|
حتى والزعيم مايلعب نهائي لو نصيب من الذهب ... والبلوي والعويران بالمنصه يهبلون .. وفديت ابو دعيع يانااس هههههههههههه
السلام عليكم .. شخباااركم يازعماء؟؟ يااارب تكونو على احسسن حاال .. مثل الزعيم فديته دايم
على احسسن حال .... وربي وحشتوني كلكم [[ أبووك يالنصب]]  اليوم انا مبسووط وقلت بجي
واكتب موضوعي بعد انقطاع .. طبعآ تعرفون مشاغل الدنيا وظروف الحياه [[ اخص يالشايب]] 
المهم كلكم شفتوو المباراه النهائيه اكيد ؟ ياويل حالي يازعماء .. زعيمنا حتى لو ماكان طررف بالنهائي
له نصيب من الذهــب  وربي اول مره اشوفها ... واللي عجبني اننا قهرنا بعض ناس مبسوطين
عشان هزمو زعيمهم وياليتهم هزموو الزعيم بتعبهم .. بس الله يخلي لجنة التخبطاات ونقل المباريات
والا كان الزعيم طرف بالنهائي .. وعلى فكره انا اتصلت بفيصل عبدالهادي .. عاد ممكن لي سنتين عن
الراجل وقلت لازم حق وواجب ندق عليه نسلم .. اكيد هوو من كثر الضغط بجدول الدوري والمسابقات
السعوديه مشغوول وماهو فاضي يتصل والا الرجال فيه خير اذكر انه كان دايم يدق علي ويقول هلا الشيخ
منصور [[ ابو ثامر]] ويوم يسمع صوتي .. يقول يامج مج ترى والله محتاس احسبك ابو ثامر .. كنت ابغى اتكلم
معاه بخصووص موضوع نقل كل مباريات الاتحاد بالدوري اللي خارج ارضه لجده .. ودايم اقول له
الله يعينك ويوفقك اخوي ... المهم نسيت موضوعي انا اتصلت بالاخ فيصل كنت وسألته : غريبه يابو هادي
ماخليتو الهلال يأخذ درع الدوري في الجوف .. بعد ماتضاربو 6 هنوود بمطعم بخاري في الصومال
قال : والله حنا بصراحه قررنا ان الهلال يروح يأخذ درع الدوري من الخرخير بعد هالاحداث المؤسفه .. بس عاد
عشان ابو متعب حاضر المباراه اضطرينا نسلمه الدرع بالرياض [[ قلت ببالي والله تبطي انت واشكالك ]]
المهم نرجع للمباراه .. والله واتضحت المؤامرات .. يعني حطوو كل ظلمهم على الهلال بمباراتي
النصف النهائي .. ووصلو النهائي وضاعت علوومهم .. وقسم بالله عجبوني الشباب فديتهم .. وعجبني جمهور
الهلال بالرياض بصراحه .. حضور مميز وربي .. وشفنا لاعبي المؤامرات والمنشطات ياحليلهم ضايعين
ومحمد نور مدري وشفيه .. كل مامر بجنب لاعب شبابي .. رفع يدينه ورمى نفسه [[ اقول قوم
قوم يابو الشبااااااب ترى الحكم مو أسباني متغدي مع البلوي مثل مباراتكم مع الهلال]]  المهم بعد
ماشفت لاعبهم [[ النشط ههههههه ]] الحسن كيتا .. مسوي حركته الغبيه .. عرفت انه فكك .. اسبوع كامل
مع الهلال يحقنون فيه ووصل النهائي وعطوه فياقرا الظاهر هههههههههههههه وربي انه غبي هالقمله
بس عاد هذي التربيه والدلال ... اجل لو انه طويل شوي وش كان سوى هههههههههههههه..اللهم لاشماته
المهم تصدقون اني طلعت من مكه للرياض عشان اشوف ابو دعيع يستلم درع الدوري؟ بعد قلبي
ابو دعيع .. وربي حجرر لهم .. وتذكروا مباراة الدوري يوم حشرناهم بجده  وعجبني ابو سلطان يوم
جاب كأس ولي العهد خخخخخخخ... يعني شوفو حنا توجنا مرتين ... وانتوو مساكين وصلتو بالغش ولاجبتو شي
طبعآ انا كنت بجنب العويران والبلوي .. بالمنصه [[ الله من قوة النصب]] المهم شفتوو البلوي بعد الهدف الثالث
يدف العويران قدامه .. تصدقون وش كان يقول له؟؟ [[ كان يقول الله يهديك ياعويران انا ماقلت لك دق على
عبدالهادي وخله يوقف عيال عطيف وكماتشو ووليد عبدربه ونايف القاضي وصالح صديق وناجي مجرشي؟ ]]
هييييييييه يابو الشباب ناجي مجرشي صار معاق من دفاعكم وتبغاهم يوقفوه كمان؟  ... وكان قلت
له حنا نلعب على ارضهم وبين جمهور الزعيم مفروض يلعبون بـ9 لاعبين هههههههههههه
قال العويران ياشيخ منصور ترى العبدالهادي جواله مفصوول من يومين ... ويقول الفاتوره طلعت جامده .. [[ وربي
احس لو تجيني فاتورة العبدالهادي الاقي اتصالاته كلها على رقم البلوي وجريدة الرياضي ههههههههههه]]
المهم انهم طلعوو وهم يتهاوشون وانا اضحك ... ومن حقي دام عندي زعيم من ذهب وربي من حقي وابسط
حقوقي .. ورجعت اليوم مكه .. والاقي امي تبارك وتقول الدعيع هالسنه رفع كأس ودرع .. قلت لها هذا ابو دعيع
حارس الزعيم وهذا الزعيم يالغاليه .. وربي جد قهرناهم .. وبكيناهم ..
[[ طبعآ هذي بعض مقتطفاتي من ليلة النهائي ... والموضوع القادم راح يعجبكم تدرون ليه؟؟ لأني بتكلم
عن فضيحه محمد البكيري قبل سنه تقريبآ ... وانتظروني ]]
وتقبلوو تحيات اخوووووووكم ومحبكم ... مج مج مجنون الهلااااااال مج مج .. وسامحوني ع القصور
 | 