فيه بعض النقاط ودي اقولها :

عمر الغامدي اليوم لعب مباراة حلوه وموب حسنته الوحيده الهدف بالعكس عمر بذل نفس

مهام توليو ولكن انكشفت جهة عمر الغامدي اللي كان يلعب فيها بعد خروج توليو ورجوعه

لمكان توليو..

والتيماوي اليوم لعب مباراة من افضل مبارياته بعد رجوعه من الاصابه وكان مزعج جدا

في الجهه اليمنى هو والدوخي ولكن الهلال كان يلعب على العرضيات ودفاع الاتحاد ما شاء

الله عليهم ( ناطحات سحاب) وهذا اللي خلانا ما نستفيد من اي عرضيه وخلاك تغفل عن

دور التيماوي والدوخي في مباراة اليوم..


اما انت يالموهوب.....................

وش وجهة نظرك ضد الذئب سامي؟؟؟؟؟؟؟ سامي اليوم ازعج دفاع الاتحاد بالكرات اللي

يمررها بالعمق وشكلت خطوره على المرمى ولكن ما يفضالها الا الكاتو.........

سامي حاول وحاول وحاول ولكن ماعندك احد لا الحكم ولا الكاتو ذا اللي غثنا بكثر ما يضيع

ويصفق ولكن اتمنى اسمع وجهة نظرك عن سامي في هذه المباراة ولو في خاطرك كلام واقعي

كان قلته وما يزعل من الصدق الا جاهل اما اذا كان افتراء فمن حقك انك تسكت عشان شعبية

الذئب الجماهيريه........

وشكرا.............