|
لنــــكن واقعيـــيـــن يازعمــــاء... اتمنى محد يزعل من صراحتي
السلام عليكم ... شخباركم يازعماء.. بصراحه انا ماكنت بكتب شي . وفضلت الصمت بعد الاربعه القاسيه
بس بصراحه كل يوم اتابع المنتدى ولاحظت كثرة المشاركات المرغوبه والغير مرغوبه .. وانا اقصد المواضيع
اللي تتكلم عن مباراتنا القادمه امام الاتحاد .. وبصراحه وبدون زعل اعتقد والله اعلم ان التأهل حسم لصالح
الاتحاد وخلونا واقعيين .. حنا فرطنا بنتيجة الذهاب .. وحتى أشد المتشائمين ماكان يتوقع اننا ننهزم 4\1 ...
لأنها وبكل صراحه نتيجه كبيره علينا كهلاليين .. وفي نصف النهائي .. صحيح ان الهلال واجه ضغوطات نفسيه
كبيره قبل المباراه ومنها نقل مباراته الثانيه .. ووقف لاعبه طارق التائب.. وسوء تقدير حكم المباراه في اكثر من
مره ولكن هذا لايعني ان الفريق والمدرب لم يكونو فاشلين وبصراحه ..تمريرات مقطوعه واداء غير مرضي وحتى
الدعيع مستواه مهزوز .. ومدرب خبص بالتشكيله والتغييرات تخبيص محترم ... ليه نرمي اللوم على غيرنا؟ وليه
نقول منشطاات؟ طيب الحسن كيتا مستواه مثل ماهوو .. لاعب سريع جدآ وكلنا نعرفه .. ومحمد نور لعب بنفس
اسلوبه مع تطور ملحوظ بمستواه ومدربنا ركن خالد عزيز احتياط الشوط الأول وهذا اكبر خطأ ..وبعدين مدربنا سحب
الأظهره بالشوط الثاني وكأن ماعنده مباراه ثانيه!!!! حتى جمهور الزعيم ماكان بالموعد وكان اقل من عدد الجمهور
الحاضر بالنهائي .. رغم ان الجمهور كانت نسبته 30% بس برضوو ماغطوها .. يعني لو اخذنا 75% بالاياب راح يكون
الملعب فاضي .. اكيد بيجي احد ويقول [[ انت قاعد تحبط جمهورنا ولعيبتنا ]] ..بالعكس انا مااحبط احد واتمنى
الهلال يتأهل للنهائي .. لكن التمني ماينفع .. وبعدين حنا مهزومين بفرق 3 اهداف وضد الاتحاد . يعني ماراح
يضيعون هالفرصه بالساهل ... والاتحاد مو فريق سهل .. وحتى لو توقف المنتشري عندهم رضا تكر ..
يعني خلونا واقعيين ... ونقول مبرووك للهلال بطولتين .. وحظ اوفر بكأس الملك بالسنه القادمه .. وياليت نلتفت
لنادينا ونترك الاشاعات ... واتمنى اننا نحضر لاعبينا نفسيآ وبدنيآ حتى لاتتكرر الأربعه .. وحتى لو خسرنا نخسر
بواحد او اثنين . وغير كذا ابدآ مانرضاها .. وياخوفي والله يعميكم التفاؤل الزائد عن الحد وتعميكم الثقه الزائده
ونخسر بنفس نتيجة الذهااب .. ووقتها راح نكون مسخره للي يسوى واللي مايسوى.. وانا متأكد كثيرين راح
يسخرون من كلامي لكن انا قاعد اتكلم من خلال رؤيه واضحه ... وامور اعتبر ان 70% منها انتهت لصالح الاتحاد
ويكفي ان تفاريس طار .. وياخوفي يطير غيره ... وحنا نتكلم عن لجنة الانضباط وحكم ظلم الهلال...
وكل اللي اتمناه ان الهلال يقدم مباراه جيده ويمسح الصوره الهزيله بالمباراه الأولى .. واتمنى من الجمهور الهلالي
يكون حاضر بشكل اكبر من مباراة الذهاب .. رغم اني احس ان الوضع ماراح يتغير ان لم يكن اسوأ ... واتمنى
يكون كلامي وصلكم .. واتمنى تتقبلوو وجهة نظري ورؤيتي .. وراح اذكركم بعد المباراه ان كلامي كان بمحله ..
تــحــــيااااتي للجمــــــــــيع ... دمتم بخيرررر..  | 