السلام عليكم ورحمة الله وبركاته مساء / صباح الخير للجميع
الكل زعل من النتيجه الثقيله اللي جات فينا من الاتحاد
ومو عيب انك تخسر بنتيجه ثقيله
العيب انك تبقى على أخطائك
كل اللي نبيه من الاداره تشيل من راسها شي اسمه ( مجامله )
بصراحه فيه لاعبين في الهلال مستواهم في نزوول
يعني مافيه امل يرجع مستواهم الاول واعطيناهم اكثر من فرصة
اقل شي نطلبه من الاداره :
1-تغيير خط الدفاع <<< بإستثناء الزوري
نبي ظهير ايمن بنفس مواصفات الزوري او افضل منه
1- بنيه جسمانيه
2- سرعه
3- يجيد التقدم
4- يجيد الدفاع
عندنا 3 اظهره يمنى ( او اكثر ) وماتتوفر فيهم هالمواصفات و ما قدموا اللي نطمح له
نبي لاعب يلعب في مركز قلب دفاع ايسر القدم
المفرج مع احترامي له مافيه شي يقدر يضيفه للفريق
والمرشدي كلنا شفناه ضعيف جدا في الـ( المواجهات الفردية ) <<< مالك وكيتا وغيرهم كثيير
<<< من الممكن يكون المرشدي احتياطي
بعد رحيل تفاريس من راح يغطي على غلطات الدفاع ؟؟
2- لاعبين كثر مايستحقون اللعب للهلال او لا يستطيعون اضافة المزيد للنادي
مع احترامي لهم
1- البرقان تمريراته نصها مقطوعه ماعنده القدرة على قطع الكرة <<< قليل نشوفه يقطع كور
2- الخثران مع انه جاب القول في الاتحاد الا انه فيه عيوب قصر القامه وكبير في السن وممكن مستواه ينزل في الموسم الجاي
3- بدر الخراشي اخذ اكثر من فرصه في الفريق الاول وما استغلها واضافه على ذلك بطيء
4- خالد العنقري ضعيف دفاعيا لايجيد الكرات العرضيه وبنيته الجسمانية ضعيفه جدا
5- فهد المفرج كبير في السن ولا يقدر يضيف شي للنادي
..... إلخ
كل اللي نبيه من الاداره واعضاء الشرف انهم يتعاونون مع بعضهم ولا أحد يبخل على الزعيم بشيء ويخططون للآسيوية
فكيف تلعب مع اكبر النوادي الاسيوية ( اليابانية - الكورية ) وانت تملك لاعبين لايؤهلهم للعب في هذه البطولة ؟
نبي لاعبين على مستوى وحتى لو كلف النادي الكثير راح تتعوض مع الزمن
نبي لاعبين نجوم في خاناتهم
دام عند الادارة واعضاء الشرف امكانية احضار لاعبين نجووم في خاناتهم
ليه مانجيب ؟؟
ع العموم كل اللي كتبته يعتبر وجهة نظر تحتمل الصواب والخطأ
وبالتوفيق لزعيمنا
عزوووز الهلالي
