع العاب خلف المهاجمين طارق التايب
وأجنحة الوسط ((الشلهوب الذياب الكلثم التمياط العنزي نواف العابد المؤشر الخثران الدوسري إلخ........... )) الاجنحه الخيارات متعدده وحلوه وكل واحد احسن من الثاني ناخذ اثنين على حسب الجاهزيه ونحطهم اجنحه وأفضل يكون الخثران عشان يساند الوسط ويرجع بالجهه اليسار اثناء الهجمه ضدنا والثاني اختر ياكوزمين
والهجوم ابو قحط
والمهاجم الاجنبي الجديد
وبكذا افتكينا من مشكلة الظهير الايمن
رجاء خاص بدون تحطيم اللي عجبته الفكره يرد واللي ماعجبته الفكره بعد يرد
بس بدون تحطيم
وش رايكم