زعماء دقايق من وقتكم ولا عليكم امر ...
الموضوع موب عن الظلم والتقصد من قبل لجنة الانضباط على نادي الهلال .. الموضوع عن الردود والمواضيع في هالمنتدى الكبير بأسمه .. وبكيانه الممثل في نادي الهلال .. وما يخفى عليكم ان الواجه للنادي في الخارج وامام الجمهور اللي برى المملكه هو هالشبكه .. والله انكم الان تعكسون صوره سيئه عن النادي بشكل خاص وعن الرياضه عندنا بشكل عام ... واذا تم نقل المباراه الى جده وش يعني بنلعب في اسرائيل ..
تعودنا من زعمائنا انهم ما تفرق معاهم جده من الرياض من تبوك وابها .. كلها هنا في ارضنا .. هذي اول نقطه .. ثانيا القرار اصدر وخلاص .. ليش الدعاء على اخواننا فاللجنه حتى ولو تأكدنا انهم قاصدين الهلال في هالموضوع وبدون اي مبررات لكن ما توصل اني ادعوا عليهم بالشلل والسخط وغيره ... حـــــــرام ... في شرع الله وسنة نبيه عليه افضل الصلاة والتسليم ..
اللي يبي يخدم النادي الان يرفع من معنويات اللاعبين وكأن العقوبه هذي ميزه ودافع انك تلعب وتعطي كل ما عندك وزود علشان تأخذ بطولتين في يوم واحد .. وكلنا ودنا ان محمد الدعيع يطلع ويستلم الدرع وكأس الابطال ... وكأني اشوفها ان شاء الله ..
همسه في أذن كل هلالي .. لا تنسى ان اللاعبين يدخلون معنا هنا ويشوفون المشاركات الله الله برفع المعنويات .. ويا مدور الهين ترى الكايد احلى
