اللاعب محترف وجاي يدور رزقه واعتقد من حقه الذهاب لاي نادي طالما هناك مزايا ماديه اكثر؟

انا سمعت ان العقد باكثر من ثلاثه مليون دولار يعني اكثر من عشرة ملايين ريال سعودي؟
واعتقد ان إدارة الهلال محقه في عدم التجديد بهذا المبلغ, وتفاريس محق بالذهاب لقطر؟

نعم لا يستطيع عاقل ان ينكر ماقدمه تفاريس للزعيم خلال الموسم الماضيه وهذا الموسم وحقق مع الزعيم العديد من البطولات المحليه ؟ لكن وجهة نظر الإدارة بعد التوقيع مع هوساوي بمبلغ 12 مليون يحتم على إدارة الهلال التوازن في الصرف المالي لشغل المراكز؟ ولا ننسى ان هناك نقاط ضعف اخرى بالزعيم مازالت موجوده ومنها خانة الظهير الايمن؟ كذلك نحتاج محترفين بالوسط والهجوم بصورة اقوى من الدفاع؟
صدقوني لو يكون دفاعك قوي وماعندك هجوم او وسط راح تضغط عليك الفرق وفي النهايه ينهار دفاعك كما حصل في المباراة الاخيره يعني حتى لو مشيت معاك مباراة وتماسك دفاعك والحارسه ماراح يصمد؟ لكن خلي دفاعك شوربه بس عطني وسط قوي وهجوم ناري وخلي دفاعك يرقد ببمنطقة الجزاء؟ طبعا هذا لا يعني اني اطالب بان دفاعنا يكون ممر سهل لهجوم الخصم لكن بعد التعاقد مع هوساوي وبوجود المرشد والمفرج والزوري يبقى لنا فقط ظهير ايمن ينشد فيه الظهر ونقول للعنقري كثر خيرك ولا نحمهل اكثر من طاقته لان هذا كل ماعنده؟
صدقوني ترميم بسيط للدفاع وخاصه منطقة الظهير الايمن والاستفاده من لاعبين محترفين لجوار التايب واحد وسط ايمن والاخر هجوم وهداف او لاعب مزعج مثل كيتا بعدها مايوقف ابن امه امام الهلال؟؟

وياما لعب الهلال مواسم بدون خط دفاع حقيقي يعني بلاعبين هم بالاساس لاعبين وسط امثال الموينع وسيرجيو او مدافعين مستواهم عادي امثال شويش الثنيان وحسن نمشان وطارق العواضي وحقق الهلال بطولات محليه وخارجيه.