نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

algohmani · #7 29/04/2008, 12:31 AM

يالله حي الأخت ( && هلااااااليه && )

متفشل من موضوع ألو ناديه

إقتباس


	حجز الحين اكتب الرد بس عشان اصير اولي وترد علي مهوب مثل موضوعك الو ناديه ساحبن علي <<<في قلبي

ياكثر اللي سحبت عليهم وحاقدين علي بموضوع ألو ناديه بس اش اسوي نادية قفلت جوالها وماعاد ترد ..ز اعتذر لك أختي ولكن والله كنت مشغول بالمجله لين راسي ووجع راس مو بطبيعي عشان كذا عشقت في واحد وسحبت بريك وخرجت من مجلسكم بس بنعوضكم بهالموضوع واشوا انك طيبه ماسويتي زي واحد في بالي ...

إقتباس


	ساعة ابي افهم مافهت وش تقصد

وانا بعد ساعه مافهمت وش اللي مافهمتيه .... التنكه هي الطاسه الطاسه هي : أقول اذا ماتعرفي الطاسه اتصلي على 905 هذا رقم الإستعلامات دقي عليه ويردلولك خبر

إقتباس


	الببسي انا بعد بحث جهيد اكتشفت صراحه انهم يحطون فيه مخدرات لدرجة ان اللي يشربه يدمن عليه وهذا انت تقول احك تأكدت دراستي بان معه قليل من المخدرات على كل من مدمنين الببسي مراجعه اقرب مستشفى وانا منكم وهناك دراسه قائمة لاقامة مستشفى بجانب مستشفى الامل اسمه مستشفى مدمنين الببسي

صحيح الله يكفينا الشر للأسف انا ماقدر اتعشا ولا اتغدا هذا اذا تغديت اصلا الا بالبيبسي وللأسف ان كذا دكتور قلي مايصلحلك ومنعوني منه هو والشاي بس برضك ماسمع كلام بس وش نسوي الله يعطينا طولة العمر والصحة والعافية والصلاح في الدنيا والدين .

مره من المرات جابلي خويي سن توب وقال هاك يابو عبدالله طالعت بوجهه قلت وش هالدلاخه وش شايفني انت عشان اشرب سن توب رح جيب بيبسي بس
يطالع فيني يامخلوق تعوذ من ابليس بس واشرب هالسن توب واذا ماتبي بجبلك ربيع .... يوه الله يعين واشرب وانا مرتاح مع انه افيد للجسم من هالبيسي

اللي يسبب جرثومه سوداء في المعده لو شفتيها على الطبيعه ماتوقع تشربي بيبسي ثاني ...

إقتباس


	بصراحه وبدون لف ودوران وبدون احراج انا انسانه من الانسانات اللي الحليب العادي حق البقرة مدري الغنمة مااشربه الا بالسنة ولا اذا مليته نسكافيه عشان يروح طعمته وريحته فمابالك اشرب حليب ابل الله يكرم النعمه ودي اصير مثل العالم والناس والخلق واشرب الحليب

ههههههههههههه نسكافه في حليب النياق ههههههههههه جديده مره من وين جبتيها هذي ... قسم فاطس من الضحك وماني قادر اكمل رد الله يصلحكي بس وش رايك نسوي محل لبيع النسكافي بحليب النياق <<<< الاخ معجب بالفكره

إقتباس


	معلومه جديده بروح اتفيلح ع صديقاتي باتسر

واذا فيه وحده فالحه وقالت لك من وين جبتي المعلومه مو تقولين ادري

حفظ لحقوق المعلومات قولي القحماني ولا ترين بشتكيبك في هيئة حقوق الإنسان

وش دخلها مدري

شاكر لك اختي الكريمه على التواجد ونورتي الموضوع وشكرا لك على الإهتمام ....

بالنسبة للنقاش

نعم هناك اشخاص يهتمون بالإبل ولكن ايضا هناك من يهتم للتظاهر والمظاهر الخداعه اما مشاركة صاحب الإبل فالإبل ماشاء الله بتدر على الواحد حليب يفتحله مصنع يستخسر تنكه <<<<< اقول شكلك حاسد بالرجال

لا والله مو بحسد بس وش غير اطباع الرجال اللي كانو يصبون الحليب مجانا والان بفلوس ....

اما حليب الصافي واي حليب فلا اعتقد انه يغني فتلك تحتوي على حوافظ وامور اخرى من الصعب مقارنتها بحليب طبيعي وان كان عيبه انه يجيب حالات خاصه
صعب الواحد يكتبها هنا لكن هي المشكلة اللي تجبلك غثا

اخيرا سررت بتواجدك معي بالموضوع وياحليلك مبسوطه من اللي سحب علي ها ... بس راحت عليك تسددين ديونك وتسحبي زيه

تحياتي الخاصه لك وياهلا وياغلا منوره الموضوع وتواجد يتشرف به اي عضو من المنتدى من عضوه متميزه