سلام عليكم
متابعة لموضوع نواف انا بس مستغرب من الاخوان كأن مركز راس الحربه شي عظيم يااشباب تراا مهوب صناعة صاروخ , وبعدين مافيه خطر على الهلال زي حراسة المرمى مثلا
يعني عادي احيانا وسط المباريات يقدم المدرب واحد من لاعبين الوسط لرأس الحربه لضروف معينه ويكمل الفريق المباراة وينتهي الموضوع بدون مشاكل شمعنى يعني نواف صار صعب حتى نجربه؟؟؟
يعني العنبر مثلا اسرع من نواف والا انشط منه والا عنده سرعة بديهه اكثر من نواف ؟؟ بالعكس طبعا وهذاا الهلال عطااه فرصه ليين قال بس ومازالو الهلاليين يطالبون بعد باعطاءه فرصه ( وحده من هالفرص يخلونها لنواف على الاقل كانهم ناوين يعطونه )
وبعدين اذا على حكاية العمر تراا روجيه ميلا مهاجم الكاميرون مرجعينه للمنتخب وعمره 40 وجاب هدف في كولومبيا في حارسهم ذاك اللي يحب يسحب بالمهاجمين بعد ماقطع الكوره منه
وعلى فكره ترا ماجد عبدالله كان حارس مرمى باعترافه هو عاد تخيل ان محد قاله لاااا انت تصلح مهاجم وش بيطلع بيطلع حارس فاشل طبعا من هالكديش وانا متأكد ان اللي لعبه مهاجم ذيك الفتره كان له معارضين
حتى حارسنا محمد الدعيع كان حارس كرة يد بس قدر ربي شاء ان يكون حارس قدم
اللي باوصل له ان لاعب الوسط المتقدم والمهاجم مايفصلهم عن بعض شي الا ان لاعب الوسط يتحسر على مهاجم قدامه يضيع فرص بسبب نقص في امكانيات كلها موجوده في لاعب الوسط اللي وراه .

مع احترامي لجميع الاراء واجدد التحيه لكاتب الموضوع